| Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೫೦೯. ಹತ್ಥಿಪಾಲಜಾತಕಂ (೧೩)
509. Hatthipālajātakaṃ (13)
೩೩೭.
337.
ಚಿರಸ್ಸಂ ವತ ಪಸ್ಸಾಮ, ಬ್ರಾಹ್ಮಣಂ ದೇವವಣ್ಣಿನಂ।
Cirassaṃ vata passāma, brāhmaṇaṃ devavaṇṇinaṃ;
೩೩೮.
338.
ಚಿರಸ್ಸಂ ವತ ಪಸ್ಸಾಮ, ಇಸಿಂ ಧಮ್ಮಗುಣೇ ರತಂ।
Cirassaṃ vata passāma, isiṃ dhammaguṇe rataṃ;
ಕಾಸಾಯವತ್ಥವಸನಂ, ವಾಕಚೀರಂ ಪಟಿಚ್ಛದಂ॥
Kāsāyavatthavasanaṃ, vākacīraṃ paṭicchadaṃ.
೩೩೯.
339.
ಆಸನಂ ಉದಕಂ ಪಜ್ಜಂ, ಪಟಿಗಣ್ಹಾತು ನೋ ಭವಂ।
Āsanaṃ udakaṃ pajjaṃ, paṭigaṇhātu no bhavaṃ;
ಅಗ್ಘೇ ಭವನ್ತಂ ಪುಚ್ಛಾಮ, ಅಗ್ಘಂ ಕುರುತು ನೋ ಭವಂ॥
Agghe bhavantaṃ pucchāma, agghaṃ kurutu no bhavaṃ.
೩೪೦.
340.
ಅಧಿಚ್ಚ ವೇದೇ ಪರಿಯೇಸ ವಿತ್ತಂ, ಪುತ್ತೇ ಗಹೇ 3 ತಾತ ಪತಿಟ್ಠಪೇತ್ವಾ।
Adhicca vede pariyesa vittaṃ, putte gahe 4 tāta patiṭṭhapetvā;
ಗನ್ಧೇ ರಸೇ ಪಚ್ಚನುಭುಯ್ಯ 5 ಸಬ್ಬಂ, ಅರಞ್ಞಂ ಸಾಧು ಮುನಿ ಸೋ ಪಸತ್ಥೋ॥
Gandhe rase paccanubhuyya 6 sabbaṃ, araññaṃ sādhu muni so pasattho.
೩೪೧.
341.
ವೇದಾ ನ ಸಚ್ಚಾ ನ ಚ ವಿತ್ತಲಾಭೋ, ನ ಪುತ್ತಲಾಭೇನ ಜರಂ ವಿಹನ್ತಿ।
Vedā na saccā na ca vittalābho, na puttalābhena jaraṃ vihanti;
೩೪೨.
342.
ಅದ್ಧಾ ಹಿ ಸಚ್ಚಂ ವಚನಂ ತವೇತಂ, ಸಕಮ್ಮುನಾ ಹೋತಿ ಫಲೂಪಪತ್ತಿ।
Addhā hi saccaṃ vacanaṃ tavetaṃ, sakammunā hoti phalūpapatti;
೩೪೩.
343.
ಯಸ್ಸಸ್ಸ ಸಕ್ಖೀ ಮರಣೇನ ರಾಜ, ಜರಾಯ ಮೇತ್ತೀ ನರವೀರಸೇಟ್ಠ।
Yassassa sakkhī maraṇena rāja, jarāya mettī naravīraseṭṭha;
ಯೋ ಚಾಪಿ ಜಞ್ಞಾ ನ ಮರಿಸ್ಸಂ ಕದಾಚಿ, ಪಸ್ಸೇಯ್ಯುಂ ತಂ ವಸ್ಸಸತಂ ಅರೋಗಂ॥
Yo cāpi jaññā na marissaṃ kadāci, passeyyuṃ taṃ vassasataṃ arogaṃ.
೩೪೪.
344.
ಯಥಾಪಿ ನಾವಂ ಪುರಿಸೋ ದಕಮ್ಹಿ, ಏರೇತಿ ಚೇ ನಂ ಉಪನೇತಿ ತೀರಂ।
Yathāpi nāvaṃ puriso dakamhi, ereti ce naṃ upaneti tīraṃ;
ಏವಮ್ಪಿ ಬ್ಯಾಧೀ ಸತತಂ ಜರಾ ಚ, ಉಪನೇತಿ ಮಚ್ಚಂ 15 ವಸಮನ್ತಕಸ್ಸ॥
Evampi byādhī satataṃ jarā ca, upaneti maccaṃ 16 vasamantakassa.
೩೪೫.
345.
ಪಙ್ಕೋ ಚ ಕಾಮಾ ಪಲಿಪೋ ಚ ಕಾಮಾ, ಮನೋಹರಾ ದುತ್ತರಾ ಮಚ್ಚುಧೇಯ್ಯಾ।
Paṅko ca kāmā palipo ca kāmā, manoharā duttarā maccudheyyā;
ಏತಸ್ಮಿಂ ಪಙ್ಕೇ ಪಲಿಪೇ ಬ್ಯಸನ್ನಾ 17, ಹೀನತ್ತರೂಪಾ ನ ತರನ್ತಿ ಪಾರಂ॥
Etasmiṃ paṅke palipe byasannā 18, hīnattarūpā na taranti pāraṃ.
೩೪೬.
346.
ಅಯಂ ಪುರೇ ಲುದ್ದಮಕಾಸಿ ಕಮ್ಮಂ, ಸ್ವಾಯಂ ಗಹೀತೋ ನ ಹಿ ಮೋಕ್ಖಿತೋ ಮೇ।
Ayaṃ pure luddamakāsi kammaṃ, svāyaṃ gahīto na hi mokkhito me;
ಓರುನ್ಧಿಯಾ ನಂ ಪರಿರಕ್ಖಿಸ್ಸಾಮಿ, ಮಾಯಂ ಪುನ ಲುದ್ದಮಕಾಸಿ ಕಮ್ಮಂ॥
Orundhiyā naṃ parirakkhissāmi, māyaṃ puna luddamakāsi kammaṃ.
೩೪೭.
347.
ಏವಂ ನಟ್ಠೋ ಏಸುಕಾರೀ ಮಮತ್ಥೋ, ಸೋಹಂ ಕಥಂ ನ ಗವೇಸೇಯ್ಯಂ ರಾಜ॥
Evaṃ naṭṭho esukārī mamattho, sohaṃ kathaṃ na gaveseyyaṃ rāja.
೩೪೮.
348.
ಅನಾಗತಂ ನೇತಮತ್ಥೀತಿ ಞತ್ವಾ, ಉಪ್ಪನ್ನಛನ್ದಂ ಕೋ ಪನುದೇಯ್ಯ ಧೀರೋ॥
Anāgataṃ netamatthīti ñatvā, uppannachandaṃ ko panudeyya dhīro.
೩೪೯.
349.
ಪಸ್ಸಾಮಿ ವೋಹಂ ದಹರಂ 25 ಕುಮಾರಿಂ, ಮತ್ತೂಪಮಂ ಕೇತಕಪುಪ್ಫನೇತ್ತಂ।
Passāmi vohaṃ daharaṃ 26 kumāriṃ, mattūpamaṃ ketakapupphanettaṃ;
ಅಭುತ್ತಭೋಗೇ 27 ಪಠಮೇ ವಯಸ್ಮಿಂ, ಆದಾಯ ಮಚ್ಚು ವಜತೇ ಕುಮಾರಿಂ॥
Abhuttabhoge 28 paṭhame vayasmiṃ, ādāya maccu vajate kumāriṃ.
೩೫೦.
350.
ಯುವಾ ಸುಜಾತೋ ಸುಮುಖೋ ಸುದಸ್ಸನೋ, ಸಾಮೋ ಕುಸುಮ್ಭಪರಿಕಿಣ್ಣಮಸ್ಸು।
Yuvā sujāto sumukho sudassano, sāmo kusumbhaparikiṇṇamassu;
ಹಿತ್ವಾನ ಕಾಮೇ ಪಟಿಕಚ್ಚ 29 ಗೇಹಂ, ಅನುಜಾನ ಮಂ ಪಬ್ಬಜಿಸ್ಸಾಮಿ ದೇವ॥
Hitvāna kāme paṭikacca 30 gehaṃ, anujāna maṃ pabbajissāmi deva.
೩೫೧.
351.
ಸಾಖಾಹಿ ರುಕ್ಖೋ ಲಭತೇ ಸಮಞ್ಞಂ, ಪಹೀನಸಾಖಂ ಪನ ಖಾಣುಮಾಹು।
Sākhāhi rukkho labhate samaññaṃ, pahīnasākhaṃ pana khāṇumāhu;
ಪಹೀನಪುತ್ತಸ್ಸ ಮಮಜ್ಜ ಭೋತಿ, ವಾಸೇಟ್ಠಿ ಭಿಕ್ಖಾಚರಿಯಾಯ ಕಾಲೋ॥
Pahīnaputtassa mamajja bhoti, vāseṭṭhi bhikkhācariyāya kālo.
೩೫೨.
352.
ಗಚ್ಛನ್ತಿ ಪುತ್ತಾ ಚ ಪತೀ ಚ ಮಯ್ಹಂ, ಸಾಹಂ ಕಥಂ ನಾನುವಜೇ ಪಜಾನಂ॥
Gacchanti puttā ca patī ca mayhaṃ, sāhaṃ kathaṃ nānuvaje pajānaṃ.
೩೫೩.
353.
ಏತೇ ಭುತ್ವಾ ವಮಿತ್ವಾ ಚ, ಪಕ್ಕಮನ್ತಿ ವಿಹಙ್ಗಮಾ।
Ete bhutvā vamitvā ca, pakkamanti vihaṅgamā;
೩೫೪.
354.
ವನ್ತಾದೋ ಪುರಿಸೋ ರಾಜ, ನ ಸೋ ಹೋತಿ ಪಸಂಸಿಯೋ॥
Vantādo puriso rāja, na so hoti pasaṃsiyo.
೩೫೫.
355.
ಪಙ್ಕೇ ಚ 39 ಪೋಸಂ ಪಲಿಪೇ ಬ್ಯಸನ್ನಂ, ಬಲೀ ಯಥಾ ದುಬ್ಬಲಮುದ್ಧರೇಯ್ಯ।
Paṅke ca 40 posaṃ palipe byasannaṃ, balī yathā dubbalamuddhareyya;
ಏವಮ್ಪಿ ಮಂ ತ್ವಂ ಉದತಾರಿ ಭೋತಿ, ಪಞ್ಚಾಲಿ ಗಾಥಾಹಿ ಸುಭಾಸಿತಾಹಿ॥
Evampi maṃ tvaṃ udatāri bhoti, pañcāli gāthāhi subhāsitāhi.
೩೫೬.
356.
ಇದಂ ವತ್ವಾ ಮಹಾರಾಜಾ, ಏಸುಕಾರೀ ದಿಸಮ್ಪತಿ।
Idaṃ vatvā mahārājā, esukārī disampati;
ರಟ್ಠಂ ಹಿತ್ವಾನ ಪಬ್ಬಜಿ, ನಾಗೋ ಛೇತ್ವಾವ ಬನ್ಧನಂ॥
Raṭṭhaṃ hitvāna pabbaji, nāgo chetvāva bandhanaṃ.
೩೫೭.
357.
ರಾಜಾ ಚ ಪಬ್ಬಜ್ಜಮರೋಚಯಿತ್ಥ, ರಟ್ಠಂ ಪಹಾಯ ನರವೀರಸೇಟ್ಠೋ।
Rājā ca pabbajjamarocayittha, raṭṭhaṃ pahāya naravīraseṭṭho;
ತುವಮ್ಪಿ ನೋ ಹೋತಿ ಯಥೇವ ರಾಜಾ, ಅಮ್ಹೇಹಿ ಗುತ್ತಾ ಅನುಸಾಸ ರಜ್ಜಂ॥
Tuvampi no hoti yatheva rājā, amhehi guttā anusāsa rajjaṃ.
೩೫೮.
358.
ರಾಜಾ ಚ ಪಬ್ಬಜ್ಜಮರೋಚಯಿತ್ಥ, ರಟ್ಠಂ ಪಹಾಯ ನರವೀರಸೇಟ್ಠೋ।
Rājā ca pabbajjamarocayittha, raṭṭhaṃ pahāya naravīraseṭṭho;
ಅಹಮ್ಪಿ ಏಕಾ 41 ಚರಿಸ್ಸಾಮಿ ಲೋಕೇ, ಹಿತ್ವಾನ ಕಾಮಾನಿ ಮನೋರಮಾನಿ॥
Ahampi ekā 42 carissāmi loke, hitvāna kāmāni manoramāni.
೩೫೯.
359.
ರಾಜಾ ಚ ಪಬ್ಬಜ್ಜಮರೋಚಯಿತ್ಥ, ರಟ್ಠಂ ಪಹಾಯ ನರವೀರಸೇಟ್ಠೋ।
Rājā ca pabbajjamarocayittha, raṭṭhaṃ pahāya naravīraseṭṭho;
ಅಹಮ್ಪಿ ಏಕಾ ಚರಿಸ್ಸಾಮಿ ಲೋಕೇ, ಹಿತ್ವಾನ ಕಾಮಾನಿ ಯಥೋಧಿಕಾನಿ॥
Ahampi ekā carissāmi loke, hitvāna kāmāni yathodhikāni.
೩೬೦.
360.
ಅಚ್ಚೇನ್ತಿ ಕಾಲಾ ತರಯನ್ತಿ ರತ್ತಿಯೋ, ವಯೋಗುಣಾ ಅನುಪುಬ್ಬಂ ಜಹನ್ತಿ।
Accenti kālā tarayanti rattiyo, vayoguṇā anupubbaṃ jahanti;
ಅಹಮ್ಪಿ ಏಕಾ ಚರಿಸ್ಸಾಮಿ ಲೋಕೇ, ಹಿತ್ವಾನ ಕಾಮಾನಿ ಮನೋರಮಾನಿ॥
Ahampi ekā carissāmi loke, hitvāna kāmāni manoramāni.
೩೬೧.
361.
ಅಚ್ಚೇನ್ತಿ ಕಾಲಾ ತರಯನ್ತಿ ರತ್ತಿಯೋ, ವಯೋಗುಣಾ ಅನುಪುಬ್ಬಂ ಜಹನ್ತಿ।
Accenti kālā tarayanti rattiyo, vayoguṇā anupubbaṃ jahanti;
ಅಹಮ್ಪಿ ಏಕಾ ಚರಿಸ್ಸಾಮಿ ಲೋಕೇ, ಹಿತ್ವಾನ ಕಾಮಾನಿ ಯಥೋಧಿಕಾನಿ॥
Ahampi ekā carissāmi loke, hitvāna kāmāni yathodhikāni.
೩೬೨.
362.
ಅಚ್ಚೇನ್ತಿ ಕಾಲಾ ತರಯನ್ತಿ ರತ್ತಿಯೋ, ವಯೋಗುಣಾ ಅನುಪುಬ್ಬಂ ಜಹನ್ತಿ।
Accenti kālā tarayanti rattiyo, vayoguṇā anupubbaṃ jahanti;
ಅಹಮ್ಪಿ ಏಕಾ ಚರಿಸ್ಸಾಮಿ ಲೋಕೇ, ಸೀತಿಭೂತಾ 43 ಸಬ್ಬಮತಿಚ್ಚ ಸಙ್ಗನ್ತಿ॥
Ahampi ekā carissāmi loke, sītibhūtā 44 sabbamaticca saṅganti.
ಹತ್ಥಿಪಾಲಜಾತಕಂ ತೇರಸಮಂ।
Hatthipālajātakaṃ terasamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೫೦೯] ೧೩. ಹತ್ಥಿಪಾಲಜಾತಕವಣ್ಣನಾ • [509] 13. Hatthipālajātakavaṇṇanā
