| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៥. មុដ្ឋិបុប្ផិយត្ថេរអបទានំ
5. Muṭṭhipupphiyattheraapadānaṃ
២៤.
24.
‘‘សុទស្សនោតិ នាមេន, មាលាការោ អហំ តទា;
‘‘Sudassanoti nāmena, mālākāro ahaṃ tadā;
អទ្ទសំ វិរជំ ពុទ្ធំ, លោកជេដ្ឋំ នរាសភំ។
Addasaṃ virajaṃ buddhaṃ, lokajeṭṭhaṃ narāsabhaṃ.
២៥.
25.
‘‘ជាតិបុប្ផំ គហេត្វាន, បូជយិំ បទុមុត្តរំ;
‘‘Jātipupphaṃ gahetvāna, pūjayiṃ padumuttaraṃ;
វិសុទ្ធចក្ខុ សុមនោ, ទិព្ពចក្ខុំ សមជ្ឈគំ។
Visuddhacakkhu sumano, dibbacakkhuṃ samajjhagaṃ.
២៦.
26.
‘‘ឯតិស្សា បុប្ផបូជាយ, ចិត្តស្ស បណិធីហិ ច;
‘‘Etissā pupphapūjāya, cittassa paṇidhīhi ca;
កប្បានំ សតសហស្សំ, ទុគ្គតិំ នុបបជ្ជហំ។
Kappānaṃ satasahassaṃ, duggatiṃ nupapajjahaṃ.
២៧.
27.
‘‘សោឡសាសិំសុ រាជានោ, ទេវុត្តរសនាមកា;
‘‘Soḷasāsiṃsu rājāno, devuttarasanāmakā;
ឆត្តិំសម្ហិ ឥតោ កប្បេ, ចក្កវត្តី មហព្ពលា។
Chattiṃsamhi ito kappe, cakkavattī mahabbalā.
២៨.
28.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា មុដ្ឋិបុប្ផិយោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā muṭṭhipupphiyo thero imā gāthāyo abhāsitthāti.
មុដ្ឋិបុប្ផិយត្ថេរស្សាបទានំ បញ្ចមំ។
Muṭṭhipupphiyattherassāpadānaṃ pañcamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៥. មុដ្ឋិបុប្ផិយត្ថេរអបទានវណ្ណនា • 5. Muṭṭhipupphiyattheraapadānavaṇṇanā
