| Library / Tipiṭaka / তিপিটক • Tipiṭaka / জাতকপাল়ি • Jātakapāḷi |
১৫. ৰীসতিনিপাতো
15. Vīsatinipāto
৪৯৭. মাতঙ্গজাতকং (১)
497. Mātaṅgajātakaṃ (1)
১.
1.
কুতো নু আগচ্ছসি দুম্মৰাসী 1, ওতল্লকো পংসুপিসাচকোৰ।
Kuto nu āgacchasi dummavāsī 2, otallako paṃsupisācakova;
২.
2.
অন্নং তৰেদং 7 পকতং যসস্সি, তং খজ্জরে ভুঞ্জরে পিয্যরে চ।
Annaṃ tavedaṃ 8 pakataṃ yasassi, taṃ khajjare bhuñjare piyyare ca;
জানাসি মং ত্ৰং পরদত্তূপজীৰিং, উত্তিট্ঠপিণ্ডং লভতং সপাকো॥
Jānāsi maṃ tvaṃ paradattūpajīviṃ, uttiṭṭhapiṇḍaṃ labhataṃ sapāko.
৩.
3.
অপেহি এত্তো কিমিধট্ঠিতোসি, ন মাদিসা তুয্হং দদন্তি জম্ম॥
Apehi etto kimidhaṭṭhitosi, na mādisā tuyhaṃ dadanti jamma.
৪.
4.
থলে চ নিন্নে চ ৰপন্তি বীজং, অনূপখেত্তে ফলমাসমানা 13।
Thale ca ninne ca vapanti bījaṃ, anūpakhette phalamāsamānā 14;
এতায সদ্ধায দদাহি দানং, অপ্পেৰ আরাধযে দক্খিণেয্যে॥
Etāya saddhāya dadāhi dānaṃ, appeva ārādhaye dakkhiṇeyye.
৫.
5.
খেত্তানি ময্হং ৰিদিতানি লোকে, যেসাহং বীজানি পতিট্ঠপেমি।
Khettāni mayhaṃ viditāni loke, yesāhaṃ bījāni patiṭṭhapemi;
যে ব্রাহ্মণা জাতিমন্তূপপন্না, তানীধ খেত্তানি সুপেসলানি॥
Ye brāhmaṇā jātimantūpapannā, tānīdha khettāni supesalāni.
৬.
6.
জাতিমদো চ অতিমানিতা চ, লোভো চ দোসো চ মদো চ মোহো।
Jātimado ca atimānitā ca, lobho ca doso ca mado ca moho;
এতে অগুণা যেসু চ সন্তি 15 সব্বে, তানীধ খেত্তানি অপেসলানি॥
Ete aguṇā yesu ca santi 16 sabbe, tānīdha khettāni apesalāni.
৭.
7.
জাতিমদো চ অতিমানিতা চ, লোভো চ দোসো চ মদো চ মোহো।
Jātimado ca atimānitā ca, lobho ca doso ca mado ca moho;
এতে অগুণা যেসু ন সন্তি সব্বে, তানীধ খেত্তানি সুপেসলানি॥
Ete aguṇā yesu na santi sabbe, tānīdha khettāni supesalāni.
৮.
8.
ইমস্স দণ্ডঞ্চ ৰধঞ্চ দত্ৰা, গলে গহেত্ৰা খলযাথ 21 জম্মং॥
Imassa daṇḍañca vadhañca datvā, gale gahetvā khalayātha 22 jammaṃ.
৯.
9.
জাতৰেদং পদহসি, যো ইসিং পরিভাসসি॥
Jātavedaṃ padahasi, yo isiṃ paribhāsasi.
১০.
10.
ইদং ৰত্ৰান মাতঙ্গো, ইসি সচ্চপরক্কমো।
Idaṃ vatvāna mātaṅgo, isi saccaparakkamo;
১১.
11.
সেতানি অক্খীনি যথা মতস্স, কো মে ইমং পুত্তমকাসি এৰং॥
Setāni akkhīni yathā matassa, ko me imaṃ puttamakāsi evaṃ.
১২.
12.
ইধাগমা সমণো দুম্মৰাসী, ওতল্লকো পংসুপিসাচকোৰ।
Idhāgamā samaṇo dummavāsī, otallako paṃsupisācakova;
সঙ্কারচোল়ং পটিমুঞ্চ কণ্ঠে, সো তে ইমং পুত্তমকাসি এৰং॥
Saṅkāracoḷaṃ paṭimuñca kaṇṭhe, so te imaṃ puttamakāsi evaṃ.
১৩.
13.
কতমং দিসং অগমা ভূরিপঞ্ঞো, অক্খাথ মে মাণৰা এতমত্থং।
Katamaṃ disaṃ agamā bhūripañño, akkhātha me māṇavā etamatthaṃ;
গন্ত্ৰান তং পটিকরেমু অচ্চযং, অপ্পেৰ নং পুত্ত লভেমু জীৰিতং॥
Gantvāna taṃ paṭikaremu accayaṃ, appeva naṃ putta labhemu jīvitaṃ.
১৪.
14.
ৰেহাযসং অগমা ভূরিপঞ্ঞো, পথদ্ধুনো পন্নরসেৰ চন্দো।
Vehāyasaṃ agamā bhūripañño, pathaddhuno pannaraseva cando;
অপি চাপি সো পুরিমদিসং অগচ্ছি, সচ্চপ্পটিঞ্ঞো ইসি সাধুরূপো॥
Api cāpi so purimadisaṃ agacchi, saccappaṭiñño isi sādhurūpo.
১৫.
15.
আৰেল্লিতং পিট্ঠিতো উত্তমঙ্গং, বাহুং পসারেতি অকম্মনেয্যং।
Āvellitaṃ piṭṭhito uttamaṅgaṃ, bāhuṃ pasāreti akammaneyyaṃ;
সেতানি অক্খীনি যথা মতস্স, কো মে ইমং পুত্তমকাসি এৰং॥
Setāni akkhīni yathā matassa, ko me imaṃ puttamakāsi evaṃ.
১৬.
16.
যক্খা হৰে সন্তি মহানুভাৰা, অন্ৰাগতা ইসযো সাধুরূপা।
Yakkhā have santi mahānubhāvā, anvāgatā isayo sādhurūpā;
তে দুট্ঠচিত্তং কুপিতং ৰিদিত্ৰা, যক্খা হি তে পুত্তমকংসু এৰং॥
Te duṭṭhacittaṃ kupitaṃ viditvā, yakkhā hi te puttamakaṃsu evaṃ.
১৭.
17.
যক্খা চ মে পুত্তমকংসু এৰং, ত্ৰঞ্ঞেৰ মে মা কুদ্ধো 33 ব্রহ্মচারি।
Yakkhā ca me puttamakaṃsu evaṃ, tvaññeva me mā kuddho 34 brahmacāri;
তুম্হেৰ 35 পাদে সরণং গতাস্মি, অন্ৰাগতা পুত্তসোকেন ভিক্খু॥
Tumheva 36 pāde saraṇaṃ gatāsmi, anvāgatā puttasokena bhikkhu.
১৮.
18.
তদেৰ হি এতরহি চ ময্হং, মনোপদোসো ন মমত্থি 37 কোচি।
Tadeva hi etarahi ca mayhaṃ, manopadoso na mamatthi 38 koci;
পুত্তো চ তে ৰেদমদেন মত্তো, অত্থং ন জানাতি অধিচ্চ ৰেদে॥
Putto ca te vedamadena matto, atthaṃ na jānāti adhicca vede.
১৯.
19.
অদ্ধা হৰে ভিক্খু মুহুত্তকেন, সম্মুয্হতেৰ পুরিসস্স সঞ্ঞা।
Addhā have bhikkhu muhuttakena, sammuyhateva purisassa saññā;
একাপরাধং 39 খম ভূরিপঞ্ঞ, ন পণ্ডিতা কোধবলা ভৰন্তি॥
Ekāparādhaṃ 40 khama bhūripañña, na paṇḍitā kodhabalā bhavanti.
২০.
20.
ইদঞ্চ ময্হং উত্তিট্ঠপিণ্ডং, তৰ 41 মণ্ডব্যো ভুঞ্জতু অপ্পপঞ্ঞো।
Idañca mayhaṃ uttiṭṭhapiṇḍaṃ, tava 42 maṇḍabyo bhuñjatu appapañño;
২১.
21.
মণ্ডব্য বালোসি পরিত্তপঞ্ঞো, যো পুঞ্ঞখেত্তানমকোৰিদোসি।
Maṇḍabya bālosi parittapañño, yo puññakhettānamakovidosi;
মহক্কসাৰেসু দদাসি দানং, কিলিট্ঠকম্মেসু অসঞ্ঞতেসু॥
Mahakkasāvesu dadāsi dānaṃ, kiliṭṭhakammesu asaññatesu.
২২.
22.
জটা চ কেসা অজিনা নিৰত্থা, জরূদপানংৰ মুখং পরূল়্হং।
Jaṭā ca kesā ajinā nivatthā, jarūdapānaṃva mukhaṃ parūḷhaṃ;
পজং ইমং পস্সথ দুম্মরূপং 47, ন জটাজিনং তাযতি অপ্পপঞ্ঞং॥
Pajaṃ imaṃ passatha dummarūpaṃ 48, na jaṭājinaṃ tāyati appapaññaṃ.
২৩.
23.
যেসং রাগো চ দোসো চ, অৰিজ্জা চ ৰিরাজিতা।
Yesaṃ rāgo ca doso ca, avijjā ca virājitā;
খীণাসৰা অরহন্তো, তেসু দিন্নং মহপ্ফলন্তি॥
Khīṇāsavā arahanto, tesu dinnaṃ mahapphalanti.
মাতঙ্গজাতকং পঠমং।
Mātaṅgajātakaṃ paṭhamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / জাতক-অট্ঠকথা • Jātaka-aṭṭhakathā / [৪৯৭] ১. মাতঙ্গজাতকৰণ্ণনা • [497] 1. Mātaṅgajātakavaṇṇanā
