| Library / Tipiṭaka / តិបិដក • Tipiṭaka / បញ្ចបករណ-អដ្ឋកថា • Pañcapakaraṇa-aṭṭhakathā |
១៦. សោឡសមវគ្គោ
16. Soḷasamavaggo
១. និគ្គហកថាវណ្ណនា
1. Niggahakathāvaṇṇanā
៧៤៣-៧៤៤. ឥទានិ និគ្គហកថា នាម ហោតិ។ តត្ថ យេ លោកេ ពលប្បត្តា វសីភូតា, តេ យទិ បរស្ស ចិត្តំ និគ្គណ្ហិតុំ ន សក្កុណេយ្យុំ, កា តេសំ ពលប្បត្តិ, កោ វសីភាវោ។ ពលប្បត្តិយា បន វសីភាវេន ច អទ្ធា តេ បរស្ស ចិត្តំ និគ្គណ្ហន្តីតិ យេសំ លទ្ធិ, សេយ្យថាបិ មហាសង្ឃិកានំ; តេ សន្ធាយ បរោ បរស្សាតិ បុច្ឆា សកវាទិស្ស, បដិញ្ញា ឥតរស្ស។ តត្ថ និគ្គណ្ហាតីតិ សំកិលេសាបត្តិតោ និវារេតិ។ សេសមេត្ថ យថាបាឡិមេវ និយ្យាតីតិ។ បគ្គហកថាយបិ ឯសេវ នយោ។
743-744. Idāni niggahakathā nāma hoti. Tattha ye loke balappattā vasībhūtā, te yadi parassa cittaṃ niggaṇhituṃ na sakkuṇeyyuṃ, kā tesaṃ balappatti, ko vasībhāvo. Balappattiyā pana vasībhāvena ca addhā te parassa cittaṃ niggaṇhantīti yesaṃ laddhi, seyyathāpi mahāsaṅghikānaṃ; te sandhāya paro parassāti pucchā sakavādissa, paṭiññā itarassa. Tattha niggaṇhātīti saṃkilesāpattito nivāreti. Sesamettha yathāpāḷimeva niyyātīti. Paggahakathāyapi eseva nayo.
និគ្គហកថាវណ្ណនា។
Niggahakathāvaṇṇanā.
Related texts:
តិបិដក (មូល) • Tipiṭaka (Mūla) / អភិធម្មបិដក • Abhidhammapiṭaka / កថាវត្ថុបាឡិ • Kathāvatthupāḷi / (១៥៦) ១. និគ្គហកថា • (156) 1. Niggahakathā
