| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៦. កទម្ពបុប្ផិយត្ថេរអបទានំ
6. Kadambapupphiyattheraapadānaṃ
៣០.
30.
‘‘ហិមវន្តស្សាវិទូរេ , កុក្កុដោ នាម បព្ពតោ;
‘‘Himavantassāvidūre , kukkuṭo nāma pabbato;
តម្ហិ បព្ពតបាទម្ហិ, សត្ត ពុទ្ធា វសន្តិ តេ។
Tamhi pabbatapādamhi, satta buddhā vasanti te.
៣១.
31.
‘‘កទម្ពំ បុប្ផិតំ ទិស្វា, ទីបរាជំវ ឧគ្គតំ;
‘‘Kadambaṃ pupphitaṃ disvā, dīparājaṃva uggataṃ;
ឧភោ ហត្ថេហិ បគ្គយ្ហ, សត្ត ពុទ្ធេ សមោកិរិំ។
Ubho hatthehi paggayha, satta buddhe samokiriṃ.
៣២.
32.
‘‘ចតុន្នវុតិតោ កប្បេ, យំ បុប្ផមភិរោបយិំ;
‘‘Catunnavutito kappe, yaṃ pupphamabhiropayiṃ;
ទុគ្គតិំ នាភិជានាមិ, ពុទ្ធបូជាយិទំ ផលំ។
Duggatiṃ nābhijānāmi, buddhapūjāyidaṃ phalaṃ.
៣៣.
33.
‘‘ទ្វេនវុតេ ឥតោ កប្បេ, សត្តាសុំ បុប្ផនាមកា;
‘‘Dvenavute ito kappe, sattāsuṃ pupphanāmakā;
សត្តរតនសម្បន្នា, ចក្កវត្តី មហព្ពលា។
Sattaratanasampannā, cakkavattī mahabbalā.
៣៤.
34.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា កទម្ពបុប្ផិយោ ថេរោ ឥមា គាថាយោ អភាសិត្ថាតិ;
Itthaṃ sudaṃ āyasmā kadambapupphiyo thero imā gāthāyo abhāsitthāti;
កទម្ពបុប្ផិយត្ថេរស្សាបទានំ ឆដ្ឋំ។
Kadambapupphiyattherassāpadānaṃ chaṭṭhaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៦. កទម្ពបុប្ផិយត្ថេរអបទានវណ្ណនា • 6. Kadambapupphiyattheraapadānavaṇṇanā
