| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੯. ਕੁਟਿਕਾਸੁਤ੍ਤવਣ੍ਣਨਾ
9. Kuṭikāsuttavaṇṇanā
੧੯. ਅਨ੍ਤੋਤਿ ਕੁਚ੍ਛਿਅਬ੍ਭਨ੍ਤਰੇ। વਸਨਟ੍ਠਾਨਟ੍ਠੇਨਾਤਿ વਸਨਭਾવੇਨ। ਕੁਲਪવੇਣਿਨ੍ਤਿ ਕੁਲਾਚਾਰਂ ਕੁਲਤਨ੍ਤਿਂ। ਸਨ੍ਤਾਨਕਟ੍ਠੇਨਾਤਿ ਕੁਲਸਨ੍ਤਤਿਯਾ ਬਨ੍ਧਨਭਾવੇਨ । ਏવਂ ਸਬ੍ਬਪਦੇਹਿ ਪੁਚ੍ਛਿਤਤ੍ਥਸ੍ਸ ਅਨੁਜਾਨਨવਸੇਨ ‘‘ਏਕਂਸવਚਨੇ ਨਿਪਾਤੋ’’ਤਿ વੁਤ੍ਤਂ। ਆਪਾਦਿਕਾ ਪੋਸਿਕਾ ਮਾਤੁਚ੍ਛਾ ਮਹਾਪਜਾਪਤਿ ਮਾਤਾ ਏવਾਤਿ ਕਤ੍વਾ ‘‘ਪਹਾਯ ਪਬ੍ਬਜਿਤਤ੍ਤਾ’’ਤਿ ਅવਿਸੇਸਤੋ વੁਤ੍ਤਂ। ਪਹਾਯ ਪਬ੍ਬਜਿਤਤ੍ਤਾ ਨਤ੍ਥੀਤਿ ਆਨੇਤ੍વਾ ਸਮ੍ਬਨ੍ਧੋ। ਪੁਨ ਮਾਤੁਕੁਚ੍ਛਿવਾਸਾਦੀਨਂ ਅਭਾવવਚਨੇਨੇવ વਟ੍ਟਮ੍ਹਿ ਬਨ੍ਧਨਸ੍ਸ ਅਭਾવੋ ਦੀਪਿਤੋ ਹੋਤੀਤਿ ਨ ਗਹਿਤੋ। ਅਯਂ ਕਿਰ ਦੇવਤਾ ਯਥਾ ਪੁਥੁਜ੍ਜਨਾ ਬੁਦ੍ਧਾਨਂ ਗੁਣੇ ਨ ਜਾਨਨ੍ਤਿ, ਏવਂ ਨ ਜਾਨਾਤਿ, ਤਸ੍ਮਾ ‘‘ਮਯਾ ਸਨ੍ਨਾਹਂ ਬਨ੍ਧਿਤ੍વਾ’’ਤਿਆਦਿਮਾਹ।
19.Antoti kucchiabbhantare. Vasanaṭṭhānaṭṭhenāti vasanabhāvena. Kulapaveṇinti kulācāraṃ kulatantiṃ. Santānakaṭṭhenāti kulasantatiyā bandhanabhāvena . Evaṃ sabbapadehi pucchitatthassa anujānanavasena ‘‘ekaṃsavacane nipāto’’ti vuttaṃ. Āpādikā posikā mātucchā mahāpajāpati mātā evāti katvā ‘‘pahāya pabbajitattā’’ti avisesato vuttaṃ. Pahāya pabbajitattā natthīti ānetvā sambandho. Puna mātukucchivāsādīnaṃ abhāvavacaneneva vaṭṭamhi bandhanassa abhāvo dīpito hotīti na gahito. Ayaṃ kira devatā yathā puthujjanā buddhānaṃ guṇe na jānanti, evaṃ na jānāti, tasmā ‘‘mayā sannāhaṃ bandhitvā’’tiādimāha.
ਕੁਟਿਕਾਸੁਤ੍ਤવਣ੍ਣਨਾ ਨਿਟ੍ਠਿਤਾ।
Kuṭikāsuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੯. ਕੁਟਿਕਾਸੁਤ੍ਤਂ • 9. Kuṭikāsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੯. ਕੁਟਿਕਾਸੁਤ੍ਤવਣ੍ਣਨਾ • 9. Kuṭikāsuttavaṇṇanā
