| Library / Tipiṭaka / ཏིཔིཊཀ • Tipiṭaka / ནེཏྟིཔྤཀརཎ-ཨཊྛཀཐཱ • Nettippakaraṇa-aṭṭhakathā |
༥. ལཀྑཎཧཱརསམྤཱཏཝཎྞནཱ
5. Lakkhaṇahārasampātavaṇṇanā
༦༧. ཨིནྡྲིཡེསུ གུཏྟདྭཱརཏཱ སཏིསཾཝརོ, སཏིབལེན ཙ ནེཀྑམྨཝིཏཀྐཱདིབཧུལོ ཧོཏཱིཏི ཝུཏྟཾ – ‘‘ཏསྨཱ རཀྑིཏཙིཏྟསྶ སམྨཱསངྐཔྤགོཙརོཏི ཨིདཾ སཏིནྡྲིཡ’’ནྟི། ཏསྶཏྠོ – ‘‘ཏསྨཱ རཀྑིཏཙིཏྟསྶ སམྨཱསངྐཔྤགོཙརོ’’ཏི ཨེཏྠ རཀྑིཏཙིཏྟཏཱཡ ཙ སམྨཱསངྐཔྤགོཙརཏཱ ཀཱརཎཱུཔཙཱརེན ཨིདཾ སཏིནྡྲིཡཾ, གཧིཏཱནི བྷཝནྟི པཉྩིནྡྲིཡཱནི ཨིནྡྲིཡལཀྑཎེན ཝིམུཏྟིཔརིཔཱཙནབྷཱཝེན ཝཱ ཨེཀལཀྑཎཏྟཱཏི ཨདྷིཔྤཱཡོ། གཧིཏོ བྷཝཏཱིཏི ཨེཏྠ མགྒལཀྑཎེན གཧཎཾ སུཝིཉྙེཡྻནྟི ཏཾ ཋཔེཏྭཱ ཀཱརཎཏོ གཧཎཾ དསྶེཏུཾ ‘‘སམྨཱདིཊྛིཏོ ཧི སམྨཱསངྐཔྤོ པབྷཝཏཱི’’ཏིཨཱདི ཝུཏྟཾ། ཏཏོ ཨེཝ གཧིཏོ བྷཝཏི ཨརིཡོ ཨཊྛངྒིཀོ མགྒོཏི ཝཏྭཱ ཝིམུཏྟིཝིམུཏྟིཉཱཎདསྶནཱནིཔི ཝུཏྟཱནི།
67. Indriyesu guttadvāratā satisaṃvaro, satibalena ca nekkhammavitakkādibahulo hotīti vuttaṃ – ‘‘tasmā rakkhitacittassa sammāsaṅkappagocaroti idaṃ satindriya’’nti. Tassattho – ‘‘tasmā rakkhitacittassa sammāsaṅkappagocaro’’ti ettha rakkhitacittatāya ca sammāsaṅkappagocaratā kāraṇūpacārena idaṃ satindriyaṃ, gahitāni bhavanti pañcindriyāni indriyalakkhaṇena vimuttiparipācanabhāvena vā ekalakkhaṇattāti adhippāyo. Gahito bhavatīti ettha maggalakkhaṇena gahaṇaṃ suviññeyyanti taṃ ṭhapetvā kāraṇato gahaṇaṃ dassetuṃ ‘‘sammādiṭṭhito hi sammāsaṅkappo pabhavatī’’tiādi vuttaṃ. Tato eva gahito bhavati ariyo aṭṭhaṅgiko maggoti vatvā vimuttivimuttiñāṇadassanānipi vuttāni.
ལཀྑཎཧཱརསམྤཱཏཝཎྞནཱ ནིཊྛིཏཱ།
Lakkhaṇahārasampātavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཁུདྡཀནིཀཱཡ • Khuddakanikāya / ནེཏྟིཔྤཀརཎཔཱལི༹ • Nettippakaraṇapāḷi / ༥. ལཀྑཎཧཱརསམྤཱཏོ • 5. Lakkhaṇahārasampāto
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཁུདྡཀནིཀཱཡ (ཊཱིཀཱ) • Khuddakanikāya (ṭīkā) / ནེཏྟིཝིབྷཱཝིནཱི • Nettivibhāvinī / ༥. ལཀྑཎཧཱརསམྤཱཏཝིབྷཱཝནཱ • 5. Lakkhaṇahārasampātavibhāvanā
