| Library / Tipiṭaka / តិបិដក • Tipiṭaka / វជិរពុទ្ធិ-ដីកា • Vajirabuddhi-ṭīkā |
២. ទុតិយនិស្សគ្គិយបាចិត្តិយសិក្ខាបទវណ្ណនា
2. Dutiyanissaggiyapācittiyasikkhāpadavaṇṇanā
៧៤០. វត្ថុសម្បត្តត្តា វា ន តស្សា អនាបន្នកាមតាយ វា អនាណត្តិកតាយ វា អកាលចីវរមទំសុ។ យថាទានេ ឯវ ឧបនេតព្ពំ, ន ភាជេតព្ពំ បុគ្គលិកត្តាតិ អធិប្បាយោ។ អត្ថតោ ហិ ឥតរម្បិ យថាទានេ ឯវ ឧបនេតព្ពមេវ។ គណ្ឋិបទេ បន ‘‘អយ្យាយ ទម្មីតិ ឯវំ បដិលទ្ធន្តិ និស្សដ្ឋបដិលទ្ធំ។ យថាទានេតិ ទាយកេហិ បរិច្ចត្តវិធានេន។ ឧបនេតព្ពន្តិ អកាលចីវរភាវេន ភាជេតព្ពន្តិ អធិប្បាយោ។ ឥធ ភាជាបិតាយ លទ្ធចីវរមេវ និស្សគ្គិយំ ហោតិ, តំ វិនយកម្មំ កត្វាបិ អត្តនា ន លភតី’’តិ លិខិតំ។ យទិ និស្សដ្ឋបដិលទ្ធំ សន្ធាយ ឥទំ វុត្តំ សិយា, ‘‘និស្សជ្ជិតព្ពំ សង្ឃស្ស វា គណស្ស វា បុគ្គលស្ស វា ទទេយ្យ, ទទេយ្យុំ, អយ្យាយ ទម្មី’’តិ វុត្តត្តា តីណិបេតានិ បទានិ វត្តព្ពានិ សិយុំ, តស្មា ន កេវលំ និស្សដ្ឋបដិលទ្ធមេវ យថាទានេ ឧបនេតព្ពំ, អញ្ញាហិ ភិក្ខុនីហិ លទ្ធកោដ្ឋាសម្បិ យថាទានេយេវ ឧបនេតព្ពំ។
740. Vatthusampattattā vā na tassā anāpannakāmatāya vā anāṇattikatāya vā akālacīvaramadaṃsu. Yathādāne eva upanetabbaṃ, na bhājetabbaṃ puggalikattāti adhippāyo. Atthato hi itarampi yathādāne eva upanetabbameva. Gaṇṭhipade pana ‘‘ayyāya dammīti evaṃ paṭiladdhanti nissaṭṭhapaṭiladdhaṃ. Yathādāneti dāyakehi pariccattavidhānena. Upanetabbanti akālacīvarabhāvena bhājetabbanti adhippāyo. Idha bhājāpitāya laddhacīvarameva nissaggiyaṃ hoti, taṃ vinayakammaṃ katvāpi attanā na labhatī’’ti likhitaṃ. Yadi nissaṭṭhapaṭiladdhaṃ sandhāya idaṃ vuttaṃ siyā, ‘‘nissajjitabbaṃ saṅghassa vā gaṇassa vā puggalassa vā dadeyya, dadeyyuṃ, ayyāya dammī’’ti vuttattā tīṇipetāni padāni vattabbāni siyuṃ, tasmā na kevalaṃ nissaṭṭhapaṭiladdhameva yathādāne upanetabbaṃ, aññāhi bhikkhunīhi laddhakoṭṭhāsampi yathādāneyeva upanetabbaṃ.
៧៤១. ‘‘អកាលចីវរេ កាលចីវរសញ្ញាយ អនាបត្តី’’តិ បន ភាជនបច្ចយា អាបជ្ជិតព្ពាបត្តិំ នាបជ្ជតីតិ ឯត្តកមេវ ទីបេតិ, ន បដិលទ្ធំ, ន យថាទានេ ទាតព្ពន្តិ ឥមមត្ថំ ទីបេតិ។ លេសេន បន គណ្ហាតិ ចេ, ភណ្ឌគ្ឃេន ការេតព្ពា។
741. ‘‘Akālacīvare kālacīvarasaññāya anāpattī’’ti pana bhājanapaccayā āpajjitabbāpattiṃ nāpajjatīti ettakameva dīpeti, na paṭiladdhaṃ, na yathādāne dātabbanti imamatthaṃ dīpeti. Lesena pana gaṇhāti ce, bhaṇḍagghena kāretabbā.
ទុតិយនិស្សគ្គិយបាចិត្តិយសិក្ខាបទវណ្ណនា និដ្ឋិតា។
Dutiyanissaggiyapācittiyasikkhāpadavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ភិក្ខុនីវិភង្គ • Bhikkhunīvibhaṅga / ២. ទុតិយសិក្ខាបទំ • 2. Dutiyasikkhāpadaṃ
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / ភិក្ខុនីវិភង្គ-អដ្ឋកថា • Bhikkhunīvibhaṅga-aṭṭhakathā / ទុតិយនិស្សគ្គិយបាចិត្តិយសិក្ខាបទវណ្ណនា • Dutiyanissaggiyapācittiyasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ៣. និស្សគ្គិយកណ្ឌំ (ភិក្ខុនីវិភង្គវណ្ណនា) • 3. Nissaggiyakaṇḍaṃ (bhikkhunīvibhaṅgavaṇṇanā)
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ២. ទុតិយនិស្សគ្គិយាទិបាចិត្តិយសិក្ខាបទវណ្ណនា • 2. Dutiyanissaggiyādipācittiyasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ២. ទុតិយនិស្សគ្គិយបាចិត្តិយសិក្ខាបទំ • 2. Dutiyanissaggiyapācittiyasikkhāpadaṃ
