| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៤. កក្ការុបុប្ផបូជកត្ថេរអបទានំ
4. Kakkārupupphapūjakattheraapadānaṃ
២១.
21.
‘‘ទេវបុត្តោ អហំ សន្តោ, បូជយិំ សិខិនាយកំ;
‘‘Devaputto ahaṃ santo, pūjayiṃ sikhināyakaṃ;
កក្ការុបុប្ផំ បគ្គយ្ហ, ពុទ្ធស្ស អភិរោបយិំ។
Kakkārupupphaṃ paggayha, buddhassa abhiropayiṃ.
២២.
22.
‘‘ឯកត្តិំសេ ឥតោ កប្បេ, យំ បុប្ផមភិរោបយិំ;
‘‘Ekattiṃse ito kappe, yaṃ pupphamabhiropayiṃ;
ទុគ្គតិំ នាភិជានាមិ, ពុទ្ធបូជាយិទំ ផលំ។
Duggatiṃ nābhijānāmi, buddhapūjāyidaṃ phalaṃ.
២៣.
23.
‘‘ឥតោ ច នវមេ កប្បេ, រាជា សត្តុត្តមោ អហុំ;
‘‘Ito ca navame kappe, rājā sattuttamo ahuṃ;
សត្តរតនសម្បន្នោ, ចក្កវត្តី មហព្ពលោ។
Sattaratanasampanno, cakkavattī mahabbalo.
២៤.
24.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា កក្ការុបុប្ផបូជកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā kakkārupupphapūjako thero imā gāthāyo abhāsitthāti.
កក្ការុបុប្ផបូជកត្ថេរស្សាបទានំ ចតុត្ថំ។
Kakkārupupphapūjakattherassāpadānaṃ catutthaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៤. កក្ការុបុប្ផបូជកត្ថេរអបទានវណ្ណនា • 4. Kakkārupupphapūjakattheraapadānavaṇṇanā
