| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៧. ឯកទីបិយត្ថេរអបទានំ
7. Ekadīpiyattheraapadānaṃ
៣០.
30.
‘‘បទុមុត្តរស្ស មុនិនោ, សឡលេ ពោធិមុត្តមេ;
‘‘Padumuttarassa munino, saḷale bodhimuttame;
បសន្នចិត្តោ សុមនោ, ឯកទីបំ អទាសហំ។
Pasannacitto sumano, ekadīpaṃ adāsahaṃ.
៣១.
31.
‘‘ភវេ និព្ពត្តមានម្ហិ, និព្ពត្តេ បុញ្ញសញ្ចយេ;
‘‘Bhave nibbattamānamhi, nibbatte puññasañcaye;
ទុគ្គតិំ នាភិជានាមិ, ទីបទានស្សិទំ ផលំ។
Duggatiṃ nābhijānāmi, dīpadānassidaṃ phalaṃ.
៣២.
32.
‘‘សោឡសេ កប្បសហស្សេ, ឥតោ តេ ចតុរោ ជនា;
‘‘Soḷase kappasahasse, ito te caturo janā;
ចន្ទាភា នាម នាមេន, ចក្កវត្តី មហព្ពលា។
Candābhā nāma nāmena, cakkavattī mahabbalā.
៣៣.
33.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា ឯកទីបិយោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā ekadīpiyo thero imā gāthāyo abhāsitthāti.
ឯកទីបិយត្ថេរស្សាបទានំ សត្តមំ។
Ekadīpiyattherassāpadānaṃ sattamaṃ.
នវមំ ភាណវារំ។
Navamaṃ bhāṇavāraṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៧. ឯកទីបិយត្ថេរអបទានវណ្ណនា • 7. Ekadīpiyattheraapadānavaṇṇanā
