| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៣. និបន្នញ្ជលិកត្ថេរអបទានំ
3. Nipannañjalikattheraapadānaṃ
១៦.
16.
‘‘រុក្ខមូលេ និសិន្នោហំ, ព្យាធិតោ បរមេន ច;
‘‘Rukkhamūle nisinnohaṃ, byādhito paramena ca;
បរមការុញ្ញបត្តោម្ហិ, អរញ្ញេ កាននេ អហំ។
Paramakāruññapattomhi, araññe kānane ahaṃ.
១៧.
17.
‘‘អនុកម្បំ ឧបាទាយ, តិស្សោ សត្ថា ឧបេសិ មំ;
‘‘Anukampaṃ upādāya, tisso satthā upesi maṃ;
សោហំ និបន្នកោ សន្តោ, សិរេ កត្វាន អញ្ជលិំ។
Sohaṃ nipannako santo, sire katvāna añjaliṃ.
១៨.
18.
‘‘បសន្នចិត្តោ សុមនោ, សព្ពសត្តានមុត្តមំ;
‘‘Pasannacitto sumano, sabbasattānamuttamaṃ;
សម្ពុទ្ធំ អភិវាទេត្វា, តត្ថ កាលង្កតោ អហំ។
Sambuddhaṃ abhivādetvā, tattha kālaṅkato ahaṃ.
១៩.
19.
‘‘ទ្វេនវុតេ ឥតោ កប្បេ, យំ វន្ទិំ បុរិសុត្តមំ;
‘‘Dvenavute ito kappe, yaṃ vandiṃ purisuttamaṃ;
ទុគ្គតិំ នាភិជានាមិ, វន្ទនាយ ឥទំ ផលំ។
Duggatiṃ nābhijānāmi, vandanāya idaṃ phalaṃ.
២០.
20.
‘‘ឥតោ បញ្ចមកេ កប្បេ, បញ្ចេវាសុំ មហាសិខា;
‘‘Ito pañcamake kappe, pañcevāsuṃ mahāsikhā;
សត្តរតនសម្បន្នា, ចក្កវត្តី មហព្ពលា។
Sattaratanasampannā, cakkavattī mahabbalā.
២១.
21.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា និបន្នញ្ជលិកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā nipannañjaliko thero imā gāthāyo abhāsitthāti.
និបន្នញ្ជលិកត្ថេរស្សាបទានំ តតិយំ។
Nipannañjalikattherassāpadānaṃ tatiyaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៣. និបន្នញ្ជលិកត្ថេរអបទានវណ្ណនា • 3. Nipannañjalikattheraapadānavaṇṇanā
