| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੯. ਸਤ੍ਥਾਰવਨ੍ਦਨਾਸੁਤ੍ਤવਣ੍ਣਨਾ
9. Satthāravandanāsuttavaṇṇanā
੨੬੫. ਬ੍ਰਹ੍ਮਜਾਣੁਕੋਤਿ ਦਕ੍ਖਿਣਜਾਣੁਮਣ੍ਡਲਂ ਪਥવਿਯਂ ਠਪੇਤ੍વਾ વਨ੍ਦਮਾਨੋ ਬ੍ਰਹ੍ਮਜਾਣੁਕੋ ਨਾਮ ਤਥਾਭੂਤੋ ਹੁਤ੍વਾ। ਯਜਿਤਬ੍ਬਤੋ ਯਕ੍ਖੋ, ਪੂਜਨੀਯੋ। ਏવਂ ਪੂਜਾવਿਸੇਸਯੋਗਤੋ ਸਕ੍ਕੋਤਿ ਆਹ ‘‘ਸੋ ਯਕ੍ਖੋਤਿ ਸੋ ਸਕ੍ਕੋ’’ਤਿ। ਸਕ੍ਕਸ੍ਸ ਨਮਕ੍ਕਾਰਭਾਜਨਭੂਤਞ੍ਹਿ ਪੁਚ੍ਛਨ੍ਤੋ ਮਾਤਲਿ ‘‘ਕੋ ਨਾਮ ਸੋ ਯਕ੍ਖੋ’’ਤਿ ਆਹ। ਗੁਣਨੇਮਿਤ੍ਤਕੇਹੀਤਿ ਗੁਣਹੇਤੁਕੇਹਿ ਅਨਨ੍ਤਾਨਿ ਹਿ ਬੁਦ੍ਧਾਨਂ ਨਾਮਾਨਿ, ਤਾਨਿ ਚ ਖੋ ਸਬ੍ਬਾਨਿਪਿ ਗੁਣਨੇਮਿਤ੍ਤਕਾਨੇવ। ਅਨਨ੍ਤਗੁਣਤ੍ਤਾ। વੁਤ੍ਤਞ੍ਹੇਤਂ –
265.Brahmajāṇukoti dakkhiṇajāṇumaṇḍalaṃ pathaviyaṃ ṭhapetvā vandamāno brahmajāṇuko nāma tathābhūto hutvā. Yajitabbato yakkho, pūjanīyo. Evaṃ pūjāvisesayogato sakkoti āha ‘‘so yakkhoti so sakko’’ti. Sakkassa namakkārabhājanabhūtañhi pucchanto mātali ‘‘ko nāma so yakkho’’ti āha. Guṇanemittakehīti guṇahetukehi anantāni hi buddhānaṃ nāmāni, tāni ca kho sabbānipi guṇanemittakāneva. Anantaguṇattā. Vuttañhetaṃ –
‘‘ਅਸਙ੍ਖ੍ਯੇਯ੍ਯਾਨਿ ਨਾਮਾਨਿ, ਸਗੁਣੇਨ ਮਹੇਸਿਨੋ।
‘‘Asaṅkhyeyyāni nāmāni, saguṇena mahesino;
ਗੁਣੇਨ ਨਾਮਮੁਦ੍ਧੇਯ੍ਯਂ, ਅਪਿ ਨਾਮਸਹਸ੍ਸਤੋ’’ਤਿ॥ –
Guṇena nāmamuddheyyaṃ, api nāmasahassato’’ti. –
ਤਸ੍ਮਾ ਅਨੋਮਨਾਮਨ੍ਤਿ ਪਰਿਪੁਣ੍ਣਗੁਣਨਾਮਨ੍ਤਿ ਅਤ੍ਥੋ। ਸਮਤਿਕ੍ਕਮੇਨਾਤਿ ਸਮ੍ਮਾ ਸਮੁਚ੍ਛਿਨ੍ਦਨવਸੇਨ ਅਤਿਕ੍ਕਮਨੇਨ। ਕਿਲੇਸਾਰੀਨਂ ਅਪੇਤਚਯੋਤਿ ਅਪਚਯੋ, ਸੋ ਆਰਮਿਤਬ੍ਬਟ੍ਠੇਨ ਆਰਾਮੋ ਏਤੇਸਨ੍ਤਿ ਅਪਚਯਾਰਾਮਾ। ਤੇਨਾਹ ‘‘વਟ੍ਟવਿਦ੍ਧਂਸਨੇ ਰਤਾ’’ਤਿ।
Tasmā anomanāmanti paripuṇṇaguṇanāmanti attho. Samatikkamenāti sammā samucchindanavasena atikkamanena. Kilesārīnaṃ apetacayoti apacayo, so āramitabbaṭṭhena ārāmo etesanti apacayārāmā. Tenāha ‘‘vaṭṭaviddhaṃsane ratā’’ti.
ਸਤ੍ਥਾਰવਨ੍ਦਨਾਸੁਤ੍ਤવਣ੍ਣਨਾ ਨਿਟ੍ਠਿਤਾ।
Satthāravandanāsuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੯. ਸਤ੍ਥਾਰવਨ੍ਦਨਾਸੁਤ੍ਤਂ • 9. Satthāravandanāsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੯. ਸਤ੍ਥਾਰવਨ੍ਦਨਾਸੁਤ੍ਤવਣ੍ਣਨਾ • 9. Satthāravandanāsuttavaṇṇanā
