| Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೩೭೫. ಕಪೋತಜಾತಕಂ (೫-೩-೫)
375. Kapotajātakaṃ (5-3-5)
೧೩೫.
135.
ಇದಾನಿ ಖೋಮ್ಹಿ ಸುಖಿತೋ ಅರೋಗೋ, ನಿಕ್ಕಣ್ಟಕೋ ನಿಪ್ಪತಿತೋ ಕಪೋತೋ।
Idāni khomhi sukhito arogo, nikkaṇṭako nippatito kapoto;
ಕಾಹಾಮಿ ದಾನೀ ಹದಯಸ್ಸ ತುಟ್ಠಿಂ, ತಥಾಹಿಮಂ ಮಂಸಸಾಕಂ ಬಲೇತಿ॥
Kāhāmi dānī hadayassa tuṭṭhiṃ, tathāhimaṃ maṃsasākaṃ baleti.
೧೩೬.
136.
ಕಾಯಂ ಬಲಾಕಾ ಸಿಖಿನೋ, ಚೋರೀ ಲಙ್ಘಿಪಿತಾಮಹಾ।
Kāyaṃ balākā sikhino, corī laṅghipitāmahā;
ಓರಂ ಬಲಾಕೇ ಆಗಚ್ಛ, ಚಣ್ಡೋ ಮೇ ವಾಯಸೋ ಸಖಾ॥
Oraṃ balāke āgaccha, caṇḍo me vāyaso sakhā.
೧೩೭.
137.
ಅಲಞ್ಹಿ ತೇ ಜಗ್ಘಿತಾಯೇ, ಮಮಂ ದಿಸ್ವಾನ ಏದಿಸಂ।
Alañhi te jagghitāye, mamaṃ disvāna edisaṃ;
೧೩೮.
138.
ಸುನ್ಹಾತೋ ಸುವಿಲಿತ್ತೋಸಿ, ಅನ್ನಪಾನೇನ ತಪ್ಪಿತೋ।
Sunhāto suvilittosi, annapānena tappito;
ಕಣ್ಠೇ ಚ ತೇ ವೇಳುರಿಯೋ, ಅಗಮಾ ನು ಕಜಙ್ಗಲಂ॥
Kaṇṭhe ca te veḷuriyo, agamā nu kajaṅgalaṃ.
೧೩೯.
139.
ಮಾ ತೇ ಮಿತ್ತೋ ಅಮಿತ್ತೋ ವಾ, ಅಗಮಾಸಿ ಕಜಙ್ಗಲಂ।
Mā te mitto amitto vā, agamāsi kajaṅgalaṃ;
ಪಿಞ್ಛಾನಿ ತತ್ಥ ಲಾಯಿತ್ವಾ, ಕಣ್ಠೇ ಬನ್ಧನ್ತಿ ವಟ್ಟನಂ॥
Piñchāni tattha lāyitvā, kaṇṭhe bandhanti vaṭṭanaṃ.
೧೪೦.
140.
ಪುನಪಾಪಜ್ಜಸೀ ಸಮ್ಮ, ಸೀಲಞ್ಹಿ ತವ ತಾದಿಸಂ।
Punapāpajjasī samma, sīlañhi tava tādisaṃ;
ನ ಹಿ ಮಾನುಸಕಾ ಭೋಗಾ, ಸುಭುಞ್ಜಾ ಹೋನ್ತಿ ಪಕ್ಖಿನಾತಿ॥
Na hi mānusakā bhogā, subhuñjā honti pakkhināti.
ಕಪೋತಜಾತಕಂ ಪಞ್ಚಮಂ।
Kapotajātakaṃ pañcamaṃ.
ಅಡ್ಢವಗ್ಗೋ ತತಿಯೋ।
Aḍḍhavaggo tatiyo.
ತಸ್ಸುದ್ದಾನಂ –
Tassuddānaṃ –
ಅಥ ವಣ್ಣ ಸಸೀಲ ಹಿರಿ ಲಭತೇ, ಸುಮುಖಾ ವಿಸ ಸಾಳಿಯಮಿತ್ತವರೋ।
Atha vaṇṇa sasīla hiri labhate, sumukhā visa sāḷiyamittavaro;
ಅಥ ಚಕ್ಕ ಪಲಾಸ ಸರಾಜ ಸತೋ, ಯವ ಬಾಲ ಕಪೋತಕ ಪನ್ನರಸಾತಿ॥
Atha cakka palāsa sarāja sato, yava bāla kapotaka pannarasāti.
ಅಥ ವಗ್ಗುದ್ದಾನಂ –
Atha vagguddānaṃ –
ಜೀನಞ್ಚ ವಣ್ಣಂ ಅಸಮಂವಗುಪ್ಪರಿ, ಸುದೇಸಿತಾ ಜಾತಕನ್ತಿ ಸನ್ತಿ ವೀಸತಿ 3।
Jīnañca vaṇṇaṃ asamaṃvaguppari, sudesitā jātakanti santi vīsati 4;
ಮಹೇಸಿನೋ ಬ್ರಹ್ಮಚರಿತ್ತಮುತ್ತ-ಮವೋಚ ಗಾಥಾ ಅತ್ಥವತೀ ಸುಬ್ಯಞ್ಜನಾತಿ॥
Mahesino brahmacarittamutta-mavoca gāthā atthavatī subyañjanāti.
ಪಞ್ಚಕನಿಪಾತಂ ನಿಟ್ಠಿತಂ।
Pañcakanipātaṃ niṭṭhitaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೩೭೫] ೫. ಕಪೋತಜಾತಕವಣ್ಣನಾ • [375] 5. Kapotajātakavaṇṇanā
