| Library / Tipiṭaka / តិបិដក • Tipiṭaka / ថេរគាថាបាឡិ • Theragāthāpāḷi |
៨. មិគជាលត្ថេរគាថា
8. Migajālattheragāthā
៤១៧.
417.
‘‘សុទេសិតោ ចក្ខុមតា, ពុទ្ធេនាទិច្ចពន្ធុនា;
‘‘Sudesito cakkhumatā, buddhenādiccabandhunā;
សព្ពសំយោជនាតីតោ, សព្ពវដ្ដវិនាសនោ។
Sabbasaṃyojanātīto, sabbavaṭṭavināsano.
៤១៨.
418.
‘‘និយ្យានិកោ ឧត្តរណោ, តណ្ហាមូលវិសោសនោ;
‘‘Niyyāniko uttaraṇo, taṇhāmūlavisosano;
វិសមូលំ អាឃាតនំ, ឆេត្វា បាបេតិ និព្ពុតិំ។
Visamūlaṃ āghātanaṃ, chetvā pāpeti nibbutiṃ.
៤១៩.
419.
‘‘អញ្ញាណមូលភេទាយ , កម្មយន្តវិឃាដនោ;
‘‘Aññāṇamūlabhedāya , kammayantavighāṭano;
វិញ្ញាណានំ បរិគ្គហេ, ញាណវជិរនិបាតនោ។
Viññāṇānaṃ pariggahe, ñāṇavajiranipātano.
៤២០.
420.
‘‘វេទនានំ វិញ្ញាបនោ, ឧបាទានប្បមោចនោ;
‘‘Vedanānaṃ viññāpano, upādānappamocano;
៤២១.
421.
‘‘មហារសោ សុគម្ភីរោ, ជរាមច្ចុនិវារណោ;
‘‘Mahāraso sugambhīro, jarāmaccunivāraṇo;
អរិយោ អដ្ឋង្គិកោ មគ្គោ, ទុក្ខូបសមនោ សិវោ។
Ariyo aṭṭhaṅgiko maggo, dukkhūpasamano sivo.
៤២២.
422.
‘‘កម្មំ កម្មន្តិ ញត្វាន, វិបាកញ្ច វិបាកតោ;
‘‘Kammaṃ kammanti ñatvāna, vipākañca vipākato;
បដិច្ចុប្បន្នធម្មានំ, យថាវាលោកទស្សនោ;
Paṭiccuppannadhammānaṃ, yathāvālokadassano;
មហាខេមង្គមោ សន្តោ, បរិយោសានភទ្ទកោ’’តិ។
Mahākhemaṅgamo santo, pariyosānabhaddako’’ti.
… មិគជាលោ ថេរោ…។
… Migajālo thero….
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ថេរគាថា-អដ្ឋកថា • Theragāthā-aṭṭhakathā / ៨. មិគជាលត្ថេរគាថាវណ្ណនា • 8. Migajālattheragāthāvaṇṇanā
