| Library / Tipiṭaka / តិបិដក • Tipiṭaka / ថេរគាថាបាឡិ • Theragāthāpāḷi |
១២. មុទិតត្ថេរគាថា
12. Muditattheragāthā
៣១១.
311.
‘‘បព្ពជិំ ជីវិកត្ថោហំ, លទ្ធាន ឧបសម្បទំ;
‘‘Pabbajiṃ jīvikatthohaṃ, laddhāna upasampadaṃ;
តតោ សទ្ធំ បដិលភិំ, ទឡ្ហវីរិយោ បរក្កមិំ។
Tato saddhaṃ paṭilabhiṃ, daḷhavīriyo parakkamiṃ.
៣១២.
312.
ឧភោ ជណ្ណុកសន្ធីហិ, ជង្ឃាយោ បបតន្តុ មេ។
Ubho jaṇṇukasandhīhi, jaṅghāyo papatantu me.
៣១៣.
313.
‘‘នាសិស្សំ ន បិវិស្សាមិ, វិហារា ច ន និក្ខមេ;
‘‘Nāsissaṃ na pivissāmi, vihārā ca na nikkhame;
នបិ បស្សំ និបាតេស្សំ, តណ្ហាសល្លេ អនូហតេ។
Napi passaṃ nipātessaṃ, taṇhāsalle anūhate.
៣១៤.
314.
‘‘តស្ស មេវំ វិហរតោ, បស្ស វីរិយបរក្កមំ;
‘‘Tassa mevaṃ viharato, passa vīriyaparakkamaṃ;
តិស្សោ វិជ្ជា អនុប្បត្តា, កតំ ពុទ្ធស្ស សាសន’’ន្តិ។
Tisso vijjā anuppattā, kataṃ buddhassa sāsana’’nti.
… មុទិតោ ថេរោ…។
… Mudito thero….
ចតុក្កនិបាតោ និដ្ឋិតោ។
Catukkanipāto niṭṭhito.
តត្រុទ្ទានំ –
Tatruddānaṃ –
នាគសមាលោ ភគុ ច, សភិយោ នន្ទកោបិ ច;
Nāgasamālo bhagu ca, sabhiyo nandakopi ca;
ជម្ពុកោ សេនកោ ថេរោ, សម្ភូតោ រាហុលោបិ ច។
Jambuko senako thero, sambhūto rāhulopi ca.
ធម្មិកោ សប្បកោ ថេរោ, មុទិតោ ចាបិ តេ តយោ;
Dhammiko sappako thero, mudito cāpi te tayo;
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ថេរគាថា-អដ្ឋកថា • Theragāthā-aṭṭhakathā / ១២. មុទិតត្ថេរគាថាវណ្ណនា • 12. Muditattheragāthāvaṇṇanā
