| Library / Tipiṭaka / តិបិដក • Tipiṭaka / កថាវត្ថុបាឡិ • Kathāvatthupāḷi |
១៦. សោឡសមវគ្គោ
16. Soḷasamavaggo
(១៥៦) ១. និគ្គហកថា
(156) 1. Niggahakathā
៧៤៣. បរោ បរស្ស ចិត្តំ និគ្គណ្ហាតីតិ? អាមន្តា។ បរោ បរស្ស ចិត្តំ ‘‘មា រជ្ជិ’’, ‘‘មា ទុស្សិ’’, ‘‘មា មុយ្ហិ’’, ‘‘មា កិលិស្សី’’តិ និគ្គណ្ហាតីតិ? ន ហេវំ វត្តព្ពេ…បេ.… បរោ បរស្ស ចិត្តំ និគ្គណ្ហាតីតិ? អាមន្តា។ បរោ បរស្ស ឧប្បន្នោ ផស្សោ ‘‘មា និរុជ្ឈី’’តិ និគ្គណ្ហាតីតិ? ន ហេវំ វត្តព្ពេ…បេ.… បរោ បរស្ស ឧប្បន្នា វេទនា…បេ.… ឧប្បន្នា សញ្ញា… ឧប្បន្នា ចេតនា… ឧប្បន្នំ ចិត្តំ… ឧប្បន្នា សទ្ធា… ឧប្បន្នំ វីរិយំ … ឧប្បន្នា សតិ… ឧប្បន្នោ សមាធិ…បេ.… ឧប្បន្នា បញ្ញា ‘‘មា និរុជ្ឈី’’តិ និគ្គណ្ហាតីតិ? ន ហេវំ វត្តព្ពេ…បេ.…។
743. Paro parassa cittaṃ niggaṇhātīti? Āmantā. Paro parassa cittaṃ ‘‘mā rajji’’, ‘‘mā dussi’’, ‘‘mā muyhi’’, ‘‘mā kilissī’’ti niggaṇhātīti? Na hevaṃ vattabbe…pe… paro parassa cittaṃ niggaṇhātīti? Āmantā. Paro parassa uppanno phasso ‘‘mā nirujjhī’’ti niggaṇhātīti? Na hevaṃ vattabbe…pe… paro parassa uppannā vedanā…pe… uppannā saññā… uppannā cetanā… uppannaṃ cittaṃ… uppannā saddhā… uppannaṃ vīriyaṃ … uppannā sati… uppanno samādhi…pe… uppannā paññā ‘‘mā nirujjhī’’ti niggaṇhātīti? Na hevaṃ vattabbe…pe….
បរោ បរស្ស ចិត្តំ និគ្គណ្ហាតីតិ? អាមន្តា។ បរោ បរស្ស អត្ថាយ រាគំ បជហតិ… ទោសំ បជហតិ…បេ.… អនោត្តប្បំ បជហតីតិ? ន ហេវំ វត្តព្ពេ…បេ.…។
Paro parassa cittaṃ niggaṇhātīti? Āmantā. Paro parassa atthāya rāgaṃ pajahati… dosaṃ pajahati…pe… anottappaṃ pajahatīti? Na hevaṃ vattabbe…pe….
បរោ បរស្ស ចិត្តំ និគ្គណ្ហាតីតិ? អាមន្តា។ បរោ បរស្ស អត្ថាយ មគ្គំ ភាវេតិ… សតិបដ្ឋានំ ភាវេតិ…បេ.… ពោជ្ឈង្គំ ភាវេតីតិ ? ន ហេវំ វត្តព្ពេ…បេ.…។
Paro parassa cittaṃ niggaṇhātīti? Āmantā. Paro parassa atthāya maggaṃ bhāveti… satipaṭṭhānaṃ bhāveti…pe… bojjhaṅgaṃ bhāvetīti ? Na hevaṃ vattabbe…pe….
បរោ បរស្ស ចិត្តំ និគ្គណ្ហាតីតិ? អាមន្តា។ បរោ បរស្ស អត្ថាយ ទុក្ខំ បរិជានាតិ, សមុទយំ បជហតិ, និរោធំ សច្ឆិករោតិ, មគ្គំ ភាវេតីតិ? ន ហេវំ វត្តព្ពេ…បេ.…។
Paro parassa cittaṃ niggaṇhātīti? Āmantā. Paro parassa atthāya dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe….
បរោ បរស្ស ចិត្តំ និគ្គណ្ហាតីតិ? អាមន្តា។ អញ្ញោ អញ្ញស្ស ការកោ, បរង្កតំ សុខំ ទុក្ខំ អញ្ញោ ករោតិ អញ្ញោ បដិសំវេទេតីតិ? ន ហេវំ វត្តព្ពេ…បេ.…។
Paro parassa cittaṃ niggaṇhātīti? Āmantā. Añño aññassa kārako, paraṅkataṃ sukhaṃ dukkhaṃ añño karoti añño paṭisaṃvedetīti? Na hevaṃ vattabbe…pe….
បរោ បរស្ស ចិត្តំ និគ្គណ្ហាតីតិ? អាមន្តា។ ននុ វុត្តំ ភគវតា –
Paro parassa cittaṃ niggaṇhātīti? Āmantā. Nanu vuttaṃ bhagavatā –
‘‘អត្តនាវ កតំ បាបំ, អត្តនា សំកិលិស្សតិ;
‘‘Attanāva kataṃ pāpaṃ, attanā saṃkilissati;
អត្តនា អកតំ បាបំ, អត្តនាវ វិសុជ្ឈតិ;
Attanā akataṃ pāpaṃ, attanāva visujjhati;
សុទ្ធិ អសុទ្ធិ បច្ចត្តំ, នាញ្ញោ អញ្ញំ វិសោធយេ’’តិ 1។
Suddhi asuddhi paccattaṃ, nāñño aññaṃ visodhaye’’ti 2.
អត្ថេវ សុត្តន្តោតិ? អាមន្តា។ តេន ហិ ន វត្តព្ពំ – ‘‘បរោ បរស្ស ចិត្តំ និគ្គណ្ហាតី’’តិ។
Attheva suttantoti? Āmantā. Tena hi na vattabbaṃ – ‘‘paro parassa cittaṃ niggaṇhātī’’ti.
៧៤៤. ន វត្តព្ពំ – ‘‘បរោ បរស្ស ចិត្តំ និគ្គណ្ហាតី’’តិ? អាមន្តា។ ននុ អត្ថិ ពលប្បត្តា, អត្ថិ វសីភូតាតិ? អាមន្តា។ ហញ្ចិ អត្ថិ ពលប្បត្តា, អត្ថិ វសីភូតា, តេន វត រេ វត្តព្ពេ – ‘‘បរោ បរស្ស ចិត្តំ និគ្គណ្ហាតី’’តិ។
744. Na vattabbaṃ – ‘‘paro parassa cittaṃ niggaṇhātī’’ti? Āmantā. Nanu atthi balappattā, atthi vasībhūtāti? Āmantā. Hañci atthi balappattā, atthi vasībhūtā, tena vata re vattabbe – ‘‘paro parassa cittaṃ niggaṇhātī’’ti.
និគ្គហកថា និដ្ឋិតា។
Niggahakathā niṭṭhitā.
Footnotes:
Related texts:
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ១. និគ្គហកថាវណ្ណនា • 1. Niggahakathāvaṇṇanā
