| Library / Tipiṭaka / ཏིཔིཊཀ • Tipiṭaka / ནེཏྟིཔྤཀརཎཔཱལི༹ • Nettippakaraṇapāḷi |
༥. ལཀྑཎཧཱརསམྤཱཏོ
5. Lakkhaṇahārasampāto
༦༧. ཏཏྠ ཀཏམོ ལཀྑཎོ ཧཱརསམྤཱཏོ?
67. Tattha katamo lakkhaṇo hārasampāto?
‘‘ཏསྨཱ རཀྑིཏཙིཏྟསྶ, སམྨཱསངྐཔྤགོཙརོ’’ཏི གཱཐཱ། ‘‘ཏསྨཱ རཀྑིཏཙིཏྟསྶ, སམྨཱསངྐཔྤགོཙརོ’’ཏི ཨིདཾ སཏིནྡྲིཡཾ, སཏིནྡྲིཡེ གཧིཏེ གཧིཏཱནི བྷཝནྟི པཉྩིནྡྲིཡཱནི། ‘‘སམྨཱདིཊྛིཔུརེཀྑཱརོ’’ཏི སམྨཱདིཊྛིཡཱ གཧིཏཱཡ གཧིཏོ བྷཝཏི ཨརིཡོ ཨཊྛངྒིཀོ མགྒོ། ཏཾ ཀིསྶ ཧེཏུ? སམྨཱདིཊྛིཏོ ཧི སམྨཱསངྐཔྤོ པབྷཝཏི, སམྨཱསངྐཔྤཏོ སམྨཱཝཱཙཱ པབྷཝཏི, སམྨཱཝཱཙཱཏོ སམྨཱཀམྨནྟོ པབྷཝཏི, སམྨཱཀམྨནྟཏོ སམྨཱཨཱཛཱིཝོ པབྷཝཏི, སམྨཱཨཱཛཱིཝཏོ སམྨཱཝཱཡཱམོ པབྷཝཏི, སམྨཱཝཱཡཱམཏོ སམྨཱསཏི པབྷཝཏི, སམྨཱསཏིཏོ སམྨཱསམཱདྷི པབྷཝཏི, སམྨཱསམཱདྷིཏོ སམྨཱཝིམུཏྟི པབྷཝཏི, སམྨཱཝིམུཏྟིཏོ སམྨཱཝིམུཏྟིཉཱཎདསྶནཾ པབྷཝཏི།
‘‘Tasmā rakkhitacittassa, sammāsaṅkappagocaro’’ti gāthā. ‘‘Tasmā rakkhitacittassa, sammāsaṅkappagocaro’’ti idaṃ satindriyaṃ, satindriye gahite gahitāni bhavanti pañcindriyāni. ‘‘Sammādiṭṭhipurekkhāro’’ti sammādiṭṭhiyā gahitāya gahito bhavati ariyo aṭṭhaṅgiko maggo. Taṃ kissa hetu? Sammādiṭṭhito hi sammāsaṅkappo pabhavati, sammāsaṅkappato sammāvācā pabhavati, sammāvācāto sammākammanto pabhavati, sammākammantato sammāājīvo pabhavati, sammāājīvato sammāvāyāmo pabhavati, sammāvāyāmato sammāsati pabhavati, sammāsatito sammāsamādhi pabhavati, sammāsamādhito sammāvimutti pabhavati, sammāvimuttito sammāvimuttiñāṇadassanaṃ pabhavati.
ནིཡུཏྟོ ལཀྑཎོ ཧཱརསམྤཱཏོ།
Niyutto lakkhaṇo hārasampāto.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཁུདྡཀནིཀཱཡ (ཨཊྛཀཐཱ) • Khuddakanikāya (aṭṭhakathā) / ནེཏྟིཔྤཀརཎ-ཨཊྛཀཐཱ • Nettippakaraṇa-aṭṭhakathā / ༥. ལཀྑཎཧཱརསམྤཱཏཝཎྞནཱ • 5. Lakkhaṇahārasampātavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཁུདྡཀནིཀཱཡ (ཊཱིཀཱ) • Khuddakanikāya (ṭīkā) / ནེཏྟིཝིབྷཱཝིནཱི • Nettivibhāvinī / ༥. ལཀྑཎཧཱརསམྤཱཏཝིབྷཱཝནཱ • 5. Lakkhaṇahārasampātavibhāvanā
