| Library / Tipiṭaka / ติปิฎก • Tipiṭaka / ธมฺมปทปาฬิ • Dhammapadapāḷi |
๒๒. นิรยวโคฺค
22. Nirayavaggo
๓๐๖.
306.
อุโภปิ เต เปจฺจ สมา ภวนฺติ, นิหีนกมฺมา มนุชา ปรตฺถฯ
Ubhopi te pecca samā bhavanti, nihīnakammā manujā parattha.
๓๐๗.
307.
กาสาวกณฺฐา พหโว, ปาปธมฺมา อสญฺญตา;
Kāsāvakaṇṭhā bahavo, pāpadhammā asaññatā;
ปาปา ปาเปหิ กเมฺมหิ, นิรยํ เต อุปปชฺชเรฯ
Pāpā pāpehi kammehi, nirayaṃ te upapajjare.
๓๐๘.
308.
เสโยฺย อโยคุโฬ ภุโตฺต, ตโตฺต อคฺคิสิขูปโม;
Seyyo ayoguḷo bhutto, tatto aggisikhūpamo;
ยเญฺจ ภุเญฺชยฺย ทุสฺสีโล, รฎฺฐปิณฺฑมสญฺญโตฯ
Yañce bhuñjeyya dussīlo, raṭṭhapiṇḍamasaññato.
๓๐๙.
309.
จตฺตาริ ฐานานิ นโร ปมโตฺต, อาปชฺชติ ปรทารูปเสวี;
Cattāri ṭhānāni naro pamatto, āpajjati paradārūpasevī;
อปุญฺญลาภํ น นิกามเสยฺยํ, นินฺทํ ตตียํ นิรยํ จตุตฺถํฯ
Apuññalābhaṃ na nikāmaseyyaṃ, nindaṃ tatīyaṃ nirayaṃ catutthaṃ.
๓๑๐.
310.
อปุญฺญลาโภ จ คตี จ ปาปิกา, ภีตสฺส ภีตาย รตี จ โถกิกา;
Apuññalābho ca gatī ca pāpikā, bhītassa bhītāya ratī ca thokikā;
ราชา จ ทณฺฑํ ครุกํ ปเณติ, ตสฺมา นโร ปรทารํ น เสเวฯ
Rājā ca daṇḍaṃ garukaṃ paṇeti, tasmā naro paradāraṃ na seve.
๓๑๑.
311.
กุโส ยถา ทุคฺคหิโต, หตฺถเมวานุกนฺตติ;
Kuso yathā duggahito, hatthamevānukantati;
สามญฺญํ ทุปฺปรามฎฺฐํ, นิรยายุปกฑฺฒติฯ
Sāmaññaṃ dupparāmaṭṭhaṃ, nirayāyupakaḍḍhati.
๓๑๒.
312.
ยํ กิญฺจิ สิถิลํ กมฺมํ, สํกิลิฎฺฐญฺจ ยํ วตํ;
Yaṃ kiñci sithilaṃ kammaṃ, saṃkiliṭṭhañca yaṃ vataṃ;
สงฺกสฺสรํ พฺรหฺมจริยํ, น ตํ โหติ มหปฺผลํฯ
Saṅkassaraṃ brahmacariyaṃ, na taṃ hoti mahapphalaṃ.
๓๑๓.
313.
สิถิโล หิ ปริพฺพาโช, ภิโยฺย อากิรเต รชํฯ
Sithilo hi paribbājo, bhiyyo ākirate rajaṃ.
๓๑๔.
314.
อกตํ ทุกฺกฎํ เสโยฺย, ปจฺฉา ตปฺปติ ทุกฺกฎํ;
Akataṃ dukkaṭaṃ seyyo, pacchā tappati dukkaṭaṃ;
กตญฺจ สุกตํ เสโยฺย, ยํ กตฺวา นานุตปฺปติฯ
Katañca sukataṃ seyyo, yaṃ katvā nānutappati.
๓๑๕.
315.
นครํ ยถา ปจฺจนฺตํ, คุตฺตํ สนฺตรพาหิรํ;
Nagaraṃ yathā paccantaṃ, guttaṃ santarabāhiraṃ;
ขณาตีตา หิ โสจนฺติ, นิรยมฺหิ สมปฺปิตาฯ
Khaṇātītā hi socanti, nirayamhi samappitā.
๓๑๖.
316.
อลชฺชิตาเย ลชฺชนฺติ, ลชฺชิตาเย น ลชฺชเร;
Alajjitāye lajjanti, lajjitāye na lajjare;
มิจฺฉาทิฎฺฐิสมาทานา, สตฺตา คจฺฉนฺติ ทุคฺคติํฯ
Micchādiṭṭhisamādānā, sattā gacchanti duggatiṃ.
๓๑๗.
317.
อภเย ภยทสฺสิโน, ภเย จาภยทสฺสิโน;
Abhaye bhayadassino, bhaye cābhayadassino;
มิจฺฉาทิฎฺฐิสมาทานา, สตฺตา คจฺฉนฺติ ทุคฺคติํฯ
Micchādiṭṭhisamādānā, sattā gacchanti duggatiṃ.
๓๑๘.
318.
อวเชฺช วชฺชมติโน, วเชฺช จาวชฺชทสฺสิโน;
Avajje vajjamatino, vajje cāvajjadassino;
มิจฺฉาทิฎฺฐิสมาทานา, สตฺตา คจฺฉนฺติ ทุคฺคติํฯ
Micchādiṭṭhisamādānā, sattā gacchanti duggatiṃ.
๓๑๙.
319.
วชฺชญฺจ วชฺชโต ญตฺวา, อวชฺชญฺจ อวชฺชโต;
Vajjañca vajjato ñatvā, avajjañca avajjato;
สมฺมาทิฎฺฐิสมาทานา, สตฺตา คจฺฉนฺติ สุคฺคติํฯ
Sammādiṭṭhisamādānā, sattā gacchanti suggatiṃ.
นิรยวโคฺค ทฺวาวีสติโม นิฎฺฐิโตฯ
Nirayavaggo dvāvīsatimo niṭṭhito.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ธมฺมปท-อฎฺฐกถา • Dhammapada-aṭṭhakathā / ๒๒. นิรยวโคฺค • 22. Nirayavaggo
