| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༩. ཨསངྑཏསཾཡུཏྟཾ
9. Asaṅkhatasaṃyuttaṃ
༡. པཋམཝགྒོ
1. Paṭhamavaggo
༡. ཀཱཡགཏཱསཏིསུཏྟཾ
1. Kāyagatāsatisuttaṃ
༣༦༦. སཱཝཏྠིནིདཱནཾ ། ‘‘ཨསངྑཏཉྩ ཝོ, བྷིཀྑཝེ, དེསེསྶཱམི ཨསངྑཏགཱམིཉྩ མགྒཾ། ཏཾ སུཎཱཐ། ཀཏམཉྩ, བྷིཀྑཝེ, ཨསངྑཏཾ? ཡོ, བྷིཀྑཝེ, རཱགཀྑཡོ དོསཀྑཡོ མོཧཀྑཡོ – ཨིདཾ ཝུཙྩཏི, བྷིཀྑཝེ, ཨསངྑཏཾ། ཀཏམོ ཙ, བྷིཀྑཝེ, ཨསངྑཏགཱམིམགྒོ? ཀཱཡགཏཱསཏི། ཨཡཾ ཝུཙྩཏི, བྷིཀྑཝེ, ཨསངྑཏགཱམིམགྒོ’’།
366. Sāvatthinidānaṃ . ‘‘Asaṅkhatañca vo, bhikkhave, desessāmi asaṅkhatagāmiñca maggaṃ. Taṃ suṇātha. Katamañca, bhikkhave, asaṅkhataṃ? Yo, bhikkhave, rāgakkhayo dosakkhayo mohakkhayo – idaṃ vuccati, bhikkhave, asaṅkhataṃ. Katamo ca, bhikkhave, asaṅkhatagāmimaggo? Kāyagatāsati. Ayaṃ vuccati, bhikkhave, asaṅkhatagāmimaggo’’.
‘‘ཨིཏི ཁོ, བྷིཀྑཝེ, དེསིཏཾ ཝོ མཡཱ ཨསངྑཏཾ, དེསིཏོ ཨསངྑཏགཱམིམགྒོ། ཡཾ, བྷིཀྑཝེ, སཏྠཱརཱ ཀརཎཱིཡཾ སཱཝཀཱནཾ ཧིཏེསིནཱ ཨནུཀམྤཀེན ཨནུཀམྤཾ ཨུཔཱདཱཡ, ཀཏཾ ཝོ ཏཾ མཡཱ། ཨེཏཱནི, བྷིཀྑཝེ, རུཀྑམཱུལཱནི, ཨེཏཱནི སུཉྙཱགཱརཱནི། ཛྷཱཡཐ 1, བྷིཀྑཝེ, མཱ པམཱདཏྠ; མཱ པཙྪཱ ཝིཔྤཊིསཱརིནོ ཨཧུཝཏྠ། ཨཡཾ ཝོ ཨམྷཱཀཾ ཨནུསཱསནཱི’’ཏི། པཋམཾ།
‘‘Iti kho, bhikkhave, desitaṃ vo mayā asaṅkhataṃ, desito asaṅkhatagāmimaggo. Yaṃ, bhikkhave, satthārā karaṇīyaṃ sāvakānaṃ hitesinā anukampakena anukampaṃ upādāya, kataṃ vo taṃ mayā. Etāni, bhikkhave, rukkhamūlāni, etāni suññāgārāni. Jhāyatha 2, bhikkhave, mā pamādattha; mā pacchā vippaṭisārino ahuvattha. Ayaṃ vo amhākaṃ anusāsanī’’ti. Paṭhamaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡-༡༡. ཀཱཡགཏཱསཏིསུཏྟཱདིཝཎྞནཱ • 1-11. Kāyagatāsatisuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡-༡༡. ཀཱཡགཏཱསཏིསུཏྟཱདིཝཎྞནཱ • 1-11. Kāyagatāsatisuttādivaṇṇanā
