| Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೩೮೩. ಕುಕ್ಕುಟಜಾತಕಂ (೬-೧-೮)
383. Kukkuṭajātakaṃ (6-1-8)
೫೭.
57.
ಸುಚಿತ್ತಪತ್ತಛದನ , ತಮ್ಬಚೂಳ ವಿಹಙ್ಗಮ।
Sucittapattachadana , tambacūḷa vihaṅgama;
ಓರೋಹ ದುಮಸಾಖಾಯ, ಮುಧಾ ಭರಿಯಾ ಭವಾಮಿ ತೇ॥
Oroha dumasākhāya, mudhā bhariyā bhavāmi te.
೫೮.
58.
ಚತುಪ್ಪದೀ ತ್ವಂ ಕಲ್ಯಾಣಿ, ದ್ವಿಪದಾಹಂ ಮನೋರಮೇ।
Catuppadī tvaṃ kalyāṇi, dvipadāhaṃ manorame;
ಮಿಗೀ ಪಕ್ಖೀ ಅಸಞ್ಞುತ್ತಾ, ಅಞ್ಞಂ ಪರಿಯೇಸ ಸಾಮಿಕಂ॥
Migī pakkhī asaññuttā, aññaṃ pariyesa sāmikaṃ.
೫೯.
59.
ಕೋಮಾರಿಕಾ ತೇ ಹೇಸ್ಸಾಮಿ, ಮಞ್ಜುಕಾ ಪಿಯಭಾಣಿನೀ।
Komārikā te hessāmi, mañjukā piyabhāṇinī;
ವಿನ್ದ ಮಂ ಅರಿಯೇನ ವೇದೇನ, ಸಾವಯ ಮಂ ಯದಿಚ್ಛಸಿ॥
Vinda maṃ ariyena vedena, sāvaya maṃ yadicchasi.
೬೦.
60.
ಕುಣಪಾದಿನಿ ಲೋಹಿತಪೇ, ಚೋರಿ ಕುಕ್ಕುಟಪೋಥಿನಿ।
Kuṇapādini lohitape, cori kukkuṭapothini;
ನ ತ್ವಂ ಅರಿಯೇನ ವೇದೇನ, ಮಮಂ ಭತ್ತಾರಮಿಚ್ಛಸಿ॥
Na tvaṃ ariyena vedena, mamaṃ bhattāramicchasi.
೬೧.
61.
ನೇನ್ತಿ ಸಣ್ಹಾಹಿ ವಾಚಾಹಿ, ಬಿಳಾರೀ ವಿಯ ಕುಕ್ಕುಟಂ॥
Nenti saṇhāhi vācāhi, biḷārī viya kukkuṭaṃ.
೬೨.
62.
ಯೋ ಚ ಉಪ್ಪತಿತಂ ಅತ್ಥಂ, ನ ಖಿಪ್ಪಮನುಬುಜ್ಝತಿ।
Yo ca uppatitaṃ atthaṃ, na khippamanubujjhati;
ಅಮಿತ್ತವಸಮನ್ವೇತಿ, ಪಚ್ಛಾ ಚ ಅನುತಪ್ಪತಿ॥
Amittavasamanveti, pacchā ca anutappati.
೬೩.
63.
ಯೋ ಚ ಉಪ್ಪತಿತಂ ಅತ್ಥಂ, ಖಿಪ್ಪಮೇವ ನಿಬೋಧತಿ।
Yo ca uppatitaṃ atthaṃ, khippameva nibodhati;
ಮುಚ್ಚತೇ ಸತ್ತುಸಮ್ಬಾಧಾ, ಕುಕ್ಕುಟೋವ ಬಿಳಾರಿಯಾತಿ॥
Muccate sattusambādhā, kukkuṭova biḷāriyāti.
ಕುಕ್ಕುಟಜಾತಕಂ ಅಟ್ಠಮಂ।
Kukkuṭajātakaṃ aṭṭhamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೩೮೩] ೮. ಕುಕ್ಕುಟಜಾತಕವಣ್ಣನಾ • [383] 8. Kukkuṭajātakavaṇṇanā
