| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៨. មណិបូជកត្ថេរអបទានំ
8. Maṇipūjakattheraapadānaṃ
៣៤.
34.
‘‘ឱរេន ហិមវន្តស្ស, នទិកា សម្បវត្តថ;
‘‘Orena himavantassa, nadikā sampavattatha;
តស្សា ចានុបខេត្តម្ហិ, សយម្ភូ វសតេ តទា។
Tassā cānupakhettamhi, sayambhū vasate tadā.
៣៥.
35.
‘‘មណិំ បគ្គយ្ហ បល្លង្កំ, សាធុចិត្តំ មនោរមំ;
‘‘Maṇiṃ paggayha pallaṅkaṃ, sādhucittaṃ manoramaṃ;
បសន្នចិត្តោ សុមនោ, ពុទ្ធស្ស អភិរោបយិំ។
Pasannacitto sumano, buddhassa abhiropayiṃ.
៣៦.
36.
‘‘ចតុន្នវុតិតោ កប្បេ, យំ មណិំ អភិរោបយិំ;
‘‘Catunnavutito kappe, yaṃ maṇiṃ abhiropayiṃ;
ទុគ្គតិំ នាភិជានាមិ, ពុទ្ធបូជាយិទំ ផលំ។
Duggatiṃ nābhijānāmi, buddhapūjāyidaṃ phalaṃ.
៣៧.
37.
‘‘ឥតោ ច ទ្វាទសេ កប្បេ, សតរំសីសនាមកា;
‘‘Ito ca dvādase kappe, sataraṃsīsanāmakā;
អដ្ឋ តេ អាសុំ រាជានោ, ចក្កវត្តី មហព្ពលា។
Aṭṭha te āsuṃ rājāno, cakkavattī mahabbalā.
៣៨.
38.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា មណិបូជកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā maṇipūjako thero imā gāthāyo abhāsitthāti.
មណិបូជកត្ថេរស្សាបទានំ អដ្ឋមំ។
Maṇipūjakattherassāpadānaṃ aṭṭhamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៨. មណិបូជកត្ថេរអបទានវណ្ណនា • 8. Maṇipūjakattheraapadānavaṇṇanā
