| Library / Tipiṭaka / তিপিটক • Tipiṭaka / ইতিৰুত্তকপাল়ি • Itivuttakapāḷi |
৬. সুচরিতসুত্তং
6. Sucaritasuttaṃ
৬৫. ৰুত্তঞ্হেতং ভগৰতা, ৰুত্তমরহতাতি মে সুতং –
65. Vuttañhetaṃ bhagavatā, vuttamarahatāti me sutaṃ –
‘‘তীণিমানি, ভিক্খৰে, সুচরিতানি। কতমানি তীণি? কাযসুচরিতং, ৰচীসুচরিতং, মনোসুচরিতং – ইমানি খো, ভিক্খৰে, তীণি সুচরিতানী’’তি। এতমত্থং ভগৰা অৰোচ। তত্থেতং ইতি ৰুচ্চতি –
‘‘Tīṇimāni, bhikkhave, sucaritāni. Katamāni tīṇi? Kāyasucaritaṃ, vacīsucaritaṃ, manosucaritaṃ – imāni kho, bhikkhave, tīṇi sucaritānī’’ti. Etamatthaṃ bhagavā avoca. Tatthetaṃ iti vuccati –
‘‘কাযদুচ্চরিতং হিত্ৰা, ৰচীদুচ্চরিতানি চ।
‘‘Kāyaduccaritaṃ hitvā, vacīduccaritāni ca;
মনোদুচ্চরিতং হিত্ৰা, যঞ্চঞ্ঞং দোসসংহিতং॥
Manoduccaritaṃ hitvā, yañcaññaṃ dosasaṃhitaṃ.
‘‘অকত্ৰাকুসলং কম্মং, কত্ৰান কুসলং বহুং।
‘‘Akatvākusalaṃ kammaṃ, katvāna kusalaṃ bahuṃ;
কাযস্স ভেদা সপ্পঞ্ঞো, সগ্গং সো উপপজ্জতী’’তি॥
Kāyassa bhedā sappañño, saggaṃ so upapajjatī’’ti.
অযম্পি অত্থো ৰুত্তো ভগৰতা, ইতি মে সুতন্তি। ছট্ঠং।
Ayampi attho vutto bhagavatā, iti me sutanti. Chaṭṭhaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / ইতিৰুত্তক-অট্ঠকথা • Itivuttaka-aṭṭhakathā / ৬. সুচরিতসুত্তৰণ্ণনা • 6. Sucaritasuttavaṇṇanā
