| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੮. ਮਹਦ੍ਧਨਸੁਤ੍ਤવਣ੍ਣਨਾ
8. Mahaddhanasuttavaṇṇanā
੨੮. ਨਿਧੀਯਤੀਤਿ ਨਿਧਾਨਂ। ਨਿਧਾਤਬ੍ਬਤਂ ਗਤਂ ਨਿਹਿਤਨ੍ਤਿ ਅਤ੍ਥੋ। ਮੁਤ੍ਤਸਾਰਾਦੀਤਿ ਮੁਤ੍ਤਾਮਣਿવੇਲ਼ੁਰਿਯਪવਾਲ਼ਰਜਤਜਾਤਰੂਪਾਦਿ। ਸੁવਣ੍ਣਰਜਤਭਾਜਨਾਦੀਤਿ ਆਦਿ-ਸਦ੍ਦੇਨ ਕਹਾਪਣ-ਧਞ੍ਞਕੋਟ੍ਠਭਣ੍ਡਾਦਿਂ ਸਙ੍ਗਣ੍ਹਾਤਿ। ਤਮ੍ਪਿ ਹਿ ਨਿਚ੍ਚਪਰਿਬ੍ਬਯવਸੇਨ ਭੁਞ੍ਜੀਯਤੀਤਿ ‘‘ਭੋਗੋ’’ਤਿ વੁਚ੍ਚਤਿ। ਅਞ੍ਞਮਞ੍ਞਂ ਅਭਿਗਿਜ੍ਝਨ੍ਤੀਤਿ ਅਞ੍ਞਮਞ੍ਞਸ੍ਸ ਸਨ੍ਤਕਂ ਅਭਿਗਿਜ੍ਝਨ੍ਤਿ। ਤੇਨਾਹ ‘‘ਪਤ੍ਥੇਨ੍ਤੀ’’ਤਿ। ਅਨਲਙ੍ਕਤਾਤਿ ਨ ਅਲਂ ਪਰਿਯਤ੍ਤਨ੍ਤਿ ਏવਂ ਕਤਚਿਤ੍ਤਾ, ਅਤ੍ਰਿਚ੍ਛਤਾਮਹਿਚ੍ਛਤਾਹਿ ਅਭਿਭੂਤਾ। ਤੇਨਾਹ ‘‘ਅਤਿਤ੍ਤਾ ਅਪਰਿਯਤ੍ਤਜਾਤਾ’’ਤਿ। ਉਸ੍ਸੁਕ੍ਕਜਾਤੇਸੂਤਿ ਤਂਤਂਕਿਚ੍ਚੇ ਸਞ੍ਜਾਤਉਸ੍ਸੁਕ੍ਕੇਸੁ। ਨਾਨਾਕਿਚ੍ਚਜਾਤੇਸੂਤਿ ਨਾਨਾવਿਧਕਿਚ੍ਚੇਸੁ, ਸਞ੍ਜਾਤਨਾਨਾਕਿਚ੍ਚੇਸੁ વਾ। વਟ੍ਟਗਾਮਿਕਪਸੁਤੇਨ વਟ੍ਟਸੋਤਂ ਅਨੁਸਰਨ੍ਤੇਸੁ। ਤਣ੍ਹਾਨਿવਾਸਤਾਯ ਗੇਹਨ੍ਤਿਪਿ ਅਗਾਰਨ੍ਤਿਪਿ વੁਚ੍ਚਤੀਤਿ ਆਹ ‘‘ਮਾਤੁਗਾਮੇਨ ਸਦ੍ਧਿਂ ਗੇਹ’’ਨ੍ਤਿ। વਿਰਾਜਿਯਾਤਿ ਹੇਤੁਅਤ੍ਥਦੀਪਕਂ ਪਦਨ੍ਤਿ ਆਹ ‘‘વਿਰਾਜੇਤ੍વਾ’’ਤਿ, ਤ੍વਾ-ਸਦ੍ਦੋਪਿ ਚਾਯਂ ਹੇਤੁਅਤ੍ਥੋਤਿ।
28. Nidhīyatīti nidhānaṃ. Nidhātabbataṃ gataṃ nihitanti attho. Muttasārādīti muttāmaṇiveḷuriyapavāḷarajatajātarūpādi. Suvaṇṇarajatabhājanādīti ādi-saddena kahāpaṇa-dhaññakoṭṭhabhaṇḍādiṃ saṅgaṇhāti. Tampi hi niccaparibbayavasena bhuñjīyatīti ‘‘bhogo’’ti vuccati. Aññamaññaṃ abhigijjhantīti aññamaññassa santakaṃ abhigijjhanti. Tenāha ‘‘patthentī’’ti. Analaṅkatāti na alaṃ pariyattanti evaṃ katacittā, atricchatāmahicchatāhi abhibhūtā. Tenāha ‘‘atittā apariyattajātā’’ti. Ussukkajātesūti taṃtaṃkicce sañjātaussukkesu. Nānākiccajātesūti nānāvidhakiccesu, sañjātanānākiccesu vā. Vaṭṭagāmikapasutena vaṭṭasotaṃ anusarantesu. Taṇhānivāsatāya gehantipi agārantipi vuccatīti āha ‘‘mātugāmena saddhiṃ geha’’nti. Virājiyāti hetuatthadīpakaṃ padanti āha ‘‘virājetvā’’ti, tvā-saddopi cāyaṃ hetuatthoti.
ਮਹਦ੍ਧਨਸੁਤ੍ਤવਣ੍ਣਨਾ ਨਿਟ੍ਠਿਤਾ।
Mahaddhanasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਮਹਦ੍ਧਨਸੁਤ੍ਤਂ • 8. Mahaddhanasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੮. ਮਹਦ੍ਧਨਸੁਤ੍ਤવਣ੍ਣਨਾ • 8. Mahaddhanasuttavaṇṇanā
