| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៥. មន្ទារវបុប្ផបូជកត្ថេរអបទានំ
5. Mandāravapupphapūjakattheraapadānaṃ
២៥.
25.
‘‘ទេវបុត្តោ អហំ សន្តោ, បូជយិំ សិខិនាយកំ;
‘‘Devaputto ahaṃ santo, pūjayiṃ sikhināyakaṃ;
មន្ទារវេន បុប្ផេន, ពុទ្ធស្ស អភិរោបយិំ។
Mandāravena pupphena, buddhassa abhiropayiṃ.
២៦.
26.
‘‘សត្តាហំ ឆទនំ អាសិ, ទិព្ពំ មាលំ តថាគតេ;
‘‘Sattāhaṃ chadanaṃ āsi, dibbaṃ mālaṃ tathāgate;
សព្ពេ ជនា សមាគន្ត្វា, នមស្សិំសុ តថាគតំ។
Sabbe janā samāgantvā, namassiṃsu tathāgataṃ.
២៧.
27.
‘‘ឯកត្តិំសេ ឥតោ កប្បេ, យំ បុប្ផមភិបូជយិំ;
‘‘Ekattiṃse ito kappe, yaṃ pupphamabhipūjayiṃ;
ទុគ្គតិំ នាភិជានាមិ, ពុទ្ធបូជាយិទំ ផលំ។
Duggatiṃ nābhijānāmi, buddhapūjāyidaṃ phalaṃ.
២៨.
28.
‘‘ឥតោ ច ទសមេ កប្បេ, រាជាហោសិំ ជុតិន្ធរោ;
‘‘Ito ca dasame kappe, rājāhosiṃ jutindharo;
សត្តរតនសម្បន្នោ, ចក្កវត្តី មហព្ពលោ។
Sattaratanasampanno, cakkavattī mahabbalo.
២៩.
29.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា មន្ទារវបុប្ផបូជកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā mandāravapupphapūjako thero imā gāthāyo abhāsitthāti.
មន្ទារវបុប្ផបូជកត្ថេរស្សាបទានំ បញ្ចមំ។
Mandāravapupphapūjakattherassāpadānaṃ pañcamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៥. មន្ទារវបុប្ផបូជកត្ថេរអបទានវណ្ណនា • 5. Mandāravapupphapūjakattheraapadānavaṇṇanā
