| Library / Tipiṭaka / তিপিটক • Tipiṭaka / ইতিৰুত্তকপাল়ি • Itivuttakapāḷi |
৫. দুচ্চরিতসুত্তং
5. Duccaritasuttaṃ
৬৪. ৰুত্তঞ্হেতং ভগৰতা, ৰুত্তমরহতাতি মে সুতং –
64. Vuttañhetaṃ bhagavatā, vuttamarahatāti me sutaṃ –
‘‘তীণিমানি, ভিক্খৰে, দুচ্চরিতানি। কতমানি তীণি? কাযদুচ্চরিতং, ৰচীদুচ্চরিতং, মনোদুচ্চরিতং – ইমানি খো, ভিক্খৰে, তীণি দুচ্চরিতানী’’তি। এতমত্থং ভগৰা অৰোচ। তত্থেতং ইতি ৰুচ্চতি –
‘‘Tīṇimāni, bhikkhave, duccaritāni. Katamāni tīṇi? Kāyaduccaritaṃ, vacīduccaritaṃ, manoduccaritaṃ – imāni kho, bhikkhave, tīṇi duccaritānī’’ti. Etamatthaṃ bhagavā avoca. Tatthetaṃ iti vuccati –
‘‘কাযদুচ্চরিতং কত্ৰা, ৰচীদুচ্চরিতানি চ।
‘‘Kāyaduccaritaṃ katvā, vacīduccaritāni ca;
মনোদুচ্চরিতং কত্ৰা, যঞ্চঞ্ঞং দোসসংহিতং॥
Manoduccaritaṃ katvā, yañcaññaṃ dosasaṃhitaṃ.
‘‘অকত্ৰা কুসলং কম্মং, কত্ৰানাকুসলং বহুং।
‘‘Akatvā kusalaṃ kammaṃ, katvānākusalaṃ bahuṃ;
কাযস্স ভেদা দুপ্পঞ্ঞো, নিরযং সোপপজ্জতী’’তি॥
Kāyassa bhedā duppañño, nirayaṃ sopapajjatī’’ti.
অযম্পি অত্থো ৰুত্তো ভগৰতা, ইতি মে সুতন্তি। পঞ্চমং।
Ayampi attho vutto bhagavatā, iti me sutanti. Pañcamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / ইতিৰুত্তক-অট্ঠকথা • Itivuttaka-aṭṭhakathā / ৫. দুচ্চরিতসুত্তৰণ্ণনা • 5. Duccaritasuttavaṇṇanā
