| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੮. ਹਿਰੀਸੁਤ੍ਤવਣ੍ਣਨਾ
8. Hirīsuttavaṇṇanā
੧੮. ਨਿਸੇਧੇਤੀਤਿ ਨਿવਾਰੇਤਿ ਪવਤ੍ਤਿਤੁਂ ਨ ਦੇਤਿ। ਪੁਚ੍ਛਤਿ ਦੇવਤਾ। ਅਪਹਰਨ੍ਤੋਤਿ ਅਪਨੇਨ੍ਤੋ, ਯਥਾ ਸਬ੍ਬੇਨ ਸਬ੍ਬਂ ਅਕ੍ਕੋਸવਤ੍ਥੁ ਨ ਹੋਤਿ, ਏવਂ ਪਰਿਹਰਨ੍ਤੋਤਿ ਅਤ੍ਥੋ। ਬੁਜ੍ਝਤਿ ਸਾਰਥਿવਿਧਂ। ਅਤ੍ਤਨਿ ਨਿਪਾਤਂ ਨ ਦੇਤਿ, ਆਜਾਨੀਯੋ ਹਿ ਯੁਤ੍ਤਂ ਪਜਾਨਾਤਿ। ਅਭੂਤੇਨ ਅਭੂਤਕ੍ਕੋਸੇਨ ਪਰਿਮੁਤ੍ਤੋ ਨਾਮ ਨਤ੍ਥਿ ਬਾਲਾਨਞ੍ਚ ਜਨਾਨਂ ਪਰਾਪવਾਦੇ ਯੁਤ੍ਤਪਯੁਤ੍ਤਭਾવਤੋ। ਤੇਨਾਹ ਭਗવਾ –
18.Nisedhetīti nivāreti pavattituṃ na deti. Pucchati devatā. Apaharantoti apanento, yathā sabbena sabbaṃ akkosavatthu na hoti, evaṃ pariharantoti attho. Bujjhati sārathividhaṃ. Attani nipātaṃ na deti, ājānīyo hi yuttaṃ pajānāti. Abhūtena abhūtakkosena parimutto nāma natthi bālānañca janānaṃ parāpavāde yuttapayuttabhāvato. Tenāha bhagavā –
‘‘ਨਿਨ੍ਦਨ੍ਤਿ ਤੁਣ੍ਹਿਮਾਸੀਨਂ, ਨਿਨ੍ਦਨ੍ਤਿ ਬਹੁਭਾਣਿਨਂ।
‘‘Nindanti tuṇhimāsīnaṃ, nindanti bahubhāṇinaṃ;
ਮਿਤਭਾਣਿਮ੍ਪਿ ਨਿਨ੍ਦਨ੍ਤਿ, ਨਤ੍ਥਿ ਲੋਕੇ ਅਨਿਨ੍ਦਿਤੋ’’ਤਿ॥ (ਧ॰ ਪ॰ ੨੨੭)।
Mitabhāṇimpi nindanti, natthi loke anindito’’ti. (dha. pa. 227);
ਤਨੁਯਾਤਿ વਾ ਕਤਿਪਯਾ। ਤੇਨਾਹ ‘‘ਅਪ੍ਪਕਾ’’ਤਿ। ਸਦਾ ਸਤਾਤਿ ਹਿਰਿਨਿਸੇਧਭਾવੇ ਕਾਰਣવਚਨਂ। ਪਪ੍ਪੁਯ੍ਯਾਤਿ ਪਤ੍વਾ ਅਧਿਗਨ੍ਤ੍વਾ। વਾਨਤੋ ਨਿਕ੍ਖਨ੍ਤਤ੍ਤਾ ਨਿਬ੍ਬਾਨਂ, ਅਸਙ੍ਖਤਧਾਤੁ।
Tanuyāti vā katipayā. Tenāha ‘‘appakā’’ti. Sadā satāti hirinisedhabhāve kāraṇavacanaṃ. Pappuyyāti patvā adhigantvā. Vānato nikkhantattā nibbānaṃ, asaṅkhatadhātu.
ਹਿਰੀਸੁਤ੍ਤવਣ੍ਣਨਾ ਨਿਟ੍ਠਿਤਾ।
Hirīsuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਹਿਰੀਸੁਤ੍ਤਂ • 8. Hirīsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੮. ਹਿਰੀਸੁਤ੍ਤવਣ੍ਣਨਾ • 8. Hirīsuttavaṇṇanā
