| Library / Tipiṭaka / តិបិដក • Tipiṭaka / ថេរគាថាបាឡិ • Theragāthāpāḷi |
២. លកុណ្ឌកភទ្ទិយត្ថេរគាថា
2. Lakuṇḍakabhaddiyattheragāthā
៤៦៦.
466.
បរេ អម្ពាដការាមេ, វនសណ្ឌម្ហិ ភទ្ទិយោ;
Pare ambāṭakārāme, vanasaṇḍamhi bhaddiyo;
៤៦៧.
467.
អហញ្ច រុក្ខមូលស្មិំ, រតោ ពុទ្ធស្ស សាសនេ។
Ahañca rukkhamūlasmiṃ, rato buddhassa sāsane.
៤៦៨.
468.
‘‘ពុទ្ធោ ចេ 5 មេ វរំ ទជ្ជា, សោ ច លព្ភេថ មេ វរោ;
‘‘Buddho ce 6 me varaṃ dajjā, so ca labbhetha me varo;
គណ្ហេហំ សព្ពលោកស្ស, និច្ចំ កាយគតំ សតិំ។
Gaṇhehaṃ sabbalokassa, niccaṃ kāyagataṃ satiṃ.
៤៦៩.
469.
‘‘យេ មំ រូបេន បាមិំសុ, យេ ច ឃោសេន អន្វគូ;
‘‘Ye maṃ rūpena pāmiṃsu, ye ca ghosena anvagū;
ឆន្ទរាគវសូបេតា, ន មំ ជានន្តិ តេ ជនា។
Chandarāgavasūpetā, na maṃ jānanti te janā.
៤៧០.
470.
‘‘អជ្ឈត្តញ្ច ន ជានាតិ, ពហិទ្ធា ច ន បស្សតិ;
‘‘Ajjhattañca na jānāti, bahiddhā ca na passati;
សមន្តាវរណោ ពាលោ, ស វេ ឃោសេន វុយ្ហតិ។
Samantāvaraṇo bālo, sa ve ghosena vuyhati.
៤៧១.
471.
‘‘អជ្ឈត្តញ្ច ន ជានាតិ, ពហិទ្ធា ច វិបស្សតិ;
‘‘Ajjhattañca na jānāti, bahiddhā ca vipassati;
ពហិទ្ធា ផលទស្សាវី, សោបិ ឃោសេន វុយ្ហតិ។
Bahiddhā phaladassāvī, sopi ghosena vuyhati.
៤៧២.
472.
‘‘អជ្ឈត្តញ្ច បជានាតិ, ពហិទ្ធា ច វិបស្សតិ;
‘‘Ajjhattañca pajānāti, bahiddhā ca vipassati;
អនាវរណទស្សាវី, ន សោ ឃោសេន វុយ្ហតី’’តិ។
Anāvaraṇadassāvī, na so ghosena vuyhatī’’ti.
… លកុណ្ឌកភទ្ទិយោ ថេរោ…។
… Lakuṇḍakabhaddiyo thero….
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ថេរគាថា-អដ្ឋកថា • Theragāthā-aṭṭhakathā / ២. លកុណ្ឌកភទ្ទិយត្ថេរគាថាវណ្ណនា • 2. Lakuṇḍakabhaddiyattheragāthāvaṇṇanā
