| Library / Tipiṭaka / ཏིཔིཊཀ • Tipiṭaka / ནེཏྟིཔྤཀརཎཔཱལི༹ • Nettippakaraṇapāḷi |
༦. ཙཏུབྱཱུཧཧཱརསམྤཱཏོ
6. Catubyūhahārasampāto
༦༨. ཏཏྠ ཀཏམོ ཙཏུབྱཱུཧོ ཧཱརསམྤཱཏོ།
68. Tattha katamo catubyūho hārasampāto.
‘‘ཏསྨཱ རཀྑིཏཙིཏྟསྶ, སམྨཱསངྐཔྤགོཙརོ’’ཏི གཱཐཱ། ‘‘ཏསྨཱ རཀྑིཏཙིཏྟསྶཱ’’ཏི རཀྑིཏཾ པརིཔཱལཱིཡཏཱིཏི ཨེསཱ ནིརུཏྟི། ཨིདྷ བྷགཝཏོ ཀོ ཨདྷིཔྤཱཡོ? ཡེ དུགྒཏཱིཧི པརིམུཙྩིཏུཀཱམཱ བྷཝིསྶནྟི, ཏེ དྷམྨཙཱརིནོ བྷཝིསྶནྟཱིཏི ཨཡཾ ཨེཏྠ བྷགཝཏོ ཨདྷིཔྤཱཡོ། ཀོཀཱལིཀོ ཧི སཱརིཔུཏྟམོགྒལླཱནེསུ ཐེརེསུ ཙིཏྟཾ པདོསཡིཏྭཱ མཧཱཔདུམནིརཡེ ཨུཔཔནྣོ། བྷགཝཱ ཙ སཏིཨཱརཀྑེན ཙེཏསཱ སམནྣཱགཏོ, སུཏྟམྷི ཝུཏྟཾ ‘‘སཏིཡཱ ཙིཏྟཾ རཀྑིཏབྦ’’ནྟི།
‘‘Tasmā rakkhitacittassa, sammāsaṅkappagocaro’’ti gāthā. ‘‘Tasmā rakkhitacittassā’’ti rakkhitaṃ paripālīyatīti esā nirutti. Idha bhagavato ko adhippāyo? Ye duggatīhi parimuccitukāmā bhavissanti, te dhammacārino bhavissantīti ayaṃ ettha bhagavato adhippāyo. Kokāliko hi sāriputtamoggallānesu theresu cittaṃ padosayitvā mahāpadumaniraye upapanno. Bhagavā ca satiārakkhena cetasā samannāgato, suttamhi vuttaṃ ‘‘satiyā cittaṃ rakkhitabba’’nti.
ནིཡུཏྟོ ཙཏུབྱཱུཧོ ཧཱརསམྤཱཏོ།
Niyutto catubyūho hārasampāto.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཁུདྡཀནིཀཱཡ (ཨཊྛཀཐཱ) • Khuddakanikāya (aṭṭhakathā) / ནེཏྟིཔྤཀརཎ-ཨཊྛཀཐཱ • Nettippakaraṇa-aṭṭhakathā / ༦. ཙཏུབྱཱུཧཧཱརསམྤཱཏཝཎྞནཱ • 6. Catubyūhahārasampātavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཁུདྡཀནིཀཱཡ (ཊཱིཀཱ) • Khuddakanikāya (ṭīkā) / ནེཏྟིཝིབྷཱཝིནཱི • Nettivibhāvinī / ༦. ཙཏུབྱཱུཧཧཱརསམྤཱཏཝིབྷཱཝནཱ • 6. Catubyūhahārasampātavibhāvanā
