| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
២. គតសញ្ញកត្ថេរអបទានំ
2. Gatasaññakattheraapadānaṃ
១០.
10.
‘‘ជាតិយា សត្តវស្សោហំ, បព្ពជិំ អនគារិយំ;
‘‘Jātiyā sattavassohaṃ, pabbajiṃ anagāriyaṃ;
អវន្ទិំ សត្ថុនោ បាទេ, វិប្បសន្នេន ចេតសា។
Avandiṃ satthuno pāde, vippasannena cetasā.
១១.
11.
‘‘សត្តនង្គលកីបុប្ផេ, អាកាសេ ឧក្ខិបិំ អហំ;
‘‘Sattanaṅgalakīpupphe, ākāse ukkhipiṃ ahaṃ;
តិស្សំ ពុទ្ធំ សមុទ្ទិស្ស, អនន្តគុណសាគរំ។
Tissaṃ buddhaṃ samuddissa, anantaguṇasāgaraṃ.
១២.
12.
‘‘សុគតានុគតំ មគ្គំ, បូជេត្វា ហដ្ឋមានសោ;
‘‘Sugatānugataṃ maggaṃ, pūjetvā haṭṭhamānaso;
១៣.
13.
‘‘ទ្វេនវុតេ ឥតោ កប្បេ, យំ កម្មមករិំ តទា;
‘‘Dvenavute ito kappe, yaṃ kammamakariṃ tadā;
ទុគ្គតិំ នាភិជានាមិ, ពុទ្ធបូជាយិទំ ផលំ។
Duggatiṃ nābhijānāmi, buddhapūjāyidaṃ phalaṃ.
១៤.
14.
‘‘ឥតោ អដ្ឋមកេ កប្បេ, តយោ អគ្គិសិខា អហុ;
‘‘Ito aṭṭhamake kappe, tayo aggisikhā ahu;
សត្តរតនសម្បន្នា, ចក្កវត្តី មហព្ពលា។
Sattaratanasampannā, cakkavattī mahabbalā.
១៥.
15.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា គតសញ្ញកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā gatasaññako thero imā gāthāyo abhāsitthāti.
គតសញ្ញកត្ថេរស្សាបទានំ ទុតិយំ។
Gatasaññakattherassāpadānaṃ dutiyaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ២. គតសញ្ញកត្ថេរអបទានវណ្ណនា • 2. Gatasaññakattheraapadānavaṇṇanā
