| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
៨. ទុព្ពណ្ណករណសិក្ខាបទវណ្ណនា
8. Dubbaṇṇakaraṇasikkhāpadavaṇṇanā
៣៦៨. អដ្ឋមេ បដិលទ្ធនវចីវរេនាតិ ឯត្ថ បុព្ពេ អកតកប្បំ កតិបាហំ និវាសនត្ថាយ តាវកាលិកវសេន លទ្ធម្បិ សង្គយ្ហតីតិ វទន្តិ។
368. Aṭṭhame paṭiladdhanavacīvarenāti ettha pubbe akatakappaṃ katipāhaṃ nivāsanatthāya tāvakālikavasena laddhampi saṅgayhatīti vadanti.
៣៦៩. ‘‘នវំ នាម អកតកប្ប’’ន្តិ សាមញ្ញតោ វុត្តត្តា អញ្ញេន ភិក្ខុនា កប្បពិន្ទុំ ទត្វា បរិភុត្តំ ចីវរំ, តេន វា, តតោ លភិត្វា អញ្ញេន វា កេនចិ ទិន្នម្បិ កតកប្បមេវ នវំ នាម ន ហោតីតិ ទដ្ឋព្ពំ។ ‘‘និវាសេតុំ វា បារុបិតុំ វា’’តិ វុត្តត្តា អំសពទ្ធកាសាវម្បិ បារុបិតព្ពតោ កប្បំ កាតព្ពន្តិ វទន្តិ។ ចម្មការនីលំ នាម ចម្មំ នីលវណ្ណំ កាតុំ យោជិយមានំ នីលំ។ បកតិនីលមេវាតិ កេចិ។ យថាវុត្តចីវរស្ស អកតកប្បតា, អនដ្ឋចីវរាទិតា, និវាសនាទិតាតិ តីណិ អង្គានិ។
369. ‘‘Navaṃ nāma akatakappa’’nti sāmaññato vuttattā aññena bhikkhunā kappabinduṃ datvā paribhuttaṃ cīvaraṃ, tena vā, tato labhitvā aññena vā kenaci dinnampi katakappameva navaṃ nāma na hotīti daṭṭhabbaṃ. ‘‘Nivāsetuṃ vā pārupituṃ vā’’ti vuttattā aṃsabaddhakāsāvampi pārupitabbato kappaṃ kātabbanti vadanti. Cammakāranīlaṃ nāma cammaṃ nīlavaṇṇaṃ kātuṃ yojiyamānaṃ nīlaṃ. Pakatinīlamevāti keci. Yathāvuttacīvarassa akatakappatā, anaṭṭhacīvarāditā, nivāsanāditāti tīṇi aṅgāni.
ទុព្ពណ្ណករណសិក្ខាបទវណ្ណនា និដ្ឋិតា។
Dubbaṇṇakaraṇasikkhāpadavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ៦. សុរាបានវគ្គោ • 6. Surāpānavaggo
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវិភង្គ-អដ្ឋកថា • Mahāvibhaṅga-aṭṭhakathā / ៨. ទុព្ពណ្ណករណសិក្ខាបទវណ្ណនា • 8. Dubbaṇṇakaraṇasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ៨. ទុព្ពណ្ណករណសិក្ខាបទវណ្ណនា • 8. Dubbaṇṇakaraṇasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ៨. ទុព្ពណ្ណករណសិក្ខាបទវណ្ណនា • 8. Dubbaṇṇakaraṇasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ៨. ទុព្ពណ្ណករណសិក្ខាបទំ • 8. Dubbaṇṇakaraṇasikkhāpadaṃ
