| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༡༡. མགྒངྒསུཏྟཾ
11. Maggaṅgasuttaṃ
༣༧༦. ‘‘ཀཏམོ ཙ, བྷིཀྑཝེ, ཨསངྑཏགཱམིམགྒོ? ཨརིཡོ ཨཊྛངྒིཀོ མགྒོ། ཨཡཾ ཝུཙྩཏི, བྷིཀྑཝེ, ཨསངྑཏགཱམིམགྒོ། ཨིཏི ཁོ, བྷིཀྑཝེ , དེསིཏཾ ཝོ མཡཱ ཨསངྑཏཾ, དེསིཏོ ཨསངྑཏགཱམིམགྒོ། ཡཾ, བྷིཀྑཝེ, སཏྠཱརཱ ཀརཎཱིཡཾ སཱཝཀཱནཾ ཧིཏེསིནཱ ཨནུཀམྤཀེན ཨནུཀམྤཾ ཨུཔཱདཱཡ ཀཏཾ ཝོ ཏཾ མཡཱ། ཨེཏཱནི, བྷིཀྑཝེ, རུཀྑམཱུལཱནི, ཨེཏཱནི སུཉྙཱགཱརཱནི། ཛྷཱཡཐ, བྷིཀྑཝེ, མཱ པམཱདཏྠ; མཱ པཙྪཱ ཝིཔྤཊིསཱརིནོ ཨཧུཝཏྠ། ཨཡཾ ཝོ ཨམྷཱཀཾ ཨནུསཱསནཱི’’ཏི། ཨེཀཱདསམཾ།
376. ‘‘Katamo ca, bhikkhave, asaṅkhatagāmimaggo? Ariyo aṭṭhaṅgiko maggo. Ayaṃ vuccati, bhikkhave, asaṅkhatagāmimaggo. Iti kho, bhikkhave , desitaṃ vo mayā asaṅkhataṃ, desito asaṅkhatagāmimaggo. Yaṃ, bhikkhave, satthārā karaṇīyaṃ sāvakānaṃ hitesinā anukampakena anukampaṃ upādāya kataṃ vo taṃ mayā. Etāni, bhikkhave, rukkhamūlāni, etāni suññāgārāni. Jhāyatha, bhikkhave, mā pamādattha; mā pacchā vippaṭisārino ahuvattha. Ayaṃ vo amhākaṃ anusāsanī’’ti. Ekādasamaṃ.
པཋམོ ཝགྒོ།
Paṭhamo vaggo.
ཏསྶུདྡཱནཾ –
Tassuddānaṃ –
ཀཱཡོ སམཐོ སཝིཏཀྐོ, སུཉྙཏོ སཏིཔཊྛཱནཱ།
Kāyo samatho savitakko, suññato satipaṭṭhānā;
སམྨཔྤདྷཱནཱ ཨིདྡྷིཔཱདཱ, ཨིནྡྲིཡབལབོཛ྄ཛྷངྒཱ།
Sammappadhānā iddhipādā, indriyabalabojjhaṅgā;
མགྒེན ཨེཀཱདསམཾ, ཏསྶུདྡཱནཾ པཝུཙྩཏི༎
Maggena ekādasamaṃ, tassuddānaṃ pavuccati.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡-༡༡. ཀཱཡགཏཱསཏིསུཏྟཱདིཝཎྞནཱ • 1-11. Kāyagatāsatisuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡-༡༡. ཀཱཡགཏཱསཏིསུཏྟཱདིཝཎྞནཱ • 1-11. Kāyagatāsatisuttādivaṇṇanā
