| Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೫೦೮. ಪಞ್ಚಪಣ್ಡಿತಜಾತಕಂ (೧೨)
508. Pañcapaṇḍitajātakaṃ (12)
೩೧೫.
315.
ಪಞ್ಚ ಪಣ್ಡಿತಾ ಸಮಾಗತಾತ್ಥ, ಪಞ್ಹಾ ಮೇ ಪಟಿಭಾತಿ ತಂ ಸುಣಾಥ।
Pañca paṇḍitā samāgatāttha, pañhā me paṭibhāti taṃ suṇātha;
ನಿನ್ದಿಯಮತ್ಥಂ ಪಸಂಸಿಯಂ ವಾ, ಕಸ್ಸೇವಾವಿಕರೇಯ್ಯ 1 ಗುಯ್ಹಮತ್ಥಂ॥
Nindiyamatthaṃ pasaṃsiyaṃ vā, kassevāvikareyya 2 guyhamatthaṃ.
೩೧೬.
316.
ತ್ವಂ ಆವಿಕರೋಹಿ ಭೂಮಿಪಾಲ, ಭತ್ತಾ ಭಾರಸಹೋ ತುವಂ ವದೇ ತಂ।
Tvaṃ āvikarohi bhūmipāla, bhattā bhārasaho tuvaṃ vade taṃ;
ತವ ಛನ್ದರುಚೀನಿ 3 ಸಮ್ಮಸಿತ್ವಾ, ಅಥ ವಕ್ಖನ್ತಿ ಜನಿನ್ದ ಪಞ್ಚ ಧೀರಾ॥
Tava chandarucīni 4 sammasitvā, atha vakkhanti janinda pañca dhīrā.
೩೧೭.
317.
ನಿನ್ದಿಯಮತ್ಥಂ ಪಸಂಸಿಯಂ ವಾ, ಭರಿಯಾಯಾವಿಕರೇಯ್ಯ 9 ಗುಯ್ಹಮತ್ಥಂ॥
Nindiyamatthaṃ pasaṃsiyaṃ vā, bhariyāyāvikareyya 10 guyhamatthaṃ.
೩೧೮.
318.
ಯೋ ಕಿಚ್ಛಗತಸ್ಸ ಆತುರಸ್ಸ, ಸರಣಂ ಹೋತಿ ಗತೀ ಪರಾಯನಞ್ಚ।
Yo kicchagatassa āturassa, saraṇaṃ hoti gatī parāyanañca;
ನಿನ್ದಿಯಮತ್ಥಂ ಪಸಂಸಿಯಂ ವಾ, ಸಖಿನೋ ವಾವಿಕರೇಯ್ಯ ಗುಯ್ಹಮತ್ಥಂ॥
Nindiyamatthaṃ pasaṃsiyaṃ vā, sakhino vāvikareyya guyhamatthaṃ.
೩೧೯.
319.
ನಿನ್ದಿಯಮತ್ಥಂ ಪಸಂಸಿಯಂ ವಾ, ಭಾತು ವಾವೀಕರೇಯ್ಯ ಗುಯ್ಹಮತ್ಥಂ॥
Nindiyamatthaṃ pasaṃsiyaṃ vā, bhātu vāvīkareyya guyhamatthaṃ.
೩೨೦.
320.
ಯೋ ವೇ ಪಿತುಹದಯಸ್ಸ ಪದ್ಧಗೂ 15, ಅನುಜಾತೋ ಪಿತರಂ ಅನೋಮಪಞ್ಞೋ।
Yo ve pituhadayassa paddhagū 16, anujāto pitaraṃ anomapañño;
ನಿನ್ದಿಯಮತ್ಥಂ ಪಸಂಸಿಯಂ ವಾ, ಪುತ್ತಸ್ಸಾವಿಕರೇಯ್ಯ 17 ಗುಯ್ಹಮತ್ಥಂ॥
Nindiyamatthaṃ pasaṃsiyaṃ vā, puttassāvikareyya 18 guyhamatthaṃ.
೩೨೧.
321.
ಮಾತಾ ದ್ವಿಪದಾಜನಿನ್ದಸೇಟ್ಠ, ಯಾ ನಂ 19 ಪೋಸೇತಿ ಛನ್ದಸಾ ಪಿಯೇನ।
Mātā dvipadājanindaseṭṭha, yā naṃ 20 poseti chandasā piyena;
ನಿನ್ದಿಯಮತ್ಥಂ ಪಸಂಸಿಯಂ ವಾ, ಮಾತುಯಾವೀಕರೇಯ್ಯ 21 ಗುಯ್ಹಮತ್ಥಂ॥
Nindiyamatthaṃ pasaṃsiyaṃ vā, mātuyāvīkareyya 22 guyhamatthaṃ.
೩೨೨.
322.
ಗುಯ್ಹಸ್ಸ ಹಿ ಗುಯ್ಹಮೇವ ಸಾಧು, ನ ಹಿ ಗುಯ್ಹಸ್ಸ ಪಸತ್ಥಮಾವಿಕಮ್ಮಂ।
Guyhassa hi guyhameva sādhu, na hi guyhassa pasatthamāvikammaṃ;
೩೨೩.
323.
ಕಿಂ ಚಿನ್ತಯಮಾನೋ ದುಮ್ಮನೋಸಿ, ನೂನ ದೇವ ಅಪರಾಧೋ ಅತ್ಥಿ ಮಯ್ಹಂ॥
Kiṃ cintayamāno dummanosi, nūna deva aparādho atthi mayhaṃ.
೩೨೪.
324.
‘‘ಪಣ್ಹೇ 31 ವಜ್ಝೋ ಮಹೋಸಧೋ’’ತಿ, ಆಣತ್ತೋ ಮೇ ವಧಾಯ ಭೂರಿಪಞ್ಞೋ।
‘‘Paṇhe 32 vajjho mahosadho’’ti, āṇatto me vadhāya bhūripañño;
ತಂ ಚಿನ್ತಯಮಾನೋ ದುಮ್ಮನೋಸ್ಮಿ, ನ ಹಿ ದೇವೀ ಅಪರಾಧೋ ಅತ್ಥಿ ತುಯ್ಹಂ॥
Taṃ cintayamāno dummanosmi, na hi devī aparādho atthi tuyhaṃ.
೩೨೫.
325.
ಅಭಿದೋಸಗತೋ ದಾನಿ ಏಹಿಸಿ, ಕಿಂ ಸುತ್ವಾ ಕಿಂ ಸಙ್ಕತೇ ಮನೋ ತೇ।
Abhidosagato dāni ehisi, kiṃ sutvā kiṃ saṅkate mano te;
ಕೋ ತೇ ಕಿಮವೋಚ ಭೂರಿಪಞ್ಞ, ಇಙ್ಘ ವಚನಂ ಸುಣೋಮ ಬ್ರೂಹಿ ಮೇತಂ॥
Ko te kimavoca bhūripañña, iṅgha vacanaṃ suṇoma brūhi metaṃ.
೩೨೬.
326.
‘‘ಪಣ್ಹೇ ವಜ್ಝೋ ಮಹೋಸಧೋ’’ತಿ, ಯದಿ ತೇ ಮನ್ತಯಿತಂ ಜನಿನ್ದ ದೋಸಂ।
‘‘Paṇhe vajjho mahosadho’’ti, yadi te mantayitaṃ janinda dosaṃ;
ಭರಿಯಾಯ ರಹೋಗತೋ ಅಸಂಸಿ, ಗುಯ್ಹಂ ಪಾತುಕತಂ ಸುತಂ ಮಮೇತಂ॥
Bhariyāya rahogato asaṃsi, guyhaṃ pātukataṃ sutaṃ mametaṃ.
೩೨೭.
327.
ಯಂ ಸಾಲವನಸ್ಮಿಂ ಸೇನಕೋ, ಪಾಪಕಮ್ಮಂ ಅಕಾಸಿ ಅಸಬ್ಭಿರೂಪಂ।
Yaṃ sālavanasmiṃ senako, pāpakammaṃ akāsi asabbhirūpaṃ;
ಸಖಿನೋವ ರಹೋಗತೋ ಅಸಂಸಿ, ಗುಯ್ಹಂ ಪಾತುಕತಂ ಸುತಂ ಮಮೇತಂ॥
Sakhinova rahogato asaṃsi, guyhaṃ pātukataṃ sutaṃ mametaṃ.
೩೨೮.
328.
ಪುಕ್ಕುಸ 33 ಪುರಿಸಸ್ಸ ತೇ ಜನಿನ್ದ, ಉಪ್ಪನ್ನೋ ರೋಗೋ ಅರಾಜಯುತ್ತೋ।
Pukkusa 34 purisassa te janinda, uppanno rogo arājayutto;
ಭಾತುಞ್ಚ 35 ರಹೋಗತೋ ಅಸಂಸಿ, ಗುಯ್ಹಂ ಪಾತುಕತಂ ಸುತಂ ಮಮೇತಂ॥
Bhātuñca 36 rahogato asaṃsi, guyhaṃ pātukataṃ sutaṃ mametaṃ.
೩೨೯.
329.
ಆಬಾಧೋಯಂ ಅಸಬ್ಭಿರೂಪೋ, ಕಾಮಿನ್ದೋ 37 ನರದೇವೇನ ಫುಟ್ಠೋ।
Ābādhoyaṃ asabbhirūpo, kāmindo 38 naradevena phuṭṭho;
ಪುತ್ತಸ್ಸ ರಹೋಗತೋ ಅಸಂಸಿ, ಗುಯ್ಹಂ ಪಾತುಕತಂ ಸುತಂ ಮಮೇತಂ॥
Puttassa rahogato asaṃsi, guyhaṃ pātukataṃ sutaṃ mametaṃ.
೩೩೦.
330.
ಅಟ್ಠವಙ್ಕಂ ಮಣಿರತನಂ ಉಳಾರಂ, ಸಕ್ಕೋ ತೇ ಅದದಾ ಪಿತಾಮಹಸ್ಸ।
Aṭṭhavaṅkaṃ maṇiratanaṃ uḷāraṃ, sakko te adadā pitāmahassa;
ದೇವಿನ್ದಸ್ಸ ಗತಂ ತದಜ್ಜ ಹತ್ಥಂ 39, ಮಾತುಞ್ಚ ರಹೋಗತೋ ಅಸಂಸಿ।
Devindassa gataṃ tadajja hatthaṃ 40, mātuñca rahogato asaṃsi;
ಗುಯ್ಹಂ ಪಾತುಕತಂ ಸುತಂ ಮಮೇತಂ॥
Guyhaṃ pātukataṃ sutaṃ mametaṃ.
೩೩೧.
331.
ಗುಯ್ಹಸ್ಸ ಹಿ ಗುಯ್ಹಮೇವ ಸಾಧು, ನ ಹಿ ಗುಯ್ಹಸ್ಸ ಪಸತ್ಥಮಾವಿಕಮ್ಮಂ।
Guyhassa hi guyhameva sādhu, na hi guyhassa pasatthamāvikammaṃ;
ಅನಿಪ್ಫನ್ನತಾ ಸಹೇಯ್ಯ ಧೀರೋ, ನಿಪ್ಫನ್ನೋವ ಯಥಾಸುಖಂ ಭಣೇಯ್ಯ॥
Anipphannatā saheyya dhīro, nipphannova yathāsukhaṃ bhaṇeyya.
೩೩೨.
332.
ನ ಗುಯ್ಹಮತ್ಥಂ ವಿವರೇಯ್ಯ, ರಕ್ಖೇಯ್ಯ ನಂ ಯಥಾ ನಿಧಿಂ।
Na guyhamatthaṃ vivareyya, rakkheyya naṃ yathā nidhiṃ;
ನ ಹಿ ಪಾತುಕತೋ ಸಾಧು, ಗುಯ್ಹೋ ಅತ್ಥೋ ಪಜಾನತಾ॥
Na hi pātukato sādhu, guyho attho pajānatā.
೩೩೩.
333.
ಥಿಯಾ ಗುಯ್ಹಂ ನ ಸಂಸೇಯ್ಯ, ಅಮಿತ್ತಸ್ಸ ಚ ಪಣ್ಡಿತೋ।
Thiyā guyhaṃ na saṃseyya, amittassa ca paṇḍito;
ಯೋ ಚಾಮಿಸೇನ ಸಂಹೀರೋ, ಹದಯತ್ಥೇನೋ ಚ ಯೋ ನರೋ॥
Yo cāmisena saṃhīro, hadayattheno ca yo naro.
೩೩೪.
334.
ಗುಯ್ಹಮತ್ಥಂ ಅಸಮ್ಬುದ್ಧಂ, ಸಮ್ಬೋಧಯತಿ ಯೋ ನರೋ।
Guyhamatthaṃ asambuddhaṃ, sambodhayati yo naro;
ಮನ್ತಭೇದಭಯಾ ತಸ್ಸ, ದಾಸಭೂತೋ ತಿತಿಕ್ಖತಿ॥
Mantabhedabhayā tassa, dāsabhūto titikkhati.
೩೩೫.
335.
ಯಾವನ್ತೋ ಪುರಿಸಸ್ಸತ್ಥಂ, ಗುಯ್ಹಂ ಜಾನನ್ತಿ ಮನ್ತಿನಂ।
Yāvanto purisassatthaṃ, guyhaṃ jānanti mantinaṃ;
ತಾವನ್ತೋ ತಸ್ಸ ಉಬ್ಬೇಗಾ, ತಸ್ಮಾ ಗುಯ್ಹಂ ನ ವಿಸ್ಸಜೇ॥
Tāvanto tassa ubbegā, tasmā guyhaṃ na vissaje.
೩೩೬.
336.
ವಿವಿಚ್ಚ ಭಾಸೇಯ್ಯ ದಿವಾ ರಹಸ್ಸಂ, ರತ್ತಿಂ ಗಿರಂ ನಾತಿವೇಲಂ ಪಮುಞ್ಚೇ।
Vivicca bhāseyya divā rahassaṃ, rattiṃ giraṃ nātivelaṃ pamuñce;
ಉಪಸ್ಸುತಿಕಾ ಹಿ ಸುಣನ್ತಿ ಮನ್ತಂ, ತಸ್ಮಾ ಮನ್ತೋ ಖಿಪ್ಪಮುಪೇತಿ ಭೇದನ್ತಿ॥
Upassutikā hi suṇanti mantaṃ, tasmā manto khippamupeti bhedanti.
ಪಞ್ಚಪಣ್ಡಿತಜಾತಕಂ ದ್ವಾದಸಮಂ।
Pañcapaṇḍitajātakaṃ dvādasamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೫೦೮] ೧೨. ಪಞ್ಚಪಣ್ಡಿತಜಾತಕವಣ್ಣನಾ • [508] 12. Pañcapaṇḍitajātakavaṇṇanā
