| Library / Tipiṭaka / তিপিটক • Tipiṭaka / জাতকপাল়ি • Jātakapāḷi |
৮. অট্ঠকনিপাতো
8. Aṭṭhakanipāto
৪১৭. কচ্চানিজাতকং (১)
417. Kaccānijātakaṃ (1)
১.
1.
ওদাতৰত্থা সুচি অল্লকেসা, কচ্চানি কিং কুম্ভিমধিস্সযিত্ৰা 1।
Odātavatthā suci allakesā, kaccāni kiṃ kumbhimadhissayitvā 2;
পিট্ঠা তিলা ধোৰসি তণ্ডুলানি, তিলোদনো হেহিতি কিস্স হেতু॥
Piṭṭhā tilā dhovasi taṇḍulāni, tilodano hehiti kissa hetu.
২.
2.
ন খো অযং ব্রাহ্মণ ভোজনত্থা 3, তিলোদনো হেহিতি সাধুপক্কো।
Na kho ayaṃ brāhmaṇa bhojanatthā 4, tilodano hehiti sādhupakko;
ধম্মো মতো তস্স পহুত্তমজ্জ 5, অহং করিস্সামি সুসানমজ্ঝে॥
Dhammo mato tassa pahuttamajja 6, ahaṃ karissāmi susānamajjhe.
৩.
3.
অনুৰিচ্চ কচ্চানি করোহি কিচ্চং, ধম্মো মতো কো নু তৰেৰ 7 সংসি।
Anuvicca kaccāni karohi kiccaṃ, dhammo mato ko nu taveva 8 saṃsi;
সহস্সনেত্তো অতুলানুভাৰো, ন মিয্যতী ধম্মৰরো কদাচি॥
Sahassanetto atulānubhāvo, na miyyatī dhammavaro kadāci.
৪.
4.
দল়্হপ্পমাণং মম এত্থ ব্রহ্মে, ধম্মো মতো নত্থি মমেত্থ কঙ্খা।
Daḷhappamāṇaṃ mama ettha brahme, dhammo mato natthi mamettha kaṅkhā;
যে যেৰ দানি পাপা ভৰন্তি, তে তেৰ দানি সুখিতা ভৰন্তি॥
Ye yeva dāni pāpā bhavanti, te teva dāni sukhitā bhavanti.
৫.
5.
সুণিসা হি ময্হং ৰঞ্ঝা অহোসি, সা মং ৰধিত্ৰান ৰিজাযি পুত্তং।
Suṇisā hi mayhaṃ vañjhā ahosi, sā maṃ vadhitvāna vijāyi puttaṃ;
সা দানি সব্বস্স কুলস্স ইস্সরা, অহং পনম্হি 9 অপৰিদ্ধা একিকা॥
Sā dāni sabbassa kulassa issarā, ahaṃ panamhi 10 apaviddhā ekikā.
৬.
6.
জীৰামি ৰোহং ন মতোহমস্মি 11, তৰেৰ অত্থায ইধাগতোস্মি।
Jīvāmi vohaṃ na matohamasmi 12, taveva atthāya idhāgatosmi;
যা তং ৰধিত্ৰান ৰিজাযি পুত্তং, সহাৰ পুত্তেন করোমি ভস্মং॥
Yā taṃ vadhitvāna vijāyi puttaṃ, sahāva puttena karomi bhasmaṃ.
৭.
7.
এৰঞ্চ 13 তে রুচ্চতি দেৰরাজ, মমেৰ অত্থায ইধাগতোসি।
Evañca 14 te ruccati devarāja, mameva atthāya idhāgatosi;
অহঞ্চ পুত্তো সুণিসা চ নত্তা, সম্মোদমানা ঘরমাৰসেম॥
Ahañca putto suṇisā ca nattā, sammodamānā gharamāvasema.
৮.
8.
এৰঞ্চ তে রুচ্চতি কাতিযানি, হতাপি সন্তা ন জহাসি ধম্মং।
Evañca te ruccati kātiyāni, hatāpi santā na jahāsi dhammaṃ;
তুৰঞ্চ 15 পুত্তো সুণিসা চ নত্তা, সম্মোদমানা ঘরমাৰসেথ॥
Tuvañca 16 putto suṇisā ca nattā, sammodamānā gharamāvasetha.
৯.
9.
সা কাতিযানী সুণিসায সদ্ধিং, সম্মোদমানা ঘরমাৰসিত্থ।
Sā kātiyānī suṇisāya saddhiṃ, sammodamānā gharamāvasittha;
পুত্তো চ নত্তা চ উপট্ঠহিংসু, দেৰানমিন্দেন অধিগ্গহীতাতি॥
Putto ca nattā ca upaṭṭhahiṃsu, devānamindena adhiggahītāti.
কচ্চানিজাতকং পঠমং।
Kaccānijātakaṃ paṭhamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / জাতক-অট্ঠকথা • Jātaka-aṭṭhakathā / [৪১৭] ১. কচ্চানিজাতকৰণ্ণনা • [417] 1. Kaccānijātakavaṇṇanā
