| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
১০. ন ৰত্তব্বং বুদ্ধস্স দিন্নং মহপ্ফলন্তিকথাৰণ্ণনা
10. Na vattabbaṃ buddhassa dinnaṃ mahapphalantikathāvaṇṇanā
৭৯৯. ইদানি ন ৰত্তব্বং বুদ্ধস্স দিন্নং মহপ্ফলন্তিকথা নাম হোতি। তত্থ ‘‘বুদ্ধো ভগৰা ন কিঞ্চি পরিভুঞ্জতি, লোকানুৰত্তনত্থং পন পরিভুঞ্জমানং ৰিয অত্তানং দস্সেতি, তস্মা নিরুপকারত্তা ন ৰত্তব্বং তস্মিং দিন্নং মহপ্ফল’’ন্তি যেসং লদ্ধি, সেয্যথাপি তেসংযেৰ; তে সন্ধায পুচ্ছা সকৰাদিস্স, পটিঞ্ঞা ইতরস্স। দ্ৰিপদানং অগ্গোতিআদি ‘‘মনুস্সদুস্সীলেপি দানং সহস্সগুণং হোতি, কিমঙ্গং পন এৰরূপে অগ্গপুগ্গলে’’তি দস্সনত্থং ৰুত্তং। সেসমেত্থ যথাপাল়িমেৰ নিয্যাতীতি।
799. Idāni na vattabbaṃ buddhassa dinnaṃ mahapphalantikathā nāma hoti. Tattha ‘‘buddho bhagavā na kiñci paribhuñjati, lokānuvattanatthaṃ pana paribhuñjamānaṃ viya attānaṃ dasseti, tasmā nirupakārattā na vattabbaṃ tasmiṃ dinnaṃ mahapphala’’nti yesaṃ laddhi, seyyathāpi tesaṃyeva; te sandhāya pucchā sakavādissa, paṭiññā itarassa. Dvipadānaṃ aggotiādi ‘‘manussadussīlepi dānaṃ sahassaguṇaṃ hoti, kimaṅgaṃ pana evarūpe aggapuggale’’ti dassanatthaṃ vuttaṃ. Sesamettha yathāpāḷimeva niyyātīti.
ন ৰত্তব্বং বুদ্ধস্স দিন্নং মহপ্ফলন্তিকথাৰণ্ণনা।
Na vattabbaṃ buddhassa dinnaṃ mahapphalantikathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১৭৫) ১০. ন ৰত্তব্বং বুদ্ধস্সদিন্নং মহপ্ফলন্তিকথা • (175) 10. Na vattabbaṃ buddhassadinnaṃ mahapphalantikathā
