| Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೫೦೭. ಮಹಾಪಲೋಭನಜಾತಕಂ (೧೧)
507. Mahāpalobhanajātakaṃ (11)
೨೮೪.
284.
ಬ್ರಹ್ಮಲೋಕಾ ಚವಿತ್ವಾನ, ದೇವಪುತ್ತೋ ಮಹಿದ್ಧಿಕೋ।
Brahmalokā cavitvāna, devaputto mahiddhiko;
ರಞ್ಞೋ ಪುತ್ತೋ ಉದಪಾದಿ, ಸಬ್ಬಕಾಮಸಮಿದ್ಧಿಸು॥
Rañño putto udapādi, sabbakāmasamiddhisu.
೨೮೫.
285.
ಕಾಮಾ ವಾ ಕಾಮಸಞ್ಞಾ ವಾ, ಬ್ರಹ್ಮಲೋಕೇ ನ ವಿಜ್ಜತಿ।
Kāmā vā kāmasaññā vā, brahmaloke na vijjati;
೨೮೬.
286.
ತಸ್ಸ ಚನ್ತೇಪುರೇ ಆಸಿ, ಝಾನಾಗಾರಂ ಸುಮಾಪಿತಂ।
Tassa cantepure āsi, jhānāgāraṃ sumāpitaṃ;
೨೮೭.
287.
ಸ ರಾಜಾ ಪರಿದೇವೇಸಿ, ಪುತ್ತಸೋಕೇನ ಅಟ್ಟಿತೋ।
Sa rājā paridevesi, puttasokena aṭṭito;
ಏಕಪುತ್ತೋ ಚಯಂ ಮಯ್ಹಂ, ನ ಚ ಕಾಮಾನಿ ಭುಞ್ಜತಿ॥
Ekaputto cayaṃ mayhaṃ, na ca kāmāni bhuñjati.
೨೮೮.
288.
೨೮೯.
289.
ಅಹು ಕುಮಾರೀ ತತ್ಥೇವ, ವಣ್ಣರೂಪಸಮಾಹಿತಾ।
Ahu kumārī tattheva, vaṇṇarūpasamāhitā;
ಕುಸಲಾ ನಚ್ಚಗೀತಸ್ಸ, ವಾದಿತೇ ಚ ಪದಕ್ಖಿಣಾ॥
Kusalā naccagītassa, vādite ca padakkhiṇā.
೨೯೦.
290.
ಸಾ ತತ್ಥ ಉಪಸಙ್ಕಮ್ಮ, ರಾಜಾನಂ ಏತದಬ್ರವಿ।
Sā tattha upasaṅkamma, rājānaṃ etadabravi;
ಅಹಂ ಖೋ ನಂ ಪಲೋಭೇಯ್ಯಂ, ಸಚೇ ಭತ್ತಾ ಭವಿಸ್ಸತಿ॥
Ahaṃ kho naṃ palobheyyaṃ, sace bhattā bhavissati.
೨೯೧.
291.
ತಂ ತಥಾವಾದಿನಿಂ ರಾಜಾ, ಕುಮಾರಿಂ ಏತದಬ್ರವಿ।
Taṃ tathāvādiniṃ rājā, kumāriṃ etadabravi;
ತ್ವಞ್ಞೇವ ನಂ ಪಲೋಭೇಹಿ, ತವ ಭತ್ತಾ ಭವಿಸ್ಸತಿ॥
Tvaññeva naṃ palobhehi, tava bhattā bhavissati.
೨೯೨.
292.
ಸಾ ಚ ಅನ್ತೇಪುರಂ ಗನ್ತ್ವಾ, ಬಹುಂ ಕಾಮುಪಸಂಹಿತಂ।
Sā ca antepuraṃ gantvā, bahuṃ kāmupasaṃhitaṃ;
ಹದಯಙ್ಗಮಾ ಪೇಮನೀಯಾ, ಚಿತ್ರಾ ಗಾಥಾ ಅಭಾಸಥ॥
Hadayaṅgamā pemanīyā, citrā gāthā abhāsatha.
೨೯೩.
293.
ತಸ್ಸಾ ಚ ಗಾಯಮಾನಾಯ, ಸದ್ದಂ ಸುತ್ವಾನ ನಾರಿಯಾ।
Tassā ca gāyamānāya, saddaṃ sutvāna nāriyā;
ಕಾಮಚ್ಛನ್ದಸ್ಸ ಉಪ್ಪಜ್ಜಿ, ಜನಂ ಸೋ ಪರಿಪುಚ್ಛಥ॥
Kāmacchandassa uppajji, janaṃ so paripucchatha.
೨೯೪.
294.
ಕಸ್ಸೇಸೋ ಸದ್ದೋ ಕೋ ವಾ ಸೋ, ಭಣತಿ ಉಚ್ಚಾವಚಂ ಬಹುಂ।
Kasseso saddo ko vā so, bhaṇati uccāvacaṃ bahuṃ;
೨೯೫.
295.
ಸಚೇ ತ್ವಂ ಕಾಮೇ ಭುಞ್ಜೇಯ್ಯ, ಭಿಯ್ಯೋ ಭಿಯ್ಯೋ ಛಾದೇಯ್ಯು ತಂ॥
Sace tvaṃ kāme bhuñjeyya, bhiyyo bhiyyo chādeyyu taṃ.
೨೯೬.
296.
ಅಸ್ಸಮಸ್ಸ ಸಮೀಪಮ್ಹಿ, ಸನ್ತಿಕೇ ಮಯ್ಹಂ ಗಾಯತು॥
Assamassa samīpamhi, santike mayhaṃ gāyatu.
೨೯೭.
297.
ತಿರೋಕುಟ್ಟಮ್ಹಿ ಗಾಯಿತ್ವಾ, ಝಾನಾಗಾರಮ್ಹಿ ಪಾವಿಸಿ।
Tirokuṭṭamhi gāyitvā, jhānāgāramhi pāvisi;
೨೯೮.
298.
‘‘ಅಹಮೇವ ಕಾಮೇ ಭುಞ್ಜೇಯ್ಯಂ, ಮಾ ಅಞ್ಞೋ ಪುರಿಸೋ ಅಹು’’॥
‘‘Ahameva kāme bhuñjeyyaṃ, mā añño puriso ahu’’.
೨೯೯.
299.
ತತೋ ಅಸಿಂ ಗಹೇತ್ವಾನ, ಪುರಿಸೇ ಹನ್ತುಂ ಉಪಕ್ಕಮಿ।
Tato asiṃ gahetvāna, purise hantuṃ upakkami;
ಅಹಮೇವೇಕೋ ಭುಞ್ಜಿಸ್ಸಂ, ಮಾ ಅಞ್ಞೋ ಪುರಿಸೋ ಸಿಯಾ॥
Ahameveko bhuñjissaṃ, mā añño puriso siyā.
೩೦೦.
300.
ತತೋ ಜಾನಪದಾ ಸಬ್ಬೇ, ವಿಕ್ಕನ್ದಿಂಸು ಸಮಾಗತಾ।
Tato jānapadā sabbe, vikkandiṃsu samāgatā;
ಪುತ್ತೋ ತ್ಯಾಯಂ ಮಹಾರಾಜ, ಜನಂ ಹೇಠೇತ್ಯದೂಸಕಂ॥
Putto tyāyaṃ mahārāja, janaṃ heṭhetyadūsakaṃ.
೩೦೧.
301.
೩೦೨.
302.
ತತೋ ಸೋ ಭರಿಯಮಾದಾಯ, ಸಮುದ್ದಂ ಉಪಸಙ್ಕಮಿ।
Tato so bhariyamādāya, samuddaṃ upasaṅkami;
ಪಣ್ಣಸಾಲಂ ಕರಿತ್ವಾನ, ವನಮುಞ್ಛಾಯ ಪಾವಿಸಿ॥
Paṇṇasālaṃ karitvāna, vanamuñchāya pāvisi.
೩೦೩.
303.
ಅಥೇತ್ಥ ಇಸಿ ಮಾಗಚ್ಛಿ, ಸಮುದ್ದಂ ಉಪರೂಪರಿ।
Athettha isi māgacchi, samuddaṃ uparūpari;
ಸೋ ತಸ್ಸ ಗೇಹಂ ಪಾವೇಕ್ಖಿ, ಭತ್ತಕಾಲೇ ಉಪಟ್ಠಿತೇ॥
So tassa gehaṃ pāvekkhi, bhattakāle upaṭṭhite.
೩೦೪.
304.
ತಞ್ಚ ಭರಿಯಾ ಪಲೋಭೇಸಿ, ಪಸ್ಸ ಯಾವ ಸುದಾರುಣಂ।
Tañca bhariyā palobhesi, passa yāva sudāruṇaṃ;
ಚುತೋ ಸೋ ಬ್ರಹ್ಮಚರಿಯಮ್ಹಾ, ಇದ್ಧಿಯಾ ಪರಿಹಾಯಥ॥
Cuto so brahmacariyamhā, iddhiyā parihāyatha.
೩೦೫.
305.
ರಾಜಪುತ್ತೋ ಚ ಉಞ್ಛಾತೋ, ವನಮೂಲಫಲಂ ಬಹುಂ।
Rājaputto ca uñchāto, vanamūlaphalaṃ bahuṃ;
೩೦೬.
306.
ಇಸೀ ಚ ಖತ್ತಿಯಂ ದಿಸ್ವಾ, ಸಮುದ್ದಂ ಉಪಸಙ್ಕಮಿ।
Isī ca khattiyaṃ disvā, samuddaṃ upasaṅkami;
‘‘ವೇಹಾಯಸಂ ಗಮಿಸ್ಸ’’ನ್ತಿ, ಸೀದತೇ ಸೋ ಮಹಣ್ಣವೇ॥
‘‘Vehāyasaṃ gamissa’’nti, sīdate so mahaṇṇave.
೩೦೭.
307.
ಖತ್ತಿಯೋ ಚ ಇಸಿಂ ದಿಸ್ವಾ, ಸೀದಮಾನಂ ಮಹಣ್ಣವೇ।
Khattiyo ca isiṃ disvā, sīdamānaṃ mahaṇṇave;
ತಸ್ಸೇವ ಅನುಕಮ್ಪಾಯ, ಇಮಾ ಗಾಥಾ ಅಭಾಸಥ॥
Tasseva anukampāya, imā gāthā abhāsatha.
೩೦೮.
308.
ಅಭಿಜ್ಜಮಾನೇ ವಾರಿಸ್ಮಿಂ, ಸಯಂ ಆಗಮ್ಮ ಇದ್ಧಿಯಾ।
Abhijjamāne vārismiṃ, sayaṃ āgamma iddhiyā;
ಮಿಸ್ಸೀಭಾವಿತ್ಥಿಯಾ ಗನ್ತ್ವಾ, ಸಂಸೀದಸಿ ಮಹಣ್ಣವೇ॥
Missībhāvitthiyā gantvā, saṃsīdasi mahaṇṇave.
೩೦೯.
309.
ಆವಟ್ಟನೀ ಮಹಾಮಾಯಾ, ಬ್ರಹ್ಮಚರಿಯವಿಕೋಪನಾ।
Āvaṭṭanī mahāmāyā, brahmacariyavikopanā;
ಸೀದನ್ತಿ ನಂ ವಿದಿತ್ವಾನ, ಆರಕಾ ಪರಿವಜ್ಜಯೇ॥
Sīdanti naṃ viditvāna, ārakā parivajjaye.
೩೧೦.
310.
ಅನಲಾ ಮುದುಸಮ್ಭಾಸಾ, ದುಪ್ಪೂರಾ ತಾ ನದೀಸಮಾ।
Analā mudusambhāsā, duppūrā tā nadīsamā;
ಸೀದನ್ತಿ ನಂ ವಿದಿತ್ವಾನ, ಆರಕಾ ಪರಿವಜ್ಜಯೇ॥
Sīdanti naṃ viditvāna, ārakā parivajjaye.
೩೧೧.
311.
ಯಂ ಏತಾ ಉಪಸೇವನ್ತಿ, ಛನ್ದಸಾ ವಾ ಧನೇನ ವಾ।
Yaṃ etā upasevanti, chandasā vā dhanena vā;
ಜಾತವೇದೋವ ಸಂ ಠಾನಂ, ಖಿಪ್ಪಂ ಅನುದಹನ್ತಿ ನಂ॥
Jātavedova saṃ ṭhānaṃ, khippaṃ anudahanti naṃ.
೩೧೨.
312.
ಖತ್ತಿಯಸ್ಸ ವಚೋ ಸುತ್ವಾ, ಇಸಿಸ್ಸ ನಿಬ್ಬಿದಾ ಅಹು।
Khattiyassa vaco sutvā, isissa nibbidā ahu;
ಲದ್ಧಾ ಪೋರಾಣಕಂ ಮಗ್ಗಂ, ಗಚ್ಛತೇ ಸೋ ವಿಹಾಯಸಂ॥
Laddhā porāṇakaṃ maggaṃ, gacchate so vihāyasaṃ.
೩೧೩.
313.
ಖತ್ತಿಯೋ ಚ ಇಸಿಂ ದಿಸ್ವಾ, ಗಚ್ಛಮಾನಂ ವಿಹಾಯಸಂ।
Khattiyo ca isiṃ disvā, gacchamānaṃ vihāyasaṃ;
ಸಂವೇಗಂ ಅಲಭೀ ಧೀರೋ, ಪಬ್ಬಜ್ಜಂ ಸಮರೋಚಯಿ॥
Saṃvegaṃ alabhī dhīro, pabbajjaṃ samarocayi.
೩೧೪.
314.
ತತೋ ಸೋ ಪಬ್ಬಜಿತ್ವಾನ, ಕಾಮರಾಗಂ ವಿರಾಜಯಿ।
Tato so pabbajitvāna, kāmarāgaṃ virājayi;
ಕಾಮರಾಗಂ ವಿರಾಜೇತ್ವಾ, ಬ್ರಹ್ಮಲೋಕೂಪಗೋ ಅಹೂತಿ॥
Kāmarāgaṃ virājetvā, brahmalokūpago ahūti.
ಮಹಾಪಲೋಭನಜಾತಕಂ ಏಕಾದಸಮಂ।
Mahāpalobhanajātakaṃ ekādasamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೫೦೭] ೧೧. ಮಹಾಪಲೋಭನಜಾತಕವಣ್ಣನಾ • [507] 11. Mahāpalobhanajātakavaṇṇanā
