| Library / Tipiṭaka / ติปิฎก • Tipiṭaka / ธมฺมปทปาฬิ • Dhammapadapāḷi |
๒๓. นาควโคฺค
23. Nāgavaggo
๓๒๐.
320.
อหํ นาโคว สงฺคาเม, จาปโต ปติตํ สรํ;
Ahaṃ nāgova saṅgāme, cāpato patitaṃ saraṃ;
อติวากฺยํ ติติกฺขิสฺสํ, ทุสฺสีโล หิ พหุชฺชโนฯ
Ativākyaṃ titikkhissaṃ, dussīlo hi bahujjano.
๓๒๑.
321.
ทนฺตํ นยนฺติ สมิติํ, ทนฺตํ ราชาภิรูหติ;
Dantaṃ nayanti samitiṃ, dantaṃ rājābhirūhati;
ทโนฺต เสโฎฺฐ มนุเสฺสสุ, โยติวากฺยํ ติติกฺขติฯ
Danto seṭṭho manussesu, yotivākyaṃ titikkhati.
๓๒๒.
322.
๓๒๓.
323.
น หิ เอเตหิ ยาเนหิ, คเจฺฉยฺย อคตํ ทิสํ;
Na hi etehi yānehi, gaccheyya agataṃ disaṃ;
ยถาตฺตนา สุทเนฺตน, ทโนฺต ทเนฺตน คจฺฉติฯ
Yathāttanā sudantena, danto dantena gacchati.
๓๒๔.
324.
พโทฺธ กพฬํ น ภุญฺชติ, สุมรติ 9 นาควนสฺส กุญฺชโรฯ
Baddho kabaḷaṃ na bhuñjati, sumarati 10 nāgavanassa kuñjaro.
๓๒๕.
325.
มิทฺธี ยทา โหติ มหคฺฆโส จ, นิทฺทายิตา สมฺปริวตฺตสายี;
Middhī yadā hoti mahagghaso ca, niddāyitā samparivattasāyī;
มหาวราโหว นิวาปปุโฎฺฐ, ปุนปฺปุนํ คพฺภมุเปติ มโนฺทฯ
Mahāvarāhova nivāpapuṭṭho, punappunaṃ gabbhamupeti mando.
๓๒๖.
326.
อิทํ ปุเร จิตฺตมจาริ จาริกํ, เยนิจฺฉกํ ยตฺถกามํ ยถาสุขํ;
Idaṃ pure cittamacāri cārikaṃ, yenicchakaṃ yatthakāmaṃ yathāsukhaṃ;
ตทชฺชหํ นิคฺคเหสฺสามิ โยนิโส, หตฺถิปฺปภินฺนํ วิย องฺกุสคฺคโหฯ
Tadajjahaṃ niggahessāmi yoniso, hatthippabhinnaṃ viya aṅkusaggaho.
๓๒๗.
327.
อปฺปมาทรตา โหถ, สจิตฺตมนุรกฺขถ;
Appamādaratā hotha, sacittamanurakkhatha;
๓๒๘.
328.
สเจ ลเภถ นิปกํ สหายํ, สทฺธิํ จรํ สาธุวิหาริธีรํ;
Sace labhetha nipakaṃ sahāyaṃ, saddhiṃ caraṃ sādhuvihāridhīraṃ;
อภิภุยฺย สพฺพานิ ปริสฺสยานิ, จเรยฺย เตนตฺตมโน สตีมาฯ
Abhibhuyya sabbāni parissayāni, careyya tenattamano satīmā.
๓๒๙.
329.
โน เจ ลเภถ นิปกํ สหายํ, สทฺธิํ จรํ สาธุวิหาริธีรํ;
No ce labhetha nipakaṃ sahāyaṃ, saddhiṃ caraṃ sādhuvihāridhīraṃ;
ราชาว รฎฺฐํ วิชิตํ ปหาย, เอโก จเร มาตงฺครเญฺญว นาโคฯ
Rājāva raṭṭhaṃ vijitaṃ pahāya, eko care mātaṅgaraññeva nāgo.
๓๓๐.
330.
เอกสฺส จริตํ เสโยฺย, นตฺถิ พาเล สหายตา;
Ekassa caritaṃ seyyo, natthi bāle sahāyatā;
เอโก จเร น จ ปาปานิ กยิรา, อโปฺปสฺสุโกฺก มาตงฺครเญฺญว นาโคฯ
Eko care na ca pāpāni kayirā, appossukko mātaṅgaraññeva nāgo.
๓๓๑.
331.
อตฺถมฺหิ ชาตมฺหิ สุขา สหายา, ตุฎฺฐี สุขา ยา อิตรีตเรน;
Atthamhi jātamhi sukhā sahāyā, tuṭṭhī sukhā yā itarītarena;
ปุญฺญํ สุขํ ชีวิตสงฺขยมฺหิ, สพฺพสฺส ทุกฺขสฺส สุขํ ปหานํฯ
Puññaṃ sukhaṃ jīvitasaṅkhayamhi, sabbassa dukkhassa sukhaṃ pahānaṃ.
๓๓๒.
332.
สุขา มเตฺตยฺยตา โลเก, อโถ เปเตฺตยฺยตา สุขา;
Sukhā matteyyatā loke, atho petteyyatā sukhā;
สุขา สามญฺญตา โลเก, อโถ พฺรหฺมญฺญตา สุขาฯ
Sukhā sāmaññatā loke, atho brahmaññatā sukhā.
๓๓๓.
333.
สุขํ ยาว ชรา สีลํ, สุขา สทฺธา ปติฎฺฐิตา;
Sukhaṃ yāva jarā sīlaṃ, sukhā saddhā patiṭṭhitā;
สุโข ปญฺญาย ปฎิลาโภ, ปาปานํ อกรณํ สุขํฯ
Sukho paññāya paṭilābho, pāpānaṃ akaraṇaṃ sukhaṃ.
นาควโคฺค เตวีสติโม นิฎฺฐิโตฯ
Nāgavaggo tevīsatimo niṭṭhito.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ธมฺมปท-อฎฺฐกถา • Dhammapada-aṭṭhakathā / ๒๓. นาควโคฺค • 23. Nāgavaggo
