| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੮. ਗਹਟ੍ਠવਨ੍ਦਨਾਸੁਤ੍ਤવਣ੍ਣਨਾ
8. Gahaṭṭhavandanāsuttavaṇṇanā
੨੬੪. ਪੁਥੁਦ੍ਦਿਸਾਤਿ ਬਹੁਦਿਸਾ। ਕਾ ਪਨ ਤਾਤਿ ਆਹ ‘‘ਚਤਸ੍ਸੋ ਦਿਸਾ ਚਤਸ੍ਸੋ ਅਨੁਦਿਸਾ ਚਾ’’ਤਿ। ਅਨੁਦਿਸਾਗਹਣੇਨ ਚੇਤ੍ਥ ਉਦ੍ਧਂ ਅਧੋਪਿ ਗਯ੍ਹਤੀਤਿ ਚ ਦਸ੍ਸੇਤਿ। ਭੂਮਿવਾਸਿਨੋਤਿ ਭੂਮਿਪਟਿਬਦ੍ਧવੁਤ੍ਤਿਨੋ। ਏਤੇਨ ਰੁਕ੍ਖਪਬ੍ਬਤਨਿવਾਸਿਨੋਪਿ ਗਹਿਤਾ ਹੋਨ੍ਤਿ। ਚਿਰਰਤ੍ਤਸਮਾਹਿਤਚਿਤ੍ਤੇਤਿ ਉਪਚਾਰਪ੍ਪਨਾਝਾਨਾਨਿ ਉਪ੍ਪਾਦੇਤ੍વਾ ਅਪਰਿਹੀਨਜ੍ਝਾਨਤਾਯ ਚਿਰਕਾਲਂ ਸਮਾਹਿਤਚਿਤ੍ਤੇ। ਆਪਾਣਕੋਟਿਕਨ੍ਤਿ ਜੀવਿਤਪਰਿਯਨ੍ਤਂ ਯਾવਜੀવਂ। ਏવਮਾਦੀਤਿ ਆਦਿ-ਸਦ੍ਦੇਨ ਅવਸੇਸਪੁਞ੍ਞਕਿਰਿਯવਤ੍ਥੂਨਿ ਸਙ੍ਗਣ੍ਹਾਤਿ। ਨਿਚ੍ਚਸੀਲવਸੇਨ ਪਞ੍ਚਹਿ, ਨਿਯਮਸੀਲવਸੇਨ ਦਸਹਿ। ਪਿ-ਸਦ੍ਦੇਨ ਤਤੋ ਕਤਿਪਯੇਹਿ ਉਪੋਸਥਸੀਲવਸੇਨ ਅਟ੍ਠਹਿਪੀਤਿ ਦਸ੍ਸੇਤਿ। ਧਮ੍ਮਿਕੇਹੀਤਿ ਧਮ੍ਮਤੋ ਅਨਪੇਤੇਹਿ। ਪਮੁਖੋਤਿ ਪਮੋਕ੍ਖੋ।
264.Puthuddisāti bahudisā. Kā pana tāti āha ‘‘catasso disā catasso anudisā cā’’ti. Anudisāgahaṇena cettha uddhaṃ adhopi gayhatīti ca dasseti. Bhūmivāsinoti bhūmipaṭibaddhavuttino. Etena rukkhapabbatanivāsinopi gahitā honti. Cirarattasamāhitacitteti upacārappanājhānāni uppādetvā aparihīnajjhānatāya cirakālaṃ samāhitacitte. Āpāṇakoṭikanti jīvitapariyantaṃ yāvajīvaṃ. Evamādīti ādi-saddena avasesapuññakiriyavatthūni saṅgaṇhāti. Niccasīlavasena pañcahi, niyamasīlavasena dasahi. Pi-saddena tato katipayehi uposathasīlavasena aṭṭhahipīti dasseti. Dhammikehīti dhammato anapetehi. Pamukhoti pamokkho.
ਗਹਟ੍ਠવਨ੍ਦਨਾਸੁਤ੍ਤવਣ੍ਣਨਾ ਨਿਟ੍ਠਿਤਾ।
Gahaṭṭhavandanāsuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਗਹਟ੍ਠવਨ੍ਦਨਾਸੁਤ੍ਤਂ • 8. Gahaṭṭhavandanāsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੮. ਗਹਟ੍ਠવਨ੍ਦਨਾਸੁਤ੍ਤવਣ੍ਣਨਾ • 8. Gahaṭṭhavandanāsuttavaṇṇanā
