| Library / Tipiṭaka / তিপিটক • Tipiṭaka / জাতকপাল়ি • Jātakapāḷi |
৪১৮. অট্ঠসদ্দজাতকং (২)
418. Aṭṭhasaddajātakaṃ (2)
১০.
10.
ইদং পুরে নিন্নমাহু, বহুমচ্ছং মহোদকং।
Idaṃ pure ninnamāhu, bahumacchaṃ mahodakaṃ;
আৰাসো বকরাজস্স, পেত্তিকং ভৰনং মম।
Āvāso bakarājassa, pettikaṃ bhavanaṃ mama;
১১.
11.
কো মে পুত্তে কুলাৰকং, মঞ্চ সোত্থিং করিস্সতি॥
Ko me putte kulāvakaṃ, mañca sotthiṃ karissati.
১২.
12.
সব্বা পরিক্খযা ফেগ্গু, যাৰ তস্সা গতী অহু।
Sabbā parikkhayā pheggu, yāva tassā gatī ahu;
খীণভক্খো মহারাজ, সারে ন রমতী ঘুণো॥
Khīṇabhakkho mahārāja, sāre na ramatī ghuṇo.
১৩.
13.
সা নূনাহং ইতো গন্ত্ৰা, রঞ্ঞো মুত্তা নিৰেসনা।
Sā nūnāhaṃ ito gantvā, rañño muttā nivesanā;
অত্তানং রমযিস্সামি, দুমসাখনিকেতিনী॥
Attānaṃ ramayissāmi, dumasākhaniketinī.
১৪.
14.
সো নূনাহং ইতো গন্ত্ৰা, রঞ্ঞো মুত্তো নিৰেসনা।
So nūnāhaṃ ito gantvā, rañño mutto nivesanā;
অগ্গোদকানি পিস্সামি, যূথস্স পুরতো ৰজং॥
Aggodakāni pissāmi, yūthassa purato vajaṃ.
১৫.
15.
তং মং কামেহি সম্মত্তং, রত্তং কামেসু মুচ্ছিতং।
Taṃ maṃ kāmehi sammattaṃ, rattaṃ kāmesu mucchitaṃ;
১৬.
16.
অন্ধকারতিমিসাযং, তুঙ্গে উপরিপব্বতে।
Andhakāratimisāyaṃ, tuṅge uparipabbate;
১৭.
17.
অসংসযং জাতিখযন্তদস্সী, ন গব্ভসেয্যং পুনরাৰজিস্সং।
Asaṃsayaṃ jātikhayantadassī, na gabbhaseyyaṃ punarāvajissaṃ;
অযমন্তিমা পচ্ছিমা গব্ভসেয্যা 11, খীণো মে সংসারো পুনব্ভৰাযাতি॥
Ayamantimā pacchimā gabbhaseyyā 12, khīṇo me saṃsāro punabbhavāyāti.
অট্ঠসদ্দজাতকং দুতিযং।
Aṭṭhasaddajātakaṃ dutiyaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / জাতক-অট্ঠকথা • Jātaka-aṭṭhakathā / [৪১৮] ২. অট্ঠসদ্দজাতকৰণ্ণনা • [418] 2. Aṭṭhasaddajātakavaṇṇanā
