| Library / Tipiṭaka / តិបិដក • Tipiṭaka / វិមានវត្ថុបាឡិ • Vimānavatthupāḷi |
៥. កញ្ជិកទាយិកាវិមានវត្ថុ
5. Kañjikadāyikāvimānavatthu
៧១៩.
719.
‘‘អភិក្កន្តេន វណ្ណេន…បេ.… ឱសធី វិយ តារកា។
‘‘Abhikkantena vaṇṇena…pe… osadhī viya tārakā.
៧២០.
720.
‘‘កេន តេតាទិសោ វណ្ណោ…បេ.…វណ្ណោ ច មេ សព្ពទិសា បភាសតី’’តិ។
‘‘Kena tetādiso vaṇṇo…pe…vaṇṇo ca me sabbadisā pabhāsatī’’ti.
៧២២.
722.
សា ទេវតា អត្តមនា…បេ.… យស្ស កម្មស្សិទំ ផលំ។
Sā devatā attamanā…pe… yassa kammassidaṃ phalaṃ.
៧២៣.
723.
‘‘អហំ អន្ធកវិន្ទម្ហិ, ពុទ្ធស្សាទិច្ចពន្ធុនោ;
‘‘Ahaṃ andhakavindamhi, buddhassādiccabandhuno;
អទាសិំ កោលសម្បាកំ, កញ្ជិកំ តេលធូបិតំ។
Adāsiṃ kolasampākaṃ, kañjikaṃ teladhūpitaṃ.
៧២៤.
724.
‘‘បិប្ផល្យា លសុណេន ច, មិស្សំ លាមញ្ជកេន ច;
‘‘Pipphalyā lasuṇena ca, missaṃ lāmañjakena ca;
៧២៥.
725.
‘‘យា មហេសិត្តំ ការេយ្យ, ចក្កវត្តិស្ស រាជិនោ;
‘‘Yā mahesittaṃ kāreyya, cakkavattissa rājino;
នារី សព្ពង្គកល្យាណី, ភត្តុ ចានោមទស្សិកា;
Nārī sabbaṅgakalyāṇī, bhattu cānomadassikā;
ឯកស្ស កញ្ជិកទានស្ស, កលំ នាគ្ឃតិ សោឡសិំ។
Ekassa kañjikadānassa, kalaṃ nāgghati soḷasiṃ.
៧២៦.
726.
‘‘សតំ និក្ខា សតំ អស្សា, សតំ អស្សតរីរថា;
‘‘Sataṃ nikkhā sataṃ assā, sataṃ assatarīrathā;
សតំ កញ្ញាសហស្សានិ, អាមុត្តមណិកុណ្ឌលា;
Sataṃ kaññāsahassāni, āmuttamaṇikuṇḍalā;
ឯកស្ស កញ្ជិកទានស្ស, កលំ នាគ្ឃន្តិ សោឡសិំ។
Ekassa kañjikadānassa, kalaṃ nāgghanti soḷasiṃ.
៧២៧.
727.
‘‘សតំ ហេមវតា នាគា, ឦសាទន្តា ឧរូឡ្ហវា;
‘‘Sataṃ hemavatā nāgā, īsādantā urūḷhavā;
សុវណ្ណកច្ឆា មាតង្គា, ហេមកប្បនវាសសា;
Suvaṇṇakacchā mātaṅgā, hemakappanavāsasā;
ឯកស្ស កញ្ជិកទានស្ស, កលំ នាគ្ឃន្តិ សោឡសិំ។
Ekassa kañjikadānassa, kalaṃ nāgghanti soḷasiṃ.
៧២៨.
728.
‘‘ចតុន្នមបិ ទីបានំ, ឥស្សរំ យោធ ការយេ;
‘‘Catunnamapi dīpānaṃ, issaraṃ yodha kāraye;
ឯកស្ស កញ្ជិកទានស្ស, កលំ នាគ្ឃតិ សោឡសិ’’ន្តិ។
Ekassa kañjikadānassa, kalaṃ nāgghati soḷasi’’nti.
កញ្ជិកទាយិកាវិមានំ បញ្ចមំ។
Kañjikadāyikāvimānaṃ pañcamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / វិមានវត្ថុ-អដ្ឋកថា • Vimānavatthu-aṭṭhakathā / ៥. កញ្ជិកទាយិកាវិមានវណ្ណនា • 5. Kañjikadāyikāvimānavaṇṇanā
