| Library / Tipiṭaka / តិបិដក • Tipiṭaka / មហាវិភង្គ-អដ្ឋកថា • Mahāvibhaṅga-aṭṭhakathā |
១០. កណ្ដកសិក្ខាបទវណ្ណនា
10. Kaṇṭakasikkhāpadavaṇṇanā
៤២៨. ទសមេ – ទិដ្ឋិគតំ ឧប្បន្នន្តិ អរិដ្ឋស្ស វិយ ឯតស្សាបិ អយោនិសោ ឧម្មុជ្ជន្តស្ស ឧប្បន្នំ។ នាសេតូតិ ឯត្ថ តិវិធា នាសនា – សំវាសនាសនា, លិង្គនាសនា, ទណ្ឌកម្មនាសនាតិ។ តត្ថ អាបត្តិយា អទស្សនាទីសុ ឧក្ខេបនា សំវាសនាសនា នាម។ ‘‘ទូសកោ នាសេតព្ពោ (បារា. ៦៦) មេត្តិយំ ភិក្ខុនិំ នាសេថា’’តិ (បារា. ៣៨៤) អយំ លិង្គនាសនា នាម។ ‘‘អជ្ជតគ្គេ តេ អាវុសោ សមណុទ្ទេស ន ចេវ សោ ភគវា សត្ថា អបទិសិតព្ពោ’’តិ អយំ ទណ្ឌកម្មនាសនា នាម។ អយំ ឥធ អធិប្បេតា។ តេនាហ – ‘‘ឯវញ្ច បន ភិក្ខវេ នាសេតព្ពោ…បេ.… វិនស្សា’’តិ។ តត្ថ ចរាតិ គច្ឆ។ បិរេតិ បរ អមាមក។ វិនស្សាតិ នស្ស; យត្ថ តេ ន បស្សាម, តត្ថ គច្ឆាតិ។
428. Dasame – diṭṭhigataṃ uppannanti ariṭṭhassa viya etassāpi ayoniso ummujjantassa uppannaṃ. Nāsetūti ettha tividhā nāsanā – saṃvāsanāsanā, liṅganāsanā, daṇḍakammanāsanāti. Tattha āpattiyā adassanādīsu ukkhepanā saṃvāsanāsanā nāma. ‘‘Dūsako nāsetabbo (pārā. 66) mettiyaṃ bhikkhuniṃ nāsethā’’ti (pārā. 384) ayaṃ liṅganāsanā nāma. ‘‘Ajjatagge te āvuso samaṇuddesa na ceva so bhagavā satthā apadisitabbo’’ti ayaṃ daṇḍakammanāsanā nāma. Ayaṃ idha adhippetā. Tenāha – ‘‘evañca pana bhikkhave nāsetabbo…pe… vinassā’’ti. Tattha carāti gaccha. Pireti para amāmaka. Vinassāti nassa; yattha te na passāma, tattha gacchāti.
៤២៩. ឧបលាបេយ្យាតិ សង្គណ្ហេយ្យ។ ឧបដ្ឋាបេយ្យាតិ តេន អត្តនោ ឧបដ្ឋានំ ការាបេយ្យ។ សេសំ អរិដ្ឋសិក្ខាបទេ វុត្តនយេនេវ វេទិតព្ពំ សទ្ធិំ សមុដ្ឋានាទីហីតិ។
429.Upalāpeyyāti saṅgaṇheyya. Upaṭṭhāpeyyāti tena attano upaṭṭhānaṃ kārāpeyya. Sesaṃ ariṭṭhasikkhāpade vuttanayeneva veditabbaṃ saddhiṃ samuṭṭhānādīhīti.
កណ្ដកសិក្ខាបទំ ទសមំ។
Kaṇṭakasikkhāpadaṃ dasamaṃ.
សមត្តោ វណ្ណនាក្កមេន សប្បាណកវគ្គោ សត្តមោ។
Samatto vaṇṇanākkamena sappāṇakavaggo sattamo.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ៧. សប្បាណកវគ្គោ • 7. Sappāṇakavaggo
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ១០. កណ្ដកសិក្ខាបទវណ្ណនា • 10. Kaṇṭakasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ១០. កណ្ដកសិក្ខាបទវណ្ណនា • 10. Kaṇṭakasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ១០. កណ្ដកសិក្ខាបទវណ្ណនា • 10. Kaṇṭakasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ១០. កណ្ដកសិក្ខាបទំ • 10. Kaṇṭakasikkhāpadaṃ
