| Library / Tipiṭaka / តិបិដក • Tipiṭaka / អបទាន-អដ្ឋកថា • Apadāna-aṭṭhakathā |
៧. ឯកទីបិយត្ថេរអបទានវណ្ណនា
7. Ekadīpiyattheraapadānavaṇṇanā
បទុមុត្តរស្ស មុនិនោតិអាទិកំ អាយស្មតោ ឯកទីបិយត្ថេរស្ស អបទានំ។ អយម្បាយស្មា បុរិមជិនសេដ្ឋេសុ កតកុសលសម្ភារោ តត្ថ តត្ថ ភវេ វិវដ្ដូបនិស្សយានិ បុញ្ញានិ ឧបចិនន្តោ បទុមុត្តរស្ស ភគវតោ កាលេ គហបតិកុលេ និព្ពត្តោ វុទ្ធិប្បត្តោ សទ្ធោ បសន្នោ ភគវតោ សលលមហាពោធិម្ហិ ឯកបទីបំ បូជេសិ, ថាវរំ កត្វា និច្ចមេកបទីបបូជនត្ថាយ តេលវដ្ដំ បដ្ឋបេសិ។ សោ តេន បុញ្ញេន ទេវមនុស្សេសុ សំសរន្តោ សព្ពត្ថ ជលមានោ បសន្នចក្ខុកោ ឧភយសុខមនុភវិត្វា ឥមស្មិំ ពុទ្ធុប្បាទេ សាវត្ថិយំ វិភវសម្បន្នេ ឯកស្មិំ កុលេ និព្ពត្តោ វិញ្ញុតំ បត្តោ រតនត្តយេ បសន្នោ បព្ពជិត្វា នចិរស្សេវ អរហត្តំ បត្តោ ទីបបូជាយ លទ្ធវិសេសាធិគមត្តា ឯកទីបិយត្ថេរោតិ បាកដោ។
Padumuttarassa muninotiādikaṃ āyasmato ekadīpiyattherassa apadānaṃ. Ayampāyasmā purimajinaseṭṭhesu katakusalasambhāro tattha tattha bhave vivaṭṭūpanissayāni puññāni upacinanto padumuttarassa bhagavato kāle gahapatikule nibbatto vuddhippatto saddho pasanno bhagavato salalamahābodhimhi ekapadīpaṃ pūjesi, thāvaraṃ katvā niccamekapadīpapūjanatthāya telavaṭṭaṃ paṭṭhapesi. So tena puññena devamanussesu saṃsaranto sabbattha jalamāno pasannacakkhuko ubhayasukhamanubhavitvā imasmiṃ buddhuppāde sāvatthiyaṃ vibhavasampanne ekasmiṃ kule nibbatto viññutaṃ patto ratanattaye pasanno pabbajitvā nacirasseva arahattaṃ patto dīpapūjāya laddhavisesādhigamattā ekadīpiyattheroti pākaṭo.
៣០. សោ អបរភាគេ អត្តនោ បុព្ពកម្មំ សរិត្វា សោមនស្សជាតោ បុព្ពចរិតាបទានំ បកាសេន្តោ បទុមុត្តរស្ស មុនិនោតិអាទិមាហ។ តំ សព្ពំ ឧត្តានត្ថមេវាតិ។
30. So aparabhāge attano pubbakammaṃ saritvā somanassajāto pubbacaritāpadānaṃ pakāsento padumuttarassa muninotiādimāha. Taṃ sabbaṃ uttānatthamevāti.
ឯកទីបិយត្ថេរអបទានវណ្ណនា សមត្តា។
Ekadīpiyattheraapadānavaṇṇanā samattā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / ខុទ្ទកនិកាយ • Khuddakanikāya / អបទានបាឡិ • Apadānapāḷi / ៧. ឯកទីបិយត្ថេរអបទានំ • 7. Ekadīpiyattheraapadānaṃ
