༡-༡༡. ཀཱཡགཏཱསཏིསུཏྟཱདིཝཎྞནཱ

1-11. Kāyagatāsatisuttādivaṇṇanā

༣༦༦-༣༧༦. ཨསངྑཏནྟི ན སངྑཏཾ ཧེཏུཔཙྩཡེཏི། ཏེནཱཧ ‘‘ཨཀཏ’’ནྟི། ཧིཏཾ ཨེསནྟེནཱཏི མེཏྟཱཡནྟེན། ཨནུཀམྤམཱནེནཱཏི ཀརུཎཱཡནྟེན། ཨུཔཱདཱཡཱཏི ཨཱདིཡིཏྭཱཏི ཨཡམཏྠོཏིཨཱཧ ‘‘ཙིཏྟེན པརིགྒཧེཏྭཱ’’ཏི། ཨཝིཔརཱིཏདྷམྨདེསནཱཏི ཨཝིཔརཱིཏདྷམྨསྶ དེསནཱ, པཊིཔཏྟིམྤི སཱཝཀཱ ཝིཡ གརུཀོ བྷགཝཱ། དཱཡཛྫཾ ཨཏྟནོ ཨདྷིཊྛིཏཾ ནིཡྻཱཏེཏི།

366-376.Asaṅkhatanti na saṅkhataṃ hetupaccayeti. Tenāha ‘‘akata’’nti. Hitaṃ esantenāti mettāyantena. Anukampamānenāti karuṇāyantena. Upādāyāti ādiyitvāti ayamatthotiāha ‘‘cittena pariggahetvā’’ti. Aviparītadhammadesanāti aviparītadhammassa desanā, paṭipattimpi sāvakā viya garuko bhagavā. Dāyajjaṃ attano adhiṭṭhitaṃ niyyāteti.

བྷིཀྑཱསམྤཏྟིཀཱལཱདཱིནཾ སཏྟནྣཾ སཔྤཱཡཱནཾ སམྤཏྟིཡཱ ལབྦྷནཀཱལེ། ཝིཔཏྟིཀཱལེ པན ཨེཏྠ ཝུཏྟཝིཔརིཡཱཡེན ཨཏྠོ ཝེདིཏབྦོ། བྷཱརིཡནྟི དུཀྑབཧུལཏཱཡ དཱརུཎཾ། ཨམྷཱཀཾ སནྟིཀཱ ལདྡྷབྦཱ། ཏུམྷཱཀཾ ཨནུསཱསནཱིཏི ཏུམྷཱཀཾ དཱཏབྦཱ ཨནུསཱསནཱི།

Bhikkhāsampattikālādīnaṃ sattannaṃ sappāyānaṃ sampattiyā labbhanakāle. Vipattikāle pana ettha vuttavipariyāyena attho veditabbo. Bhāriyanti dukkhabahulatāya dāruṇaṃ. Amhākaṃ santikā laddhabbā. Tumhākaṃ anusāsanīti tumhākaṃ dātabbā anusāsanī.

ཀཱཡགཏཱསཏིསུཏྟཱདིཝཎྞནཱ ནིཊྛིཏཱ།

Kāyagatāsatisuttādivaṇṇanā niṭṭhitā.

Next: ༢. དུཏིཡཝགྒོ • 2. Dutiyavaggo

ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡-༡༡. ཀཱཡགཏཱསཏིསུཏྟཱདིཝཎྞནཱ • 1-11. Kāyagatāsatisuttādivaṇṇanā

© 1991-2026 Titi Tudorancea Yoga Bulletin | Titi Tudorancea^® is a Registered Trademark | Terms of use and privacy policy
Contact