| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
២. ញាណសញ្ញិកត្ថេរអបទានំ
2. Ñāṇasaññikattheraapadānaṃ
៧.
7.
‘‘សុវណ្ណវណ្ណំ សម្ពុទ្ធំ, និសភាជានិយំ យថា;
‘‘Suvaṇṇavaṇṇaṃ sambuddhaṃ, nisabhājāniyaṃ yathā;
តិធាបភិន្នំ មាតង្គំ, កុញ្ជរំវ មហេសិនំ។
Tidhāpabhinnaṃ mātaṅgaṃ, kuñjaraṃva mahesinaṃ.
៨.
8.
‘‘ឱភាសេន្តំ ទិសា សព្ពា, ឧឡុរាជំវ បូរិតំ;
‘‘Obhāsentaṃ disā sabbā, uḷurājaṃva pūritaṃ;
រថិយំ បដិបជ្ជន្តំ, លោកជេដ្ឋំ អបស្សហំ។
Rathiyaṃ paṭipajjantaṃ, lokajeṭṭhaṃ apassahaṃ.
៩.
9.
‘‘ញាណេ ចិត្តំ បសាទេត្វា, បគ្គហេត្វាន អញ្ជលិំ;
‘‘Ñāṇe cittaṃ pasādetvā, paggahetvāna añjaliṃ;
បសន្នចិត្តោ សុមនោ, សិទ្ធត្ថមភិវាទយិំ។
Pasannacitto sumano, siddhatthamabhivādayiṃ.
១០.
10.
‘‘ចតុន្នវុតិតោ កប្បេ, យំ កម្មមករិំ តទា;
‘‘Catunnavutito kappe, yaṃ kammamakariṃ tadā;
ទុគ្គតិំ នាភិជានាមិ, ញាណសញ្ញាយិទំ ផលំ។
Duggatiṃ nābhijānāmi, ñāṇasaññāyidaṃ phalaṃ.
១១.
11.
‘‘តេសត្តតិម្ហិតោ កប្បេ, សោឡសាសុំ នរុត្តមា;
‘‘Tesattatimhito kappe, soḷasāsuṃ naruttamā;
សត្តរតនសម្បន្នា, ចក្កវត្តី មហព្ពលា។
Sattaratanasampannā, cakkavattī mahabbalā.
១២.
12.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា ញាណសញ្ញិកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā ñāṇasaññiko thero imā gāthāyo abhāsitthāti.
ញាណសញ្ញិកត្ថេរស្សាបទានំ ទុតិយំ។
Ñāṇasaññikattherassāpadānaṃ dutiyaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ២. ញាណសញ្ញិកត្ថេរអបទានវណ្ណនា • 2. Ñāṇasaññikattheraapadānavaṇṇanā
