| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៩. ធម្មចក្កិកត្ថេរអបទានំ
9. Dhammacakkikattheraapadānaṃ
១០២.
102.
‘‘សិទ្ធត្ថស្ស ភគវតោ, សីហាសនស្ស សម្មុខា;
‘‘Siddhatthassa bhagavato, sīhāsanassa sammukhā;
ធម្មចក្កំ មេ ឋបិតំ, សុកតំ វិញ្ញុវណ្ណិតំ។
Dhammacakkaṃ me ṭhapitaṃ, sukataṃ viññuvaṇṇitaṃ.
១០៣.
103.
‘‘ចារុវណ្ណោវ សោភាមិ, សយោគ្គពលវាហនោ;
‘‘Cāruvaṇṇova sobhāmi, sayoggabalavāhano;
បរិវារេន្តិ មំ និច្ចំ, អនុយន្តា ពហុជ្ជនា។
Parivārenti maṃ niccaṃ, anuyantā bahujjanā.
១០៤.
104.
‘‘សដ្ឋិតូរិយសហស្សេហិ, បរិចារេមហំ សទា;
‘‘Saṭṭhitūriyasahassehi, paricāremahaṃ sadā;
បរិវារេន សោភាមិ, បុញ្ញកម្មស្សិទំ ផលំ។
Parivārena sobhāmi, puññakammassidaṃ phalaṃ.
១០៥.
105.
‘‘ចតុន្នវុតិតោ កប្បេ, យំ ចក្កំ ឋបយិំ អហំ;
‘‘Catunnavutito kappe, yaṃ cakkaṃ ṭhapayiṃ ahaṃ;
ទុគ្គតិំ នាភិជានាមិ, ធម្មចក្កស្សិទំ ផលំ។
Duggatiṃ nābhijānāmi, dhammacakkassidaṃ phalaṃ.
១០៦.
106.
‘‘ឥតោ ឯកាទសេ កប្បេ, អដ្ឋាសិំសុ ជនាធិបា;
‘‘Ito ekādase kappe, aṭṭhāsiṃsu janādhipā;
សហស្សរាជនាមេន, ចក្កវត្តី មហព្ពលា។
Sahassarājanāmena, cakkavattī mahabbalā.
១០៧.
107.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា ធម្មចក្កិកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā dhammacakkiko thero imā gāthāyo abhāsitthāti.
ធម្មចក្កិកត្ថេរស្សាបទានំ នវមំ។
Dhammacakkikattherassāpadānaṃ navamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៩. ធម្មចក្កិកត្ថេរអបទានវណ្ណនា • 9. Dhammacakkikattheraapadānavaṇṇanā
