| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৯. ন ৰত্তব্বং সঙ্ঘস্স দিন্নং মহপ্ফলন্তিকথাৰণ্ণনা
9. Na vattabbaṃ saṅghassa dinnaṃ mahapphalantikathāvaṇṇanā
৭৯৭-৭৯৮. ইদানি ন ৰত্তব্বং সঙ্ঘস্স দিন্নং মহপ্ফলন্তিকথা নাম হোতি। তত্রাপি ‘‘মগ্গফলানেৰ সঙ্ঘো নাম, ন চ সক্কা তেসং কিঞ্চি দাতুং, ন চ তেহি পটিগ্গণ্হিতুং, নাপি তেসং দানেন কোচি উপকারো ইজ্ঝতি, তস্মা ন ৰত্তব্বং সঙ্ঘস্স দিন্নং মহপ্ফল’’ন্তি যেসং লদ্ধি, সেয্যথাপি তেসংযেৰ; তে সন্ধায পুচ্ছা সকৰাদিস্স, পটিঞ্ঞা ইতরস্স। আহুনেয্যোতিআদি ‘‘যদি সঙ্ঘস্স দিন্নং মহপ্ফলং ন ভৰেয্য, ন নং সত্থা এৰং থোমেয্যা’’তি দস্সনত্থং ৰুত্তং। সেসং যথাপাল়িমেৰ নিয্যাতীতি।
797-798. Idāni na vattabbaṃ saṅghassa dinnaṃ mahapphalantikathā nāma hoti. Tatrāpi ‘‘maggaphalāneva saṅgho nāma, na ca sakkā tesaṃ kiñci dātuṃ, na ca tehi paṭiggaṇhituṃ, nāpi tesaṃ dānena koci upakāro ijjhati, tasmā na vattabbaṃ saṅghassa dinnaṃ mahapphala’’nti yesaṃ laddhi, seyyathāpi tesaṃyeva; te sandhāya pucchā sakavādissa, paṭiññā itarassa. Āhuneyyotiādi ‘‘yadi saṅghassa dinnaṃ mahapphalaṃ na bhaveyya, na naṃ satthā evaṃ thomeyyā’’ti dassanatthaṃ vuttaṃ. Sesaṃ yathāpāḷimeva niyyātīti.
ন ৰত্তব্বং সঙ্ঘস্স দিন্নং মহপ্ফলন্তিকথাৰণ্ণনা।
Na vattabbaṃ saṅghassa dinnaṃ mahapphalantikathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১৭৪) ৯. ন ৰত্তব্বং সঙ্ঘস্সদিন্নং মহপ্ফলন্তিকথা • (174) 9. Na vattabbaṃ saṅghassadinnaṃ mahapphalantikathā
