| Library / Tipiṭaka / តិបិដក • Tipiṭaka / បេតវត្ថុ-អដ្ឋកថា • Petavatthu-aṭṭhakathā |
៥. មដ្ឋកុណ្ឌលីបេតវត្ថុវណ្ណនា
5. Maṭṭhakuṇḍalīpetavatthuvaṇṇanā
អលង្កតោ មដ្ឋកុណ្ឌលីតិ ឥទំ សត្ថរិ ជេតវនេ វិហរន្តេ មដ្ឋកុណ្ឌលិទេវបុត្តំ អារព្ភ វុត្តំ។ តត្ថ យំ វត្តព្ពំ, តំ បរមត្ថទីបនិយំ វិមានវត្ថុវណ្ណនាយំ មដ្ឋកុណ្ឌលីវិមានវត្ថុវណ្ណនាយ (វិ. វ. អដ្ឋ. ១២០៦ មដ្ឋកុណ្ឌលីវិមានវណ្ណនា) វុត្តមេវ, តស្មា តត្ថ វុត្តនយេនេវ វេទិតព្ពំ។
Alaṅkato maṭṭhakuṇḍalīti idaṃ satthari jetavane viharante maṭṭhakuṇḍalidevaputtaṃ ārabbha vuttaṃ. Tattha yaṃ vattabbaṃ, taṃ paramatthadīpaniyaṃ vimānavatthuvaṇṇanāyaṃ maṭṭhakuṇḍalīvimānavatthuvaṇṇanāya (vi. va. aṭṭha. 1206 maṭṭhakuṇḍalīvimānavaṇṇanā) vuttameva, tasmā tattha vuttanayeneva veditabbaṃ.
ឯត្ថ ច មដ្ឋកុណ្ឌលីទេវបុត្តស្ស វិមានទេវតាភាវតោ តស្ស វត្ថុ យទិបិ វិមានវត្ថុបាឡិយំ សង្គហំ អារោបិតំ, យស្មា បន សោ ទេវបុត្តោ អទិន្នបុព្ពកព្រាហ្មណស្ស បុត្តសោកេន សុសានំ គន្ត្វា អាឡាហនំ អនុបរិយាយិត្វា រោទន្តស្ស សោកហរណត្ថំ អត្តនោ ទេវរូបំ បដិសំហរិត្វា ហរិចន្ទនុស្សទោ ពាហា បគ្គយ្ហ កន្ទន្តោ ទុក្ខាភិភូតាការេន បេតោ វិយ អត្តានំ ទស្សេសិ។ មនុស្សត្តភាវតោ អបេតត្តា បេតបរិយាយោបិ លព្ភតិ ឯវាតិ តស្ស វត្ថុ បេតវត្ថុបាឡិយម្បិ សង្គហំ អារោបិតន្តិ ទដ្ឋព្ពំ។
Ettha ca maṭṭhakuṇḍalīdevaputtassa vimānadevatābhāvato tassa vatthu yadipi vimānavatthupāḷiyaṃ saṅgahaṃ āropitaṃ, yasmā pana so devaputto adinnapubbakabrāhmaṇassa puttasokena susānaṃ gantvā āḷāhanaṃ anupariyāyitvā rodantassa sokaharaṇatthaṃ attano devarūpaṃ paṭisaṃharitvā haricandanussado bāhā paggayha kandanto dukkhābhibhūtākārena peto viya attānaṃ dassesi. Manussattabhāvato apetattā petapariyāyopi labbhati evāti tassa vatthu petavatthupāḷiyampi saṅgahaṃ āropitanti daṭṭhabbaṃ.
មដ្ឋកុណ្ឌលីបេតវត្ថុវណ្ណនា និដ្ឋិតា។
Maṭṭhakuṇḍalīpetavatthuvaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / ខុទ្ទកនិកាយ • Khuddakanikāya / បេតវត្ថុបាឡិ • Petavatthupāḷi / ៥. មដ្ឋកុណ្ឌលីបេតវត្ថុ • 5. Maṭṭhakuṇḍalīpetavatthu
