| Library / Tipiṭaka / តិបិដក • Tipiṭaka / អបទាន-អដ្ឋកថា • Apadāna-aṭṭhakathā |
៥. គន្ធមាលិយត្ថេរអបទានវណ្ណនា
5. Gandhamāliyattheraapadānavaṇṇanā
សិទ្ធត្ថស្ស ភគវតោតិអាទិកំ អាយស្មតោ គន្ធមាលិយត្ថេរស្ស អបទាន។ អយម្បិ បុរិមពុទ្ធេសុ កតាធិការោ សិទ្ធត្ថស្ស ភគវតោ កាលេ កុលគេហេ និព្ពត្តោ មហទ្ធនោ មហាភោគោ អហោសិ។ សោ សត្ថរិ បសីទិត្វា ចន្ទនាគរុកប្បូរកស្សតុរាទីនិ អនេកានិ សុគន្ធានិ វឌ្ឍេត្វា សត្ថុ គន្ធថូបំ ការេសិ។ តស្សុបរិ សុមនបុប្ផេហិ ឆាទេសិ, ពុទ្ធញ្ច អដ្ឋង្គនមក្ការំ អកាសិ។ សោ តេន បុញ្ញកម្មេន ទេវមនុស្សេសុ សម្បត្តិយោ អនុភវិត្វា ឥមស្មិំ ពុទ្ធុប្បាទេ វិភវសម្បន្នេ ឯកស្មិំ កុលគេហេ និព្ពត្តោ វុទ្ធិមន្វាយ សត្ថរិ បសីទិត្វា បព្ពជិតោ នចិរស្សេវ អរហា អហោសិ។
Siddhatthassabhagavatotiādikaṃ āyasmato gandhamāliyattherassa apadāna. Ayampi purimabuddhesu katādhikāro siddhatthassa bhagavato kāle kulagehe nibbatto mahaddhano mahābhogo ahosi. So satthari pasīditvā candanāgarukappūrakassaturādīni anekāni sugandhāni vaḍḍhetvā satthu gandhathūpaṃ kāresi. Tassupari sumanapupphehi chādesi, buddhañca aṭṭhaṅganamakkāraṃ akāsi. So tena puññakammena devamanussesu sampattiyo anubhavitvā imasmiṃ buddhuppāde vibhavasampanne ekasmiṃ kulagehe nibbatto vuddhimanvāya satthari pasīditvā pabbajito nacirasseva arahā ahosi.
២៤. សោ អបរភាគេ អត្តនោ បុព្ពកម្មំ សរិត្វា សោមនស្សជាតោ បុព្ពចរិតាបទានំ បកាសេន្តោ សិទ្ធត្ថស្ស ភគវតោតិអាទិមាហ។ តំ សព្ពំ ឧត្តានត្ថមេវាតិ។
24. So aparabhāge attano pubbakammaṃ saritvā somanassajāto pubbacaritāpadānaṃ pakāsento siddhatthassa bhagavatotiādimāha. Taṃ sabbaṃ uttānatthamevāti.
គន្ធមាលិយត្ថេរអបទានវណ្ណនា សមត្តា។
Gandhamāliyattheraapadānavaṇṇanā samattā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / ខុទ្ទកនិកាយ • Khuddakanikāya / អបទានបាឡិ • Apadānapāḷi / ៥. គន្ធមាលិយត្ថេរអបទានំ • 5. Gandhamāliyattheraapadānaṃ
