| Library / Tipiṭaka / តិបិដក • Tipiṭaka / មហាវគ្គបាឡិ • Mahāvaggapāḷi |
៨. មារកថា
8. Mārakathā
៣២. អថ ខោ ភគវា តេ ភិក្ខូ អាមន្តេសិ 1 – ‘‘មុត្តាហំ, ភិក្ខវេ, សព្ពបាសេហិ, យេ ទិព្ពា យេ ច មានុសា។ តុម្ហេបិ, ភិក្ខវេ , មុត្តា សព្ពបាសេហិ, យេ ទិព្ពា យេ ច មានុសា។ ចរថ, ភិក្ខវេ, ចារិកំ ពហុជនហិតាយ ពហុជនសុខាយ លោកានុកម្បាយ អត្ថាយ ហិតាយ សុខាយ ទេវមនុស្សានំ។ មា ឯកេន ទ្វេ អគមិត្ថ។ ទេសេថ, ភិក្ខវេ, ធម្មំ អាទិកល្យាណំ មជ្ឈេកល្យាណំ បរិយោសានកល្យាណំ សាត្ថំ សព្យញ្ជនំ កេវលបរិបុណ្ណំ បរិសុទ្ធំ ព្រហ្មចរិយំ បកាសេថ។ សន្តិ សត្តា អប្បរជក្ខជាតិកា , អស្សវនតា ធម្មស្ស បរិហាយន្តិ, ភវិស្សន្តិ ធម្មស្ស អញ្ញាតារោ។ អហម្បិ, ភិក្ខវេ, យេន ឧរុវេលា សេនានិគមោ តេនុបសង្កមិស្សាមិ ធម្មទេសនាយា’’តិ។
32. Atha kho bhagavā te bhikkhū āmantesi 2 – ‘‘muttāhaṃ, bhikkhave, sabbapāsehi, ye dibbā ye ca mānusā. Tumhepi, bhikkhave , muttā sabbapāsehi, ye dibbā ye ca mānusā. Caratha, bhikkhave, cārikaṃ bahujanahitāya bahujanasukhāya lokānukampāya atthāya hitāya sukhāya devamanussānaṃ. Mā ekena dve agamittha. Desetha, bhikkhave, dhammaṃ ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ pakāsetha. Santi sattā apparajakkhajātikā , assavanatā dhammassa parihāyanti, bhavissanti dhammassa aññātāro. Ahampi, bhikkhave, yena uruvelā senānigamo tenupasaṅkamissāmi dhammadesanāyā’’ti.
៣៣. អថ ខោ មារោ បាបិមា យេន ភគវា តេនុបសង្កមិ, ឧបសង្កមិត្វា ភគវន្តំ គាថាយ អជ្ឈភាសិ –
33. Atha kho māro pāpimā yena bhagavā tenupasaṅkami, upasaṅkamitvā bhagavantaṃ gāthāya ajjhabhāsi –
‘‘ពទ្ធោសិ សព្ពបាសេហិ, យេ ទិព្ពា យេ ច មានុសា;
‘‘Baddhosi sabbapāsehi, ye dibbā ye ca mānusā;
មហាពន្ធនពទ្ធោសិ, ន មេ សមណ មោក្ខសី’’តិ។
Mahābandhanabaddhosi, na me samaṇa mokkhasī’’ti.
មហាពន្ធនមុត្តោម្ហិ, និហតោ ត្វមសិ អន្តកាតិ។
Mahābandhanamuttomhi, nihato tvamasi antakāti.
តេន តំ ពាធយិស្សាមិ, ន មេ សមណ មោក្ខសីតិ។
Tena taṃ bādhayissāmi, na me samaṇa mokkhasīti.
ឯត្ថ មេ វិគតោ ឆន្ទោ, និហតោ ត្វមសិ អន្តកា’’តិ។
Ettha me vigato chando, nihato tvamasi antakā’’ti.
អថ ខោ មារោ បាបិមា – ជានាតិ មំ ភគវា, ជានាតិ មំ សុគតោតិ ទុក្ខី ទុម្មនោ
Atha kho māro pāpimā – jānāti maṃ bhagavā, jānāti maṃ sugatoti dukkhī dummano
តត្ថេវន្តរធាយីតិ។
Tatthevantaradhāyīti.
មារកថា និដ្ឋិតា។
Mārakathā niṭṭhitā.
Footnotes:
Related texts:
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវគ្គ-អដ្ឋកថា • Mahāvagga-aṭṭhakathā / បព្ពជ្ជាកថា • Pabbajjākathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / មារកថាវណ្ណនា • Mārakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / បព្ពជ្ជាកថាវណ្ណនា • Pabbajjākathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ៧. បព្ពជ្ជាកថា • 7. Pabbajjākathā
