| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೧೦. ಲೋಕಸುತ್ತವಣ್ಣನಾ
10. Lokasuttavaṇṇanā
೭೦. ದಸಮೇ ಕಿಸ್ಮಿಂ ಲೋಕೋ ಸಮುಪ್ಪನ್ನೋತಿ ಕಿಸ್ಮಿಂ ಉಪ್ಪನ್ನೇ ಲೋಕೋ ಉಪ್ಪನ್ನೋತಿ ಪುಚ್ಛತಿ। ಛಸೂತಿ ಛಸು ಅಜ್ಝತ್ತಿಕೇಸು ಆಯತನೇಸು ಉಪ್ಪನ್ನೇಸು ಉಪ್ಪನ್ನೋತಿ ವುಚ್ಚತಿ। ಛಸು ಕುಬ್ಬತೀತಿ ತೇಸುಯೇವ ಛಸು ಸನ್ಥವಂ ಕರೋತಿ। ಉಪಾದಾಯಾತಿ ತಾನಿಯೇವ ಚ ಉಪಾದಾಯ ಆಗಮ್ಮ ಪಟಿಚ್ಚ ಪವತ್ತತಿ। ವಿಹಞ್ಞತೀತಿ ತೇಸುಯೇವ ಛಸು ವಿಹಞ್ಞತಿ ಪೀಳಿಯತಿ। ಇತಿ ಅಜ್ಝತ್ತಿಕಾಯತನವಸೇನ ಅಯಂ ಪಞ್ಹೋ ಆಗತೋ, ಅಜ್ಝತ್ತಿಕಬಾಹಿರಾನಂ ಪನ ವಸೇನ ಆಹರಿತುಂ ವಟ್ಟತಿ। ಛಸು ಹಿ ಅಜ್ಝತ್ತಿಕಾಯತನೇಸು ಉಪ್ಪನ್ನೇಸು ಅಯಂ ಉಪ್ಪನ್ನೋ ನಾಮ ಹೋತಿ, ಛಸು ಬಾಹಿರೇಸು ಸನ್ಥವಂ ಕರೋತಿ, ಛನ್ನಂ ಅಜ್ಝತ್ತಿಕಾನಂ ಉಪಾದಾಯ ಛಸು ಬಾಹಿರೇಸು ವಿಹಞ್ಞತೀತಿ। ದಸಮಂ।
70. Dasame kismiṃ loko samuppannoti kismiṃ uppanne loko uppannoti pucchati. Chasūti chasu ajjhattikesu āyatanesu uppannesu uppannoti vuccati. Chasu kubbatīti tesuyeva chasu santhavaṃ karoti. Upādāyāti tāniyeva ca upādāya āgamma paṭicca pavattati. Vihaññatīti tesuyeva chasu vihaññati pīḷiyati. Iti ajjhattikāyatanavasena ayaṃ pañho āgato, ajjhattikabāhirānaṃ pana vasena āharituṃ vaṭṭati. Chasu hi ajjhattikāyatanesu uppannesu ayaṃ uppanno nāma hoti, chasu bāhiresu santhavaṃ karoti, channaṃ ajjhattikānaṃ upādāya chasu bāhiresu vihaññatīti. Dasamaṃ.
ಅದ್ಧವಗ್ಗೋ ಸತ್ತಮೋ।
Addhavaggo sattamo.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೧೦. ಲೋಕಸುತ್ತಂ • 10. Lokasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೧೦. ಲೋಕಸುತ್ತವಣ್ಣನಾ • 10. Lokasuttavaṇṇanā
