| Library / Tipiṭaka / ತಿಪಿಟಕ • Tipiṭaka / ಸುತ್ತನಿಪಾತಪಾಳಿ • Suttanipātapāḷi |
೯. ಕಿಂಸೀಲಸುತ್ತಂ
9. Kiṃsīlasuttaṃ
೩೨೬.
326.
‘‘ಕಿಂಸೀಲೋ ಕಿಂಸಮಾಚಾರೋ, ಕಾನಿ ಕಮ್ಮಾನಿ ಬ್ರೂಹಯಂ।
‘‘Kiṃsīlo kiṃsamācāro, kāni kammāni brūhayaṃ;
ನರೋ ಸಮ್ಮಾ ನಿವಿಟ್ಠಸ್ಸ, ಉತ್ತಮತ್ಥಞ್ಚ ಪಾಪುಣೇ’’॥
Naro sammā niviṭṭhassa, uttamatthañca pāpuṇe’’.
೩೨೭.
327.
ಧಮ್ಮಿಂ ಕಥಂ ಏರಯಿತಂ ಖಣಞ್ಞೂ, ಸುಣೇಯ್ಯ ಸಕ್ಕಚ್ಚ ಸುಭಾಸಿತಾನಿ॥
Dhammiṃ kathaṃ erayitaṃ khaṇaññū, suṇeyya sakkacca subhāsitāni.
೩೨೮.
328.
‘‘ಕಾಲೇನ ಗಚ್ಛೇ ಗರೂನಂ ಸಕಾಸಂ, ಥಮ್ಭಂ ನಿರಂಕತ್ವಾ 5 ನಿವಾತವುತ್ತಿ।
‘‘Kālena gacche garūnaṃ sakāsaṃ, thambhaṃ niraṃkatvā 6 nivātavutti;
ಅತ್ಥಂ ಧಮ್ಮಂ ಸಂಯಮಂ ಬ್ರಹ್ಮಚರಿಯಂ, ಅನುಸ್ಸರೇ ಚೇವ ಸಮಾಚರೇ ಚ॥
Atthaṃ dhammaṃ saṃyamaṃ brahmacariyaṃ, anussare ceva samācare ca.
೩೨೯.
329.
‘‘ಧಮ್ಮಾರಾಮೋ ಧಮ್ಮರತೋ, ಧಮ್ಮೇ ಠಿತೋ ಧಮ್ಮವಿನಿಚ್ಛಯಞ್ಞೂ।
‘‘Dhammārāmo dhammarato, dhamme ṭhito dhammavinicchayaññū;
ನೇವಾಚರೇ ಧಮ್ಮಸನ್ದೋಸವಾದಂ, ತಚ್ಛೇಹಿ ನೀಯೇಥ ಸುಭಾಸಿತೇಹಿ॥
Nevācare dhammasandosavādaṃ, tacchehi nīyetha subhāsitehi.
೩೩೦.
330.
‘‘ಹಸ್ಸಂ ಜಪ್ಪಂ ಪರಿದೇವಂ ಪದೋಸಂ, ಮಾಯಾಕತಂ ಕುಹನಂ ಗಿದ್ಧಿ ಮಾನಂ।
‘‘Hassaṃ jappaṃ paridevaṃ padosaṃ, māyākataṃ kuhanaṃ giddhi mānaṃ;
ಸಾರಮ್ಭಂ ಕಕ್ಕಸಂ ಕಸಾವಞ್ಚ ಮುಚ್ಛಂ 7, ಹಿತ್ವಾ ಚರೇ ವೀತಮದೋ ಠಿತತ್ತೋ॥
Sārambhaṃ kakkasaṃ kasāvañca mucchaṃ 8, hitvā care vītamado ṭhitatto.
೩೩೧.
331.
‘‘ವಿಞ್ಞಾತಸಾರಾನಿ ಸುಭಾಸಿತಾನಿ, ಸುತಞ್ಚ ವಿಞ್ಞಾತಸಮಾಧಿಸಾರಂ।
‘‘Viññātasārāni subhāsitāni, sutañca viññātasamādhisāraṃ;
ನ ತಸ್ಸ ಪಞ್ಞಾ ಚ ಸುತಞ್ಚ ವಡ್ಢತಿ, ಯೋ ಸಾಹಸೋ ಹೋತಿ ನರೋ ಪಮತ್ತೋ॥
Na tassa paññā ca sutañca vaḍḍhati, yo sāhaso hoti naro pamatto.
೩೩೨.
332.
‘‘ಧಮ್ಮೇ ಚ ಯೇ ಅರಿಯಪವೇದಿತೇ ರತಾ,
‘‘Dhamme ca ye ariyapavedite ratā,
ಅನುತ್ತರಾ ತೇ ವಚಸಾ ಮನಸಾ ಕಮ್ಮುನಾ ಚ।
Anuttarā te vacasā manasā kammunā ca;
ತೇ ಸನ್ತಿಸೋರಚ್ಚಸಮಾಧಿಸಣ್ಠಿತಾ,
Te santisoraccasamādhisaṇṭhitā,
ಸುತಸ್ಸ ಪಞ್ಞಾಯ ಚ ಸಾರಮಜ್ಝಗೂ’’ತಿ॥
Sutassa paññāya ca sāramajjhagū’’ti.
ಕಿಂಸೀಲಸುತ್ತಂ ನವಮಂ ನಿಟ್ಠಿತಂ।
Kiṃsīlasuttaṃ navamaṃ niṭṭhitaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಸುತ್ತನಿಪಾತ-ಅಟ್ಠಕಥಾ • Suttanipāta-aṭṭhakathā / ೯. ಕಿಂಸೀಲಸುತ್ತವಣ್ಣನಾ • 9. Kiṃsīlasuttavaṇṇanā
